කොළඹ නිපෝන් හෝටලයේදී ඊයේ (14 දා) පැවැති මාධ්ය හමුවකදී එසේ පැවැසූ ඇය ගෘහස්ථ හිංසන, ස්ත්රී දූෂණ හා අතවර සඳහා සුරාව, මත්පැන් භාවිතය ප්රධාන හේතුවක්ව තිබෙන බවත් දිවයිනේ සුරාසල් බොහෝ ගණනක හිමිකරුවන් වී ඇත්තේ ප්රාදේශීය දේශපාලනඥයන් වන බවත්ය.ගෙවුණු කාලය මුළුල්ලේ රටේ සිදුවූ ස්ත්රී දූෂණ, මිනීමැරුම් ඇතුළු අපරාධ ගණනක වගඋත්තරකරුවන් ප්රාදේශීය දේශපාලනඥයන් සිටියදී ඔවුන් ආරක්ෂා කිරීමේ ක්රමවේදයක් පැවතීම සමාජයට වන අසාධාරණයක් බවද පැවැසුවාය.
"රටේ අපරාධ රැල්ල ඉහළ යන තරමටම කාන්තාවන්ට සිදුවන අපරාධත් ඉහළ ගිහින් තියෙනවා. මේ වෙද්දි ගෘහස්ථ හිංසනය වසර දෙකකදී සියයට 20කින් ඉහළ ගොස් එය සියයට 80 ක් වෙලා. ගෘහස්ථ හිංසනයේ පස්වැනි තැනට එන්න ලංකාවට හැකිවෙලා තිබෙනවා. සෑම විනාඩි අනූවකටම වරක් කාන්තාවක් දූෂණයට ලක්වෙන තැනට මේ රට පත්වෙලා තිබෙන්නෙ රජයේ අනුග්රහය ලබන ප්රාදේශීය දේශපාලනඥයන්ගේ වරදින්.
