රිසානාගේ බවට ප්‍රචාරයවූ වී‍ඩීයෝව වෙනත් කතගේලූ

රිෂානාගේ බවට ඊයේ (10) දිනයේ අපගේ වෙබ් අඩවියේ මෙන්ම වෙනත් වෙබ් අඩවි ගණනාවකමත් Facebook හරහාත් ප්‍රචාරයවූ වීඩියෝව ඉන්දුනීසියානු කාන්තාවක් දඬුවමකට ලක්කරනු ලබව අවස්ථාවක් බවත් මේ වනවිට වාර්තාවෙමින් පවතී.

ඉරානයේ ප්‍රේස් ටී.වී නාලිකාව විසින් එම වීඩියෝව ඉන්දුනීසියානු ගෘහසේවිකාවකගේ බව සඳහන් කරමින් විකාශය කර තිබීම නිසා ඒ බව සනාත වේ. 

ශ්‍රී ලංකාවත්,ජාත්‍යන්තරයත් රිසානා මරා දැමීම හෙලා දකී

 2008 දී මරණ දඬුවම පැනවීමෙන් අනතුරුව ඇගේ ජීවිතය බේරාගැනීම සඳහා අභියාචනයක් ඉදිරිපත් කිරීම, ජනාධිපතිවරයා පෞද්ගලිකවම සෞදි අරාබි බලධාරීන්ගෙන් ඉල්ලීම් කිරීම ඇතුළු බොහෝ පියවර ගත් නමුත් නීතිය ක්‍රියාත්මක කිරීමට සවුදි බලධාරීන් කටයුතු කොට ඇති බවයි, ශ්‍රී ලංකා විදේශ අමාත්‍යංශය නිකුත්කළ නිවේදනයක දැක්වෙන්නේ.

කෙසේ නමුත් ආණ්ඩුව නිසි පියවර ගත්තේ නම් රිසානාගේ ජීවිතය බේරා ගත හැකිව තිබුණු බවයි,රිසානා වෙනුවෙන් අභියාචනයක් සඳහා වියදම් දැරූ ආසියානු මානව හිමිකම් කොමිසම පවසන්නේ.

කොළඹ අළුත්කඩේ යුද පිටියක් දසදහසකට අධික පිරිසක් සටනේ

කොළඹ, අළුත්කඩේ උසාවි සංකීර්ණය ඉදිරිපිට අද (10) උදේ 9 සිට යුද පිටියක් බවට පත් වී තිබේ. අගවිනිසුරු ආචාර්‍ය ශිරානි බණ්ඩාරනායක මහත්මියට එරෙහි දෝශාභියෝගයට විරුද්ධව නීතිඥ සංගම‍ය සහ එජාපය ඇතුළු විපක්ෂයේ මැති ඇමැතිවරුන් අද උදේ කොළඹ අළුත්කඩේ උදසාවිය ඉදිරිපිටින් වැටී තිබෙන මාර්ගයේ උද්ඝෝෂණයක් සංවිධානය කර තිබිණ.

 එම උද්ඝෝෂණය මැඬ පැවැත්වීම සඳහා එක්සත් ජනතා නිදහස් සන්ධානයට සම්බන්ධ පිරිස් ඇතුළු දසදහසකට අධික ජනතාවක් මේ වනවිට අළුත්කඩේ උසාවිය ඉදිරිපිට මහ වැස්සේ තෙමෙමින් විපක්ෂයේ උද්ඝෝෂණයට එරෙහිව සටන් පාඨ කියමින් මාර්ගය වසා ගෙන සිටිති. 

මඩවලගේ ඝාතනය විෂ්ණු දෙවියන්ගේ වැඩක් - Mervin Silva

කැලණියේ ප‍්‍රාදේශීය සභා මන්තී‍්‍ර හසිත මඩවල මහතාව නාඳුනන තුවක්කු කරුවන් දෙදෙනෙකු විසින් මරා දැමීම සම්බන්ධයෙන් කැළණිය ආසනයේ ආණ්ඩුපක්ෂ සංවිධායකවරයා හා මහජන සම්බන්ධතා අමාත්‍ය මර්වින් සිල්වා මහතා ගෙන්  කළ විමසීමකදී ඔහු පවසා ඇත්තේ  "දෙවියන් තරහා කරගත්තාම කාටත් ඔය ටික වෙන්න පුලුවන් "බවය.

මඩවලගේ ඝාතනය සම්බන්ධයෙන් අමාත්‍ය මර්වින් සිල්වා මහතා වගකිවයුතු බවත්, ඔහු හැර මඩවල මහතාට හතුරන් නොවූ බවට එම ප‍්‍රාදේශීය සභාවේ මන්තී‍්‍ර ලංකා විජිත කුමාර මහතා චෝදනා කර තිබේ. එම ප‍්‍රකාශය සම්බන්ධයෙන් කළ විමසීමේදී මෙම ඝාතනයට පෙර වූ ආසන්නතම සිදුවීමක් මතක් කළ ඇමැතිවරයා "පසුගියදා විෂ්ණු දේවලයේ පෙරහැර පැවැත්වුණා ඒ වෙනුවෙන් නිල්පාට කොඩි දාලා ප්‍රදේශයම සැරසිලි කරල තිබුණා. මඩවල ඔය සැරසිලි කඩලා දාල ඒවාට පයින් පගල තියෙනවා .විශ්ණු දෙවියන් කියන්නේ මහා බලගතු කෙනෙක්.

කාමරයක නිරුවතින් සිටි සිසුවා හා සිසුවිය අල්ලයි

කළුතර ප‍්‍රදේශයේ නිවසක කාමරයක් තුළ සිටි පාසල් සිසුවියක් හා සිසුවෙක් කළුතර කොට්ඨාස ළමා හා කාන්තා කාර්යංශයේ නිලධාරීන් විසින් අත්අඩංගුවට ගෙන තිබේ.මෙම සිසුවිය හා සිසුවා 15 හැවිරිදි වියේ පසුවන බවද පැවසේ.මොවුන් අතර වසර එකහමාරක පමණ සිට පේ‍්‍රම සම්බන්ධයක් පැවැති බවද වාර්තා වේ.

සිසුවාගේ පියා රේගු නිලධාරියෙක් බවත්, සිසුවිය ගේ පියා ව්‍යාපාරිකයෙකු බවත් පැවසේ.සිසුවා කළුතර ජනපි‍්‍රය පාසලක අධ්‍යාපන ලබන බවත්, සිසුවියද කළුතර පාසලක අධ්‍යාපනය ලබන බවත් වාර්තා වේ.සිසුවිය කළුතර මහ රෝහලට ඇතුළත්කර ඇති බවද පැවසේ.

අවිස්සාවේල්ල හිරගෙදරින් 10ක් පනියි

අද අලුයම අවිස්සාවේල්ල බන්ධනාගාරයෙන් සිරකරුවන් පිරිසක් පලාගොස් තිබේ.අලුයම 6ට පමණ බන්ධනාගාර සිරමැදිරිය කඩා මෙලෙස පලාගිය සිරකරුවන් ගණන 10කි. ඊයේ සවස අවිස්සාවේල්ල,රුවන්වැල්ල යන අධිකරණවල නඩු විභාග සදහා ගෙනවිත් අවිස්සාවේල්ල බන්ධනාගාරයේ රදවා සිටි සැකකරුවන් මෙලෙස පලාගොස් තිබෙන අතර බරපතල අපරාධ රැසකට සම්බන්ධ සැකකරුවන්ද මේ අතර සිටි බව වාර්තාවේ.

අද උදෑසන මේ සැකකරුවන්ට මූණු සෝදා ගැනීම සදහා බන්ධනාගාර දොර අරින්නට නියාමකවරයෙකු පැමිණ තිබෙන අතර ඔහු සිරමැදිරියට ආ විට සැකකරුවන් ඔහුගේ ගෙල සිරකොට යතුර උදුරාගෙන එය කවුලුවෙන් පිටතට දමා තිබේ.

රැකියාව පහසු කරන්න බ‍්‍රසීල ගණිකාවන්ට නොමිලේ ඉංගි‍්‍රසි පන්ති

2014 වසරේ ලෝක කුසලාන පාපන්දු තරගාවලිය පැවැත්වෙන බ‍්‍රසීලය තුල, තරගාවලි කාලසීමාව තුලදී පැමිණෙන විදේශිකයන් වෙනුවෙන් යටිතල පහසුකම් වැඩිදියුණු කිරීමේ වැඩකටයුතු රැසක් සිදුවෙමින් පවති.

බ‍්‍රසීලයේ ප‍්‍රධාන නගරවල ගණිකා වෘත්තියේ යෙදෙන කාන්තාවන්හට නොමිලේ ඉංගි‍්‍රසි කතා කිරීම පුහුණු කිරීමේ වැඩමුළු සංවිධානය කිරීම එවන් එක් යටිතල පහසුකම් වැඩිදියුණු කිරීමේ කටයුත්තකි. මෙම වැඩමුළු සදහා මේ වන විටද ඉහළ සහභාගීතවයක් ප‍්‍රකාශ වී තිබෙන අතර මෙම නොමිලේ පැවැත්වෙන ඉංගි‍්‍රසි වැඩමුළු වලට දායකත්වය ලබා දෙන ගුරුවරුන්ද තම සේවය නොමිලේ ලබා දෙන බව බෙලේ හොරිසොන්ටේ නගරයේ ගණිකා සංගමයේ ප‍්‍රකාශිකාවක් පවසයි.

තවත් ශ‍්‍රී ලාංකිකයන් සිව්දෙනෙක් සෞදි ඝාතන ලැයිස්තුවේ

සෞදියේ කි‍්‍රයාත්මක ෂරියා නීතිය යටතේ තවත් ශ‍්‍රී ලාංකිකයන් සිව්දෙනෙකුගේ ජීවිත අනතුරට ලක්ව ඇති බව එජාප පාර්ලිමේන්තු මන්ත‍්‍රී රන්ජන් රාමනායක මහතා, කොළඹ ඊයේ පස්වරුවේ පැවැත් වූ මාධ්‍ය හමුවකදී කියා සිටියේය.සෞදි අරාබියේදී ගෙල සිඳ මරා දැමුණු රිසානා නෆීක් දැරියගේ මළ සිරුර හෝ ශ‍්‍රී ලංකාවට රැගෙන ඒමට අවශ්‍ය කටයුතු සූදානම් කරන්නැයි ද ඔහු රජයෙන් ඉල්ලා සිටියේය.

ආණ්ඩුවත්, මුස්ලිම් නායකයනුත් රිසානා නෆීක් බේරාගැනීමේ සටනට නිසි පරිදි මැදිහත් නොවුණු බවට මන්ත‍්‍රීවරයා මෙහිදී චෝදනා කර සිටියේය.ශ‍්‍රී ලංකා වේලාවෙන් ඊයේ පෙරවරු 11.40ට පමණ රිසානා නෆීක්ගේ ගෙල සිඳ මරා දමා තිබේ. එහෙත් පස්වරු 1.15ට පමණ එක්සත් ජාතික පක්ෂ පාර්ලිමේන්තු මන්ත‍්‍රී රවී කරුණානායක මහතා පාර්ලිමේන්තුවේදී නැගූ වාචික ප‍්‍රශ්නයකට පිළිතුරු ලබාදෙමින් අමාත්‍ය ඩිලාන් පෙරේරා මහතා ප‍්‍රකාශ කළේ රිසානා නෆීක්ගේ ජීවිතය බේරාගැනීමට තවදුරටත් උත්සාහ දරන බවයි.