කැසිනෝ සම්බන්ධයෙන් කිසිදු විරුද්ධත්වයක් නැ - උඩුවේ ධම්මිලෝක හිමියෝ

ලෝකයේ වෙනස්වීම්වලට අදාලව ශ‍්‍රී ලාංකිකයන්ද වෙනස් විය යුතු බැවින් මෙරට තුල කැසිනෝ ආරම්භ කිරීම සම්බන්ධයෙන් කිසිදු විරුද්ධත්වයක් නැතැයි හිටපු පාර්ලිමේන්තු මන්ත‍්‍රී ප‍්‍රසිද්ධ ධර්ම දේශකඋඩුවේ ධම්මිලෝක හිමියෝ පවසති. 

උන් වහන්සේ පෙන්වා දෙන්නේ ගෝකය හා එක්ව ගමන් කිරීමේදී ශ‍්‍රී ලාංකිකයන්ට හුදෙකලා ගමනක නිරත විය නොහැකි බවයි. එබැවින් ශ‍්‍රී ලාංකිකයන්ට සහභාගී වීමේ අවස්ථාව සම්පූර්ණයෙන් අහුරා කැසිනෝ රට තුල ආරම්භ කිරීම සම්බන්ධයෙන් තමන් වහන්සේගේ කිසිදු විරුද්ධත්වයක් නැතැයිද උන් වහන්සේ කීහ.

සංචාරකයන්ගේ අභිමතාර්ථ ඉටුකිරීම තුලින් රටේ සංවර්ධනයක් අපේක්‍ෂා කරන්නේ නම් කැසිනෝ වැනි සංචාරක ව්‍යාපෘති රටට අවශ්‍ය බවද උන් වහන්සේ පෙන්වා දෙති. ‘ඇත්තටම ඔය කැසිනෝ සම්බන්ධ පනතවත් ඊට අදාල කරුණු කාරණා පිළිබඳවත් මම තාම නියවලා නෑ. 

CHOGM චාල්ස් කුමරුට නැරඹීම සඳහා සුසාන භූමිය එළි පෙහෙලි කෙරේ

ලබන සතියේ කොළඹදී ආරම්භ වන පොදු රාජ්‍ය මණ්ඩල රාජ්‍ය නායක සමුළුවට එන බි‍්‍රතාන්‍යයේ චාල්ස් කුමරුට නැරඹීම සඳහා මහනුවර ගැරිසන් සුසාන භූමිය එළි පෙහෙලි කෙරෙමින් තිබේ. 

මෙම සොහොන ගැරිසන් සුසාන භූමිය වශයෙන් හැඳින්වෙන අතර මහනුවර ශ්‍රී දළදා මාලිගාව පිහිටි බිමට මදක් ඉහලින් පිහිටා ඇති මෙහි යටත් විජිත යුගයේ දී මියගිය ඉංග‍්‍රීසි ජාතිකයන්ගේ සොහොන් කොත් තිබේ.

ඉංග‍්‍රිසි ජාතික ප‍්‍රභූවරුන් වැවිලි කටයුතු සදහා පැමිණි ඉංග‍්‍රීසි ජාතිකයන් වසූරිය හා මැලේරියාව හේතුවෙන් විශාල වශයෙන් මියගොස් ඇති අතර ඔවුන්ගේ හා ඔවුන්ගේ ඥාතීන්ගේ සොහොන් කොත් ද සියයකට ආසන්න ප‍්‍රමාණයක් ද මේ අතර වේ. 

හොඳ ඒවා ලැබුනොත් දෙක තුනක් වුණත් කරනවා - ගයති‍්‍ර ඩයස්

චන්න පෙරේරා සහ ගයාත්‍රි ඩයස් ගේ විවාහය දෙදරලලු.දික්කසාද උනත් මේ දෙන්නා එකම ගෙදරක වෙන වෙනමලු ජීවත් වෙන්නේ.මේ තමයි අපිට ලැබුන අලුත්ම ආරංචිය.එක එක්කෙනා කියන කතා අහන්නේ නැතුව මේ කතාවේ ඇත්ත නැත්ත හරියටම දැනගන්න අපි කෙලින්ම චන්නටයි ගයාත්‍රිටයි කතා කලා.මේ තියෙන්නේ අපි ගයාත්‍රි එක්ක කරපු කතා බහ...

ප්‍රශ්නය -:

ගයාත්‍රි ඩයස් කියන්නේ ජනප්‍රිය නිළියක් විතරක් නෙමේ රූපලාවන්‍ය ශිල්පිනියක්නේ.ඔයාගේ මේ ජනප්‍රියත්වය නිසා ගොඩක් අය saloon එකට එනවා ඇති.ඒ හැමෝටම ඔබේ අතින්මද රූපලාවන්‍ය කටයුතු කරන්නේ?

ගයාත්‍රි -:

මනමාලියන් ඇන්දවීම නම් අනිවාර්යයෙන් කරන්නේ මං.ඒක මම වෙන කාටවත් දෙන්නේ නැහැ.මට හොඳ starf එකක් ඉන්නවා අවුරුදු 9ක් විතර පරණ.මාත් එක්කම හිටිය.ඒගොල්ලෝ තමයි saloon එක ඇතුලේ අනිත් දේවල් කරන්නේ.නමුත් hair cuts වලට එහෙම මට පුරුදු වෙච්ච අය ඉන්නවා.ඒවා අදටත් මංමයි කරන්නේ.මට වෙලාවක් ලැබුනම මං saloon එකේ ඉන්නවනම් අනිවාර්යයෙන්ම මං ඒ වැඩකටයුතු වලට සහභාගී වෙනවා.

CHOGM රාජ්‍ය නායකයන් 33ක් සහභාගීත්වය ෂුවර් -ජි.එල්.

නොවැම්බර් 15 සහ 16 වැනිදා පැවැත්වෙන පොදු රාජ්‍ය මණ්‌ඩල සමුළුව සඳහා රාජ්‍ය නායකයන් 33 ක්‌ පැමිණෙන බව මේ වන විට රජයට දැනුම්දී ඇතැයි විදේශ කටයුතු අමාත්‍ය මහාචාර්ය ජී.එල් පීරිස් මහතා පවසයි. 

පොදු රාජ්‍ය මණ්ඩලය රටවල් 53කින් සමන්විත බව අතර මෙම රාජ්‍ය නායක සහභාගීත්ව තහවුරුව, ඊයේ (30) දිනයට පවතින ඉලක්කම බවත්, තවත් අලූත් රාජ්‍ය නායකයින් පිරිසක් සමුළුවට සහභාගී වීම ස්ථීර කිරීම ඉදිරි දින කිහිපයේදී සිදු කිරීමට නියමිත බවත් ඔහු කියා සිටියි. 

මෙම සමුළුවට සහභාගි නොවන බව දැනුම්දී ඇත්තේ කැනඩා අගමැති ස්‌ටීවන් හාපර් මහතා පමණි. පොදු රාජ්‍ය මණ්ඩල ව්‍යාපාරික සමුළුව සදහා රටවල් 67ක, නියෝජිතයන් 500කට අධික ප‍්‍රමාණයක් සහභාගී වන බවද ඊයේ වනවිට සහතික කොට ඇත. 

විශාලතම ප‍්‍රහාරක නෞකාව ඇමරිකාවෙන් - USS Zumwalt

ඇමරිකානු නාවික හමුදා ඉතිහාසයේ විශාලතම ඩිස්ට්‍රෝයර් වර්ගයේ ප‍්‍රහාරක නෞකාව මෙයින්හි කෙනබෙක් ගංගාවට දියත් කර ඇතැයි වාර්තා වේ. පසුගිය කාලයේ අසාර්ථක නෞකා ව්‍යාපෘති වලින් අනතුරුව මෙම ව්‍යාපෘතිය හරහා සාර්ථක ප‍්‍රතිඵල අත්කරගත හැකිවේ යයි නාවික හමුදා නිලධාරීන් විශ්වාසය පළ කරති. 

යූ.එස්.එස්. සම්වෝල්ට් ලෙස නම් කර ඇති මෙම නෞකාව නාවික හමුදාවේ ඇති අනෙක් ප‍්‍රහාරක නෞකාවලට වඩා අඩි සියයක් පමණ දිගින් වැඩි අතර රේඩාර් සංඥා අපවර්තනය කරන සුවිශේෂී හැඩයකින් යුතු බව කියවේ. 

දියුණු සෝනාර් උපකරණ සහ පරිඝනකගත මිසයිල මෙන්ම අවි හිසක් සැතපුම් 100ක දුරකට එල්ල කළ හැකි විශේෂ රොකට් බලගැන්වුම් අවියක්ද මෙහි අන්තර්ගතකර තිබේ. ලෙක්සින්ටන් ආයතනයේ ආරක්ෂක විශ්ලේෂක ලොරෙන් තොම්ප්සන් පවසන්නේ මෙය පැරණි නෞකා සම්ප‍්‍රදාය සහ නවීන තාක්ෂණයේ මිශ‍්‍රණයක් බවයි. 

උතුරෙන් හමුදා ඉවත් කරන්නේ නැ -ජනපති

දෙමළ ජනතාවගේ ප්‍රශ්නවලට විසදුම් ලෙස ත්‍රිවිධ හමුදාව උතුරෙන් ඉවත් කරන්නැයි යෝජනා කළද ත්‍රිවිධ හමුදාව උතුරෙන් ඉවත් කළවිට විසඳෙන්නේ දෙමළ ජනතාවගේ කුමන ප්‍රශ්නයදැයි ජනාධිපති මහින්ද රාජපක්ෂ මහතා ප්‍රශ්න කරයි. 

රටපුරා හමුදා කඳවුරු පවතින බව පෙන්වාදෙන ඒ මහතා ඔවුන් ඒ යෝජනා ඉදිරිපත් කරන විට එදා උතුරේ පැවැති තත්ත්වය මතකයට නැඟෙන බවද සියාසිටී. එම තත්වය තුල කුමන බලපෑම් එල්ලවුවද, උතුරෙන් ආරක්ෂක හමුදා ඉවත් කිරීමට රජය සූදානම් නොමැති බව ජනාධිපති මහින්ද රාජපක්ෂ මහතා ප්‍රකාශ කළේය.  

ජනාධිපති මහින්ද රාජපක්ෂ මහතා මේ බව අවධාරණය කළේ කොළඹ බණ්ඩාරනායක ජාත්‍යන්තර සම්මන්ත්‍රණ ශාලාවේ දී ඊයේ (29) පස්වරුවේ පැවැති කොතලාවල ආරක්ෂක විශ්වවිද්‍යාලයීය උපාධි ප්‍රදානෝත්සවය අමතමිනි. එම විශ්වවිද්‍යාලයේ 23 වැනි උපාධි ප්‍රදානෝත්සවය මෙය වන අතර එහිදී සාමාන්‍ය උපාධිය සහ පශ්චාත් උපාධිය හැදෑරූ 182 දෙනකු උපාධි ලබාගත්හ. සංවර්ධනයෙන් බෙදුම්වාදය පරාජය කරන බවද ජනාධිපතිවරයා එම උත්සවයේදී කියා සිටියේය. 

බිත්තරයක තිබී පණුවෙකු හමුවේ - කුරුණෑගල

කිකිළි බිත්තරයක තිබී පණුවෙකු හමුවීමේ පුවතක් කුරුණෑගල - වාරියපොල ප‍්‍රදේශයෙන් ඊයේ (29) වාර්තා විය. මහජන සෞඛ්‍ය පරීක්ෂකවරුන්ගේ සංගමයේ ප‍්‍රධාන ලේකම් සී.එස්. මුතුකුඩ මහතා සඳහන් කළේ මේ සම්බන්ධයෙන් වැඩිදුර පරීක්ෂණ සිදු කිරීමට මෙම බිත්තරය පශු වෛද්‍ය දෙපාර්තමේන්තුවේ ප‍්‍රාදේශීය රසායනාගාරය වෙත යොමුකළ බවයි. 

බිත්තරයේ සිට හමුවු පණුවා නෙමටෝඩා නැමැති පණු විශේෂයට අයත් බවත්, සාමාන්‍යයෙන් එම පණුවා කුකුළන්ගේ ශරීරයේ ජීවත්වන බවත් ඔහු සඳහන් කළේය. එහෙත් කිකිළි බිත්තරයක මෙම පණුවා සිටීම දුර්ලභ අවස්ථාවක් බවයි මහජන සෞඛ්‍ය පරීක්ෂකවරුන්ගේ සංගමයේ ප‍්‍රධාන ලේකම්වරයා කියා සිටියේය.

ඉදිරියේදී දේශපාලන පෙරළියක් - ජ්‍යොතිෂ සරත් මහින්ද

ඉදිරියේදී සුවිශේෂ දේශපාලන පෙරළියක් සිසුවන බවත්, චන්ද්‍රිකා ෆොන්සේකා එක්වුණොත් ජය නියත බවත්, එ.ජා.ප.ය තවදුරටත් අර්බුදයට යන බවත්, සජිත්ට බලතල නොලැබෙන බවත් 'ලක්බිම' පුවත්පත අනාවරණයකර සිටියි. ‍

ජ්‍යොතිෂ පර්යේෂක කේ.එම්. සරත් මහින්ද මහතා විසින් සපයා ඇති ලිපියක එබැව දැක්වේ. එම ලිපිය පහත පළවේ. '' ඇතැම් ‍ජ්‍යෙතිෂවේදීන් එක්සත් ජාතික පක්ෂ නායකත්වය වෙනස් වන බව පවසමින් ප්‍රධාන පුවත් පත්වලට ලිපි සපයා තිබුණි. එය රැල්ලට කළ ප්‍රකාශ පමණක්ම විය. ඒවා ග්‍රහ ගෝචර ගමනද ජන්ම පත්‍ර අනුවද කරන ලද ප්‍රකාශ නොවේ. 

සත්‍ය වශයෙන්ම නිවැරදි වූ උපන් වේලාවන් ‍ලේඛකයා නොදන්නා නිසා සජිත් මහතාගේ නමාංශකය නොතැබුවෙමි. ඉහත ජන්ම පත්‍ර හා රනිල් මහතාගේ ජන්ම පත්‍රය අනුව වඩා බලවත් වන්නේ චන්ද්‍රිකා කුමාරණතුංග මහත්මියගේ ජන්ම පත්‍රයයි. මීට සරල උදාහරණ වශයෙන් ජේ.ආර්. ජයවර්ධන මහතා කාලයක් එජාප යේ සිට ජනාධිපති බවට පත් විය.