පොලොව පළා ගෙන දැවැන්ත ගස් දෙකක් ගිලා බැසීමේ සිද්ධියක් මාතලේ දුන්කලවත්ත දොරකුඹුර ප්රදේශයෙන් වාර්තාවේ . විශ්කම්භය අඩි 20 ක් 30 ක් පමණැති ආවාට දෙකක් මතුවී දැවැන්ත ගස් දෙක ගිලා බැස ඇත. 19 දින හිටිහැටියේ මෙම ආවාට මතුවී කොස් ගසක් සහ කිතුල් ගසක් ගිලා බැස ඇත . දොරකුඹුර සීලවතී කුමාරිහාමි මහත්මියගේ වත්තක මෙම ආවාට මතුවී ඇති අතර අඩි 60 ක් පමණ උසැති කොස් ගසක් සහ අඩි 60 ක් පමණ උසැති කිතුල් ගසක් මෙම ආවාට දෙකෙහි ගිලා බැස නොපෙනී ගොස් තිබේ. 
රත්මලාන ගොළුමඩමේ දෙමහල් නිවෙසක කාමරයක නිදා සිටියදී ගින්නට අසුවී පිළිස්සී මියගියේ යැයි කියන මවගේ සහ දරු දෙදෙනාගේ මරණ වලට සැකපිට අත්අඩංගුවට ගත් මියගිය කාන්තාවගේ ස්වාමි පුරුෂයා පොලිසිය කළ ප්රශ්න කිරීම් වලදී තමන් එම ඝාතන කළ බවට පාපෝච්චාරණය කර ඇතැයි වාර්තා වේ.
පසුගියදා පැවැත්වූ දාහත් වැනි ලක්ස් සුමති සම්මාන උළෙලෙහි දී ජනප්රියම නිළියට හිමි සම්මානයෙන් පිදුම් ලැබුවේ නදීෂා හේමමාලි නම් රංගන ශිල්පිනියයි. එම සම්මාන උළෙලෙහි දක්ෂතම රංගන ශිල්පිනියට හිමි නිළියක් තිදෙනා අතරටද ඇගේ නම නිර්දේශ වී තිබිණි. නිළියක් සේම ටෙලි නාට්ය නිෂ්පාදිකාවක ලෙස ද සාර්ථක ගමනක යෙදෙන මේ යොවුන් කලාකාරිය මෙවර පිළිසඳරකට මෙලෙසින් එක්වන්නීය.
