“ගෑනු කෙනකුට පහර දීලා....” ලැබුණු ඇමතුම ඒ මොහොතේ රාත්රී ජංගම සංචාරයේ යෙදී සිටි උප පරීක්ෂක ගුණරත්න වෙත ලැබෙන්නට සැලැස්විණි.
“හරි අපි එතැනට යන්නම්....” නිලධාරීන් රැගත් ජීප් රිය කඹුරුපිටිය අකුරැස්ස පාරේ නැම්මහේන හන්දියෙන් දකුණට හැරී ගතාර පාරේ කැරකෝප්පුව හන්දිය පැත්තෙන් දකුණට හැරී ගතාර අක්කර පහ ඉඩමට සේන්දු විය.
කටුමැටි ගහන ලද නිවෙසේ වහල ටකරං සෙවිලි කර ඇත. උප පරීක්ෂක ගුණරත්න දල්වාගත් විදුලි පන්දම නිවෙස තුළට එල්ල කළේය. කිසිවකු බිම වැටී ඇති අයුරු ඔහුට නිරීක්ෂණය විය. ඔහු වහා කඹුරුපිටිය පොලිස් ස්ථානාධිපතිවරයා ඇමතීය.
