මුරලි සමග ක්‍රිකට් ගෑසු කැමරන් අවශ්‍ය දෙයක් වෙතොත් කියන්න - ඩේවිඩ් කැමරන්

බ්‍රිතාන්‍ය අග්‍රාමාත්‍ය ඩේවිඩ් කැමරන් මහතා ශ්‍රි ලංකාවෙන් බිහිවූ සිපිරි දගපන්දු යවන්නා වන මුත්තයියා මුරලිදරන් සමග අද (16) පෙරවරුවේදී කොළඹ සී.සී.සී. ක්‍රීඩාංගනයේදී ක්‍රිකට් ක්‍රීඩාකර තිබේ. 

සී.සී.සී. ක්‍රීඩාංගනයේ ක්‍රීඩකයන්ගේ සැරසීමේ කාමරයෙන් ක්‍රීඩා ඇදුම් ලා ගත් කැමරන් මහතා එහි පිට්ටනියට ගොස් මුරලිගේ පන්දුවලට මුහුණදෙමින් පිත්ත හසුරවා ඇත. පසුව මුරලි සමග සුහද කතාබහකට එක් වූ ඔහු මුරලිගෙන් අවශ්‍ය දෙයක් වෙතොත් කියන්නැයි කියා තිබේ. 

මුරලි පෙරලා ඊට ප්‍රතිචාර දක්වමින් පවසා ඇත්තේ කලක සිටු සිංහල හා දෙමළ ජනයා සාමකාමීව සිටි බවත්, යුද්ධය හේතුවෙන් ඊට යම් පලුද්දක් ඇතිවුද ඉන් පසුව තමා ජනපතිවරයා හමුවූ වස්ථාවලදී ඉල්ලා සිටියේ උතුරු නැගෙනහිර ජනයාට මෙන්ම වතකරයේ දෙමළ ජනයාටද නැගී සිටීමට උදව්කරන මෙන් යැයි ඔහු පවසා ඇත. 

CHOGM කොළඹ වරාය අසල මුහුද ගොඩකරමින් නගරයක් තනන්න චීනය හා ගිවිසුමක

පොදු රාජ්‍ය මණ්ඩලීය සමුළුවට සමගාමීව කොළඹ වරාය අසල මුහුද ගොඩකරමින් නගරයක් නිර්මාණය කිරීමට අදාල ගිවිසිමකට ආයෝජන ප්‍රවර්ධන අමාත්‍යංශය අත්සන් තබන බව වාර්තා වේ. මෙම ගිවිසුම චීන සමාගමක් වන චයිනා කොමියුනිකේෂන්ස් කන්ස්ට්‍රක්ෂන් සමාගම සමග අත්සන් කරන අතර එහි වටිනාකම ඩොලර් බිලියන 1.3 ක් බවද පැවසේ. 

මේ සමුළුව අතරතුර ශ්‍රී ලංකාව ආයෝජකයින් සමග ඩොලර් බිලියන 2.0 ක පමණ දේපොළ සංවර්ධන ව්‍යාපෘති වෙනුවෙන් අත්සන් තැබීමට නියමිතව ඇති බවත් ඒ සඳහා බදු සහන ලබාදෙන බවත් ආයෝජන ප්‍රවර්ධන අමාත්‍යවරයා හෙළිකර තිබේ. මේ අනුව, ඩොලර් මිලියන 250 ක වියදමකින් මිශ්‍ර සංවර්ධන ව්‍යාපෘතියක් ආරම්භ කිරීමට තවත් චීන සමාගමක් වන AVIC International Engineering (Hong Kong) Ltd සහ Nice View Apartments of Hong Kong විසින් රජය සමග ගිවිසුම් අත්සන් කිරීමට නියමිත බවද පැවසේ. 

මෙම ව්‍යාපෘතිය කොළඹ ආර්.ඒ.ද. මෙල් මාවතේ ඉඩමක සිදුකරන අතර එහි තට්ටු නිවාස 539 ක් ඇතුළු මිශ්‍ර සංවර්ධන පහසුකම් ගොඩ නැගීමට නියමිතය. ඊට අමතරව, කොළඹ ජේම්ස් පීරිස් මාවතේ ඩොලර් මිලියන 450 ක ආයෝජනයකින් සිදුකිරීමට යන ව්‍යාපෘතියක් සදහා ඕස්ට්‍රේලියාවේ Property Alliance Capital (Pte) Ltd සමග ගිවිසුමක් අත්සන් කෙරේ. 

යුද ගැටුම් අවසන් වීමෙන් පසු විශාල ප‍්‍රගතියක් - කැමරන්

ශ‍්‍රී ලංකාව යුද ගැටුම් අවසන් වීමෙන් පසු විශාල ප‍්‍රගතියක් අත්කර ගෙන ඇති බව තමන් උතුරේ කළ සංචාරයේදී දක්නට ලැබුණු බව බි‍්‍රතාන්‍ය අගමැති ඬේවිඞ් කැමරන් පවසයි. 

ඔහු මෙසේ පැවසුවේ යාපනයේ සංචාරය කිරීමෙන් අනතුරුව කොළඹ, සිරිමාවෝ බණ්ඩාරනායක අනුස්මරණ ප‍්‍රදර්ශන කේන්ද්‍රයේදී ඊයේ පස්වරුවේ ජනාධිපති මහින්ද රාජපක්ෂ මහතා හමු වූ අවස්ථාවේදියි. සමුළුව සංවිධාන කර ඇති ආකාරය පිළිබඳව තමා සතුටු වන බවද එහිදී කී බි‍්‍රතාන්‍ය අග‍්‍රාමාත්‍යවරයා තවදුරටත් පැවැසුවේ පොදු රාජ්‍ය මණ්ඩලයීය රාජ්‍ය නායක සමුළුව වර්ජනය කිරීමේ අදහස තමා නොපිළිගත් බවයි. 

උතුරු පළාත් සභාව සඳහා මැතිවරණ පැවැත්වීම සමගි සන්ධානය සඳහා ගනු ලැබූ අතිශය වැදගත් පියවරක් බවත් උතුරු පළාතේ හමුදාව රැඳී සිටීම සහ අලූතින් පත් වු පළාත් සභාවට බලතල පැවරීම වැනි ක්‍ෂෙත‍්‍රවල විසඳිය යුතුව ඇති ගැටළු පවතින බවද කැමරන් පැවසූ අවස්ථාවේ ඊට ප‍්‍රතිචාර දැක් වු ජනාධිපති මහින්ද රාජපක්ෂ මහතා පැවසුවේ 

දුලීකා මාරපනට මංගල සීනූ Duleeka Marapana

ජනප්‍රිය වගේම දක්ෂ රංගන ශිල්පිනියක් වෙන දුලීකා මාරපනව පහුගිය දවස්වල අපිට වැඩිය දකින්න ලැබුනේ නැ.ඒකට එක හේතුවක් තමයි දුලිකාගේ කට හඬ නැතිවුණුඑක.ඒ ගැනත් එක එක්කෙනා එක එක විදිහේ කතා කියනවා.ඊට අමතරව අපිට ඇය ගැන තවත් ආරංචියක් ලැබුනා.ඒකෙ හැටියට මේ වෙනකොට දුලීකා පෙම්වතියක්.ඉතින් මේ කතාවල ඇත්ත නැත්ත දැනගන්න අපි අද දුලිකාට කතා කලා.

ප්‍රශ්නය -:

අපි දන්න විදිහට දුලීකා මාරපන කියන්නේ කොයි වෙලෙත් කියව කියව ඉන්න කෙනෙක්නේ.පහුගිය දවස්වල කොහොමද කට වහගෙන හිටියේ?

දුලීකා -:

අමාරුයි අමාරුයි...කොහොමටත් අමාරුයි.මොකද මගේ කට හින්දා තමයි මං මෙච්චර කාලයකුත් හිටියේ.ඉතින් කට මගේ නැතිවෙනවා කියන්නේ ටිකක් අමාරුයි.ඒත් ඉතින් කොහොමහරි උත්සාහ කරලා ඉන්නවා.මොකද අද දවසේ නිහඬ වෙලා හිටියොත් විතරයි මට හෙට කතා කරගන්න පුළුවන් වෙන්නේ.

චාල්ස් කුමරු 65 වන ජන්ම දින සැමරුම

බ්‍රිතාන්‍යයේ ඔටුන්න හිමි චාර්ල්ස් කුමරුන්ගේ 65 වන ජන්ම දින සැමරුම ඊයේ (14) දිනට යෙදී තිබිණ. බ්‍රිතාන්‍යයේ කිරුළ හිමි චාල්ස් කුමරුගේ ඉන්දීය සංචාරයේ අවසන් දිනය සමඟ ඊයේට යෙදී තිබුණු ඔහුගේ 65වන උපන්දිනය සමඟ නිල වශයෙන් විශ්‍රාමිකයකු බවට පත්වන බව ප්‍රකාශ වි ඇත. 

අද ආරම්භවන පොදුරාජ්‍ය මණ්ඩලීය රාජ්‍ය නායක සමුළුවට සහභාගි වීම සඳහා, සිය උපන් දිනය සමරන ඊයේ දිනයේ ඔහු මෙරටට පැමිණීම විශේෂත්වයකි. ඔහුගේ උපන් දිනය වෙනුවෙන් මෙරට බ්‍රිතාන්‍ය මහ කොමසාරිස්වරයාගේ නිල නිවසේදි උත්සවයක් පැවැත්විය. 

චාල්ස් කුමරුගේ උපන් දිනය වෙනුවෙන් ඊයේ (14) අරලියගහ මන්දිරයේ දී ද ජනාධිපති මහින්ද රාජපක්ෂ මහතා විසින් ද උපන් දින සාදයක් සංවිධානය කර තිබිණ. මහාචාර්ය ජී.එල්.පීරිස්, බැසිල් රාජපක්ෂ ඇමැතිවරුන් ද ශිරන්ති රාජපක්ෂ ආර්යාව, පාර්ලිමේන්තු මන්ත්‍රී නාමල් රාජපක්ෂ, ආරක්ෂක අමාත්‍යංශයේ ලේකම් ගෝඨාභය රාජපක්ෂ, යෝෂිත රාජපක්ෂ හා රෝහිත රාජපක්ෂ මහත්වරු මේ අවස්ථාවට සහභාගි වී සිටියහ. 

සිරිකොතේදී ඤාණසාර හිමිට බැන පහර දීලා

එජාපයේ රටට සතුරු බෞද්ධ විරෝධි පිළිවෙත පිළිකුලින් හෙළා දකින බව ජතික හෙළ උරුමය පක්‍ෂය පවසයි.

එම පක්‍ෂ මාධ්‍ය ප‍්‍රකාශක නිශාන්ත වර්ණසිංහ මහතා විසින් නිවේදනයක් නිකුත් කරමින් මේ බව කියා සිටී.

නිවේදනයේ මෙසේද දැක්වේ.

පොදුරාජ්‍ය සමුළුවට විකල්ප සමුළුවක් එක්සත් ජාතික පක්‍ෂයත්, එක්සත් ජාතික පක්‍ෂය ප‍්‍රමුඛ සමගි බලවේගයත් එකතුව සිරිකොත පක්‍ෂ මූලස්ථානයේ දී මේ වනවිට පැවැත්වෙමින් ඇත. මෙම සමුළුවට රටට සතුරුව කටයුතු කරන රාජ්‍ය නොවන සංවිධාන, ඊනියා සිවිල් සංවිධාන හා කොටි හිතවාදී ආවරණ පෙරමුණු එකතු වී ඇත. 

යුද අපරාධ චෝදනා මානව හිමිකම් චෝදනා ඉදිරිපත් කරමින් මෙම දෙදින වැඩමුළුව හරහා ශී‍්‍ර ලංකාව ජාත්‍යන්තර වශයෙන් අපකීර්තියට පත්කිරීමටත්, මානව හිමිකම් ක්‍ෂෙත‍්‍රයේ කොටු කිරීමටත් කටයුතු කරමින් ඇත. 

සිරිකොත අසල උණුසුම් තත්ත්වයක් උද්ගත වේ

එක්සත් ජාතික පක්‍ෂය රටට සතුරුකම් කරන බවටත් ජාත්‍යන්තර මාධ්‍යවේදීන් සිරිකොත පක්‍ෂ මූලස්ථානයට ගෙන්වා ගන්නා බවටත් චෝදනා කරමින් මේ වන විට එජාප සිරිකොත මූලස්ථානය ඉදිරිපිට විරෝධතාවයක් පැවැත්වේ. 

මේ හේතුවෙන් මූලස්ථානය ඇතුළත සිටින කිසිවෙකුටත් ඉන් පිටවිය නොහැකි තත්වයක් ඇති වී තිබෙන අතර සිරිකොත ඉදිරිපිටට විශේෂ පොලිස් ආරක්ෂාවක්ද යොදවා තිබේ. එහිදි සිරිකොත පක්ෂ මුලස්ථානයේ සිටි පිරිස සහ උද්ඝෝෂකයින් අතර ගැටුමක් හට ගෙන ඇත. 

සරාගී නිළි සනී ලියෝන් අනතුරක

සරාගී නිළි සනී ලියෝන් අනතුරකට මුහුණදුන් පුවතක් බොලිවුයෙන් වාර්තා වේ. ඇය රංගනයෙන් දායකවන අලූත්ම චිත‍්‍රපටය වන දේවන්ග් ඩෝල්කියාගේ ‘ටීනා ඇන්ඩි ලෝනො’ හි රූගන කිරීමක් අතුරතුරදී මෙසේ ඇය අනතුරකට මුහුණදී ඇත. 

කි‍්‍රයාදාම ලේබලය යටතේ තිරනිර්මාණය කෙරෙන මෙම ‘ටීනා ආන්ඩි ලෝලො’ චිත‍්‍රපටයේ සනී මෝටර් රථයක් උඩ සිදුකරන සටන් ජවනිකාවක් රූගන කරන අතරවාරයේදී මෙම අනතුරට ඇය මුහුණදී තිබෙන බව සඳහන් වේ. 

බොලිවුඩයෙන් වාර්තා වන අන්දමට මෙම අනතුරින් සනී ලියොන්ගේ දකුණු කකුල සහ වම් අතේ වැලමිට ඉහළ ප‍්‍රදේශය ආබාධයකට ලක්ව ඇත. කෙසේ වෙනත්, සනී පවසන්නේ තමාට සුළු විවේකයක් පමණක් අවශය බවත්, ඉතා ඉක්මනින් නැවතත් ‘ටීනා ඇන්ඩි ලෝලො’ චිත‍්‍රපටයෙ රූපගත කිරීම්වලට යොමුවීමට තමා අදහස් කරමින් සිටින බවත්ය.