කන්‍යා පටලය නැවත ප්‍රකෘති කිරීම දැන් ලංකාවේ ! - Hymen Restoration Surgery

බිඳුනු කන්‍යාපටලය නැවත සකස් කිරීම මේවන විට ලංකාවේද සිදු කිරීම ආරම්භ කර ඇත.ජාත්‍යන්තර කෙස් සිටුවීමේ හා ප්ලාස්ටික් සැත්කම් කණ්ඩායම (IHIPST – International hair implant and plastic surgery team) විසින් මෙය ලංකාවේ සිදුකරනු ලබයි.එම කණ්ඩායම අන්තර් ජාලය හරහා සම්බන් කරගත හැකි අතරමෙතෙක් කලක් එවැනි ශල්‍යකර්ම සිදුකෙරුනේ හොර රහසේ වන අතර අදාල කණ්ඩායම මෙම ශල්‍යකර්ම සිදුකරනු ලබන්නේ නීත්‍යානුකූලව බවද පැවසේ.

ශල්‍යකර්මය සඳහා ලංකාවේ ශල්‍යාගාර ඔවුන් කුලියට ගන්නා අතර වැයවන මුදල එයට භාජනය වන කාන්තාවන්ගේ වයස අනුව වෙනස් වන බවත් ඔවුන් පවසා සිටි.

රනිල්ට ඇති ජනමතයක් නෑ,තියෙන්නේ තම මතයක් විතරයි

 ඒක අපි ඉස්සරහට ඔප්පු කරනවා - Palitha Range Bandara

විපක්ෂ නායක රනිල් වික්‍රමසිංහ මහතාට ජනමතය නොමැති බවත් ඇත්තේ තම මතයක් පමණක් බව ඔප්පු කිරීම සදහා ඉදිරියේදී පැවැත්වෙන සෑම මැතිවරණයකදීම එක්සත් ජාතික පක්ෂ විකල්ප කණ්ඩායමක් තරගයට ඉදිරිපත් කරණ බව පාර්ලිමේන්තු මන්ත්‍රී පාලිත රංගේ බණ්ඩාර මහතා පැවසීය. 

හලාවත - බංගදෙණිය, මුක්කන්දළුව ගම්මානයේ පැවති ජන හමුවක් අමතමින් පාර්ලිමේන්තු මන්ත්‍රීවරයා ඒ බව පැවසීය. දැදුරුඔය පිටාර ගැලීම නිසා පීඩාවට පත්වී සිටි ජනතාවට ඇදුම් බෙදා දීම වෙනුවෙන් මෙම ජනහමුව සංවිධානය කර තිබුණි. තවදුරටත් කථා කළ පාර්ලිමේන්තු මන්ත්‍රී පාලිත රංගේ බණ්ඩාර මහතා මෙසේද පැවසීය. වසර 13 ක් දැන් අපි මැතිවරණ වලට ඉදිරිපත් වෙලා තියනවා.

ගම්පහ ටියුෂන් ගුරුවරු කලා අංශයේ ප්‍රථමයා විකුණාගෙන කති

ටියුෂන් රැල්ලට හසු නොවී පාසල් අධයාපනය තුලින් උසස් ප්‍රථීපල ලබා ගත් මා උපකාරක පන්ති කිසිවකට සම්බන්ධ නොවූවත් මේ වන විටත් දිස්ත්‍රික් ප්‍රථමයා තමන් බිහිකළා යැයි කියමින් නොයෙකුත් ටියුෂන් කඩකාරයින් බැනර් පෝස්ටර් ගසමින් මගේ නම විකුණා කන තත්වයට පත් වී ඇතැයි මෙවර කලා අංශයේ පොදු විෂය ධාරාවෙන් ගම්පහ දිස්ත්‍රික්කයෙන් ප්‍රථම ස්ථානයත් මුළු දිවයිනෙන් හයවන ස්ථානයත් ලබාගත් මිනුවන්ගොඩ නාලන්දා:(පිරිමි) විදයාලයේ ඒ. නිශාන් ධනංජය පෙරේරා සිසුවා කියයි.

කුඩාකල සිට චිත්‍ර ඇදීමට දස්කමි පෑ ධනංජය විනෝදාංශයක් වශයෙන් සිත්තමිකරණයට යොමු වී ඇති අතර මේ වන විට සමස්ථ ලංකා චිත්‍ර තරග රැසකින්ද ජයග්‍රහන හිමිකරගෙන ඇති දක්ෂ සිසුවෙකි.

පොල් නඩුව ඉල්ලා අස්කර ගනී

පසුගිය දා පොල් ගෙඩි 08ක් සොරකම් කිරීම සම්බන්ධව වයස අවුරුදු 13 ක දැරියකට එරෙහිව හොරණ මහේස්ත්‍රාත් අධිකරණය හමුවේ පනවා තිබ නඩුව ඉල්ලා අස්කර ගනීයි.හොරණ ප්‍රධාන මහේස්ත්‍රාත් මහින්ද රණසිංහ මහතා හමුවේ මෙම නඩුව අද (11)කැදවු අවස්ථාවේ පැමිණිලි ගොනුකර තීබු පොලීසිය විසින් මෙම නඩුව ඉල්ලා අස්කරගත් බව අප වාර්තාකරු සදහන් කරයි.

පාසැලේ තීන්ත ආලේප කරීමට අවශ්‍ය මුදල් සොයැගැනීම සදහා මෙම දැරිය රුපියල් 320 ක් වටිනා පොල් ගෙඩි 8ක් සොරකම් කළ බවට චෝදනාවට ලක්විය.මේ පිලිබදව කැබිනට් මණ්ඩලයේද අවධානය යොමුවු අතර රටේම කථාබහට ලක්විය.

දරු දෙදෙනාට වස පොවා පියාත් වස බීලා

ණයතුරුස් බේරා ගන්නට තරම් ආර්ථික හයියක් නැති 41 හැවිරිදි තිදරු පියකු බාල දරුවන් දෙදෙනාට වස පොවා ඔහුත් වසපානය කර මියැදීමේ දුක්මුසු පුවතක් මහනුවර කටුකැලේ 67 වත්තෙන් වාර්තා වේ. සාර්ථක රන්කරුවකු ලෙස සතුටුදායක ආදායමක් ලබමින් 14 හැවිරිදි ලොකුපුතාට ජාත්‍යන්තර පාසලක අධ්‍යාපනය ලබාදෙමින් හොඳ පවුල් ජීවිතයක් ගත කළ 41 හැවිරිදි සිනිවාසන් උදයකුමාර් නමැත්තා තම බාල පුතුන් දෙදෙනාට වස පොවා මෙසේ දිවියෙන් සමුගැනීමට එක් හේතුවක් වී ඇත්තේ තම රන් කර්මාන්තය දියුණු කරගන්නට ගත් ණය ආපසු බේරන්නට නොහැකි වීමෙන් ණයකරුවන් පවරා තිබූ නඩුවලට උසාවි ගාණේ යන්නට තරම් ආදායමක් නොමැතිව දුප්පත්කමේ පතුලට පත්වීමයි.

දින පහක බිලිඳිය ලක්ෂ 2කට විකුණන්න හදලා

දින 5ක් වයසැති බිලිඳියක ලක්ෂ 2කට අලෙවි කිරීමට තැත් කළ තිදෙනකු අවිස්සාවේල්ල පොලිසියෙන් ඊයේ (10) සැකපිට අත්අඩංගුවට ගෙන ඇති බව ළමා හා කාන්තා කාර්යාංශයේ සභාපතිනි අනෝමා දිසානායක මහත්මිය පවසන්නීය.

ළමා හා කාන්තා කාර්යාංශයේ හදිසි ඇමතුම් අංක 1929 ට ලද තොරතුරකට අනුව කොළඹ දිස්ත්‍රික් ළමා ආරක්ෂක නිලධාරීන් විසින් අවිස්සාවේල්ල පොලිසිය සමඟ කළ වැටලීමකදී සිද්ධියට අදාළ සැකකාර කාන්තාවන් දෙදෙනකු සමඟ එක් පුද්ගලයකු අත්අඩංගුවට ගෙන ඇත.එක් කාන්තාවක් අවිස්සාවේල්ල රෝහලේ සුළු සේවිකාවක වන අතර එම සේවිකාව විසින් රුපියල් 35000 ක මුදලක් මූලික ගෙවීමක් ලෙස බිලිදියගේ මවට ලබාදී ඇත.

හලාල් එපා නම් නිකන් ඉන්න - Somawansa Amarasinghe

හලාල් යනු කරන්න ඕනෑ හොඳ දේවල් බවත් එය ඉස්ලාම් ආගමේ හැටියට එක් සිරිතක් බවත් ජනතා විමුක්ති පෙරමුණේ නායක සෝමවංශ අමරසිංහ මහතා පවසයි.

හලාල් හා හරාම් යනුවෙන් දෙවර්ගයක් ඇති බවද එය සෑම ආගමකම දක්නට ලැබෙන සිරිත් විරිත්වලට සමාන යැයිද ඔහු පෙන්වාදෙයි.ඒ අනුව කළ යුතු හොඳ දේ නොකළ යුතුදේ ලෙස එය අර්ථ දක්වා ඇතැයි දඹුල්ලේදී අද (10) පැවැති රැස්වීමකදී ඔහු පැවසීය.හලාල් කතාවත් සමග රට තුළ හතුරෝ දෙවර්ගයක් හදා ඇති බවත් ඒ අනුව හලාල් බෝම්බය කොයි වේලාවේ පත්තූවේද යන ප්‍රශ්නය දැන් ඇති බවත් ඔහු සඳහන් කළේය.

රනිල් කැබිනට් ඇමති කෙනෙක් වගේ - ජනත බණ්ඩාර තෙන්නකෝන්

අප රටට විපක්ෂයක් නැති බවත් විපක්ෂයද ආණ්ඩු පක්ෂයට හිතවත්ව වැඩකටයුතු කරන බවත් ජනත බණ්ඩාර තෙන්නකෝන් අමාත්‍ය වරයා ඊයේ (09) දිගම්පතහ ප්‍රදේශයේදී පැවැති උත්සවයකදී පැවසීය.

'විරුද්ද පක්ෂයත් ආණ්ඩු පක්ෂය වගේම වැඩ කරනවා. අපේ රනිල් වික්‍රමසිංහ මහතා කැබිනට් ඇමතිවරයෙක් වගේ. අපට සම්පූර්ණ සහයෝගයෙන් වැඩ' යැයිද අමාත්‍යවරයා පවසා තිබේ.මේ අතර රනිල් වික්‍රමසිංහ මහතා අද (10) පැවැති එක්සත් ජාතික පක්ෂයේ සන්නිවේදන බලකාය ගොඩනැගීමේ උත්සවයේදී ජනාධිපතිවරයා සමග ඇති ඩීල් එකක් ගැන තොරතුරු හෙළි කළේය.