රට බේරා ගැනීමේ මෙහෙයුම ඉදිරියට - සරත් ෆොන්සේකා

උතුමාණන්ගෙන් රට බේරා ගැනීමේ දෙවැනි මෙහෙයුම ආරම්ක කල බව ප‍්‍රජාතන්ත‍්‍රවාදී පක්ෂයේ නායක සරත් ෆොන්සේකා මහතා පවසයි. 

ගම්පහ ප‍්‍රදේශයේ පැවති උත්සවයකට සහභාගී වෙමින් ඒ මහතා මෙසේද කීය. ‘අපි දෑත් ශක්තිමත් කරන්න එතැන ඉන්නේ නැතිව උතුමාණන්ගෙන් රට බේරා ගැනීමේ දෙවැනි මෙහෙයුම ආරම්භ කළා.දැන් අපිට උතුමාණන්ගෙන් රට බේරා ගැනීමේ දෙවැනි මෙහෙයුම ඉදිරියට ගෙන යන්න හැකි වී තියෙනවා. පනස් දහසක, හැට දහසක ජනතාවක් ඔවුන්ගේ ශක්තිය අපට දීල තියෙනවා. 

ඒ රට ගැන හිතා බඩගෝස්තරවාදී දේශපාලනයට අවනත නොවෙමිනුයි. වයඹ මැතිවරණයේදී අපි මැතිවරණයට සූදානම් වෙනකොට අපට ශබ්ද විකාශන යන්ත‍්‍ර පාවිච්චි කරන්නවත් ඉඩ දුන්නේ නැහැ.කෙතරම් බාධක ආවත් ජනතාව වෙනුවෙන් කෙසේ හෝ අපේ යුතුකම ඉෂ්ට කරන්නට අපි කටයුතු කළ බව කියන්න කැමතියි.

ආයේත් කොහොම හරි නැගිටින්න උත්සාහ කරනවා - Ruwan Hettiarachchi

ජනපි‍්‍රය ගායක රුවන් හෙට්ටිආරච්චි මීට මාස 5කට විතර කලින් 
නුගේගොඩ මිරිහාන පාරේ Studio එකක් ආරම්භ කළානේ. 
පහුගිය අඟහරුවාදා ඒකට හොරු පැනලා. 
Studio එකේ තිබුණු වටින බඩු සේරම ටික අරන් ගිහින්. 
ඉතුරුවෙලා තියෙන්නේ ඩෙස් පුටු ටික විතරයිලූ. 

මේ නිසා රුවන් ආරම්භ කරපු Studio එකේ වැඩ වගේම ක්ලාස්වල වැඩත් නතර කරන්න වෙලා.
එහෙම බැලූවාම මේ සිද්ධ වෙලා තියෙන්නේ ලක්ෂ ගානක පාඩුවක්. පහුගිය සඳුදා රුවන්ගෙ Wife ෂෙරිල් Saloon එකක් විවෘත කළානෙ.
ඊට පහුවදා තමයි මේ සිද්ධිය වෙලා තියෙන්නේ. ඉතින් මේ ගැන වැඩි විස්තර දැන ගන්න අද අපි රුවන්ට කථා කළා. 

‘‘රුවන් ඔයාට ලොකු කරදරයක් වුණා කියලා අපිට ආරංචි වුණා...’’ ‘‘ ඔව් එකපාරටම දුක හිතෙන දෙයක්.’’ මේ ෆීල්ඞ් එකට එන්නත් මට සෑහෙන්න කට්ටක් කන්න වුණානේ....එහෙම ඇවිත් අමාරුවෙන් ගොඩනගා ගත්ත දෙයක් මේක. ? නිදි මරාගෙන Show වලට ගිහින් එකතු කරපු සල්ලිවලින් කරපු දෙයක්. කවුද කළේ කියලා සැක කරන්න මට අමරුයි. මොකද හැමෝම හිනා වෙලා ඉන්නේ. 

මේ බඩු අවශ්‍යම කෙනෙක් තමයි කරලා තියෙන්නේ. මං නම් හිතන්නේ හොරෙක් නෙමෙයි. මොකද බිත්ති වගේම ඩෙස් වලත් මට අපහාස කරලා, බැනලා එක එක ඒවා ලියලා තියෙනවා. මං ඉතින් මට සාධාරණයක් වෙනකම් බලාගෙන ඉන්නවා. 

ලොව විශාලම උකුල හිමි කාන්තාව ලොස් ඇන්ජලීස්වලින්

අතීතයේ විසු කවියන් පවසා තිබුණේ පුළුල් උකුල හා මිටින් ගත හැකි ඉඟ සුඟ කාන්තා රූපයට ආභරණයක් කියායි. නමුත් මෑතකදී ලොස් ඇන්ජලීස් නුවර 39 හැවිරිදි මිකෙල් රෆ්නෙලි නම් ලෝක වාර්තාවක් තියා තිබුණේ අඩි අටක වට ප්‍රමාණයකින් යුත් ‘මෙගා උකුලකට” හිමිකම් කියමිනුයි. මිකෙල් දරුවන් හතර දෙනෙකුගේ මවක්. 

ඇයගේ ශරීරයේ බර රාත්තල් 420ක් වෙනවා. අන් අයට ඇයගේ බර මෙන්ම ශරීරයේ හැඩයද ගැටලුවක් වුණාට මිකෙල්ට නම් එය කිසිම විශේෂත්වයක් නැති හැඩයි. “මගේ ඇඟේ හැඩයට හරිම කැමතියි. අනික මම ආහාර පාලනය කළ යුතුයි කියලා හිතන්නෙ නැහැ. 

මොකද මට සෞඛ්‍යමය ගැටලුවක් නැති නිසා.” යනුවෙන් පවසනවා. මිකෙල්ගේ පුළුල් උකුල් තලයට සමානුපාතිකව ඇගේ ඉණ අඟල් 40ක් වෙන බවයි පැවසෙන්නේ. මෙසේ මිනිය නොහැකි ශරීර හැඩයකින් යුත් මිකෙල් Big Beautiful women website හි මෝස්තර නිරූපිකාවක් ලෙස සිය හැකියාවන් ප්‍රදර්ශනය කරන අතර ඇය එක් නිරූපණයක් සඳහා ඇමරිකන් ඩොලර් දාහක් (1000) අය කළ බවයි පැවසෙන්නේ. මෙවැනි විශාල උකුලකට හිමිකම් කියන මිකෙල් හට ඉඳ ගැනීමට ඇයගේම ඇඟට හරියන විදිහට යකඩවලින් නිර්මාණය කළ පුටුවක් නිමවා තිබෙනවා. 

නෙල්සන් මැන්ඩෙලා අවසන් ගමන් යයි

දකුණු අප්‍රිකානු නිදහස් සටනේ නායක නෙල්සන් මැන්ඩෙලා අභාවප්‍රාප්ත විය. මිය යන විට අනූ පස් හැවිරිදි වියේ පසු වූ (1918 ජූලි 18 වැනිදා උපත ලැබූ) ප්‍රජාතන්ත්‍රවාදීව තෝරා පත් කර ගැනුන දකුණු අප්‍රිකාවේ පළමු ජනාධිපතිවරයාට සිය ජීවිතයේ තුනෙන් එකක් පමණම වර්ණභේදවාදී පාලනයක් යටතේ ගත කිරීමට බල කරනු ලැබිණ.

බන්ධනාගාරයෙන් නිදහස් වී වසර හතරකට පසුව ඔහු දකුණු අප්‍රිකාවේ ජනාධිපතිවරයා බවට පත්විය.

ඉන් අනතුරුව 1999 දී ඔහු පදවියෙන් ඉල්ලා අස්වුණු නමුත් දිගටම ජාත්‍යන්තර තලයේ ක්‍රියාකාරී කාර්යභාරයක් ඉටු කළේය.

විශේෂයෙන්ම ළමා අයිතිවාසිකම් සහ එච් අයි වී සහ ඒඩ්ස් ආසාදිත දරුවන් වෙනුවෙන් ඔහු ජාත්‍යන්තර තලයේ දියත් කළ ව්‍යාපාරය, ඔහුගේ අනුප්‍රාප්තිකයා වූ තාබෝ ම්බෙකි සමඟ මතභේදවලටද තුඩු දුන්නේය.

අප්‍රිකානු කලාපයේ බොහෝ අර්බුදවලදී මැදිහත්කරුවකු ලෙසින්ද ඔහු අත්‍යවශ්‍ය චරිතයක් බවට පත් විය.ග්‍රාමීය ට්‍රාන්ස්කෙයි පළාතෙන් සිය ජීවන චාරිකාව ආරම්භ කළ නෙල්සන් මැන්ඩෙලා, එහිදී මෙතෝදිස්ත පාසලක ඉගෙනුම ලබා ඉන් අනතුරුව එවකට රටේ කළු ජාතිකයන් වෙනුවෙන් වෙන්ව තිබූ එකම විශ්ව විද්‍යාලයට ඇතුල් වුනේ නීතිඥයකු ලෙසින් පුහුණුව ලැබීම සඳහායි.

ගණිකා යෝජනාවට පක්‍ෂ විරෝධතාවයේ රනිල්ගේ බිරිඳත්

ශ්‍රී ලංකා ගුවන් විදුලි සංස්ථාවේ සභාපති හඩ්සන් සමරසිංහ මහතා විසින් නිමල්කා ප‍්‍රනාන්දු මහත්මියට ඉතාමත් අවිනීත ලෙස අදහස් දැක්වී යයි විරෝධය පාමින්, පෙරේදා ගුවන් විදුලි සංස්ථාව ඉදිරිපිට දී 'කාන්තා එකමුතුව' විසින් පැවැත්වූ උද්ඝෝෂණයට විපක්‍ෂ නායක රනිල් වික‍්‍රමසිංහ මහතාගේ බිරිඳ මෛත‍්‍රී වික‍්‍රමසිංහ මහත්මියද එක්ව සිටියාය. 

විරෝධතාවට සහභාගි වූ කාන්තාවන් පොලිසිය විසින් එම ස්ථානයෙන් පලවා හරිමින් විරෝධතාකරුවන් ඔසවා ගෙන සිටි සටන් පුවරු උදුරාගෙන කෑලි කෑලිවලට ඉරා දමන ලදී. විරෝධතාවට එක්ව සිටි කාන්තාවන් පොලිසියට මුහුණ දෙමින් සටන් පාඨ දිගටම කියද්දී ජේ‍යෂ්ඨ පොලිස් අධිකාරි ප්‍රේමලාල් රණගල මහතා විසින් කැඳවාගෙන එන ලද පොලිස් කාන්තා බළඇණිය සමඟ පොලිස් කොස්තාපල්වරුන් විසින් කාන්තා පිරිස පොලිස් අධිකාරිවරයා විසින් ඒ අසල පිහිටි බස් නැවතුම්පොළ දක්වා පන්නා දමන ලදී.

අනතුරුව එම පිරිස පොලිස් අධිකාරිවරයා කාන්තා පොලිස් බළඇණියේ සහයෝගය ඇතිව බෞද්ධාලෝක මාවත පාර මැදට එළවා දැමීය. කාන්තා එකමුතුවේ පිරිස බෞද්ධාලෝක මහපාර මැද සිට සටන් පාඨ කියමින් විරෝධතාව දැක්වූහ. 

Fast And Furious Star Paul Walker Is Dead වේගවත් සුපරි නළුවා වේගයෙන්ම මියයයි - Photos

"The Fast and the Furious" චිත්‍රපට මාලාවේ සුපිරි නළුවකු වූ Paul Walker ඊයේ දිනයේ දකුණු කැලිෆෝනියා(southern California) ප්‍රාන්තයේ සැන්ටා ක්ලැරිටා (Santa Clarita) ප්‍රදේශයේදී සිදු වූ රිය අනතුරකින් මරුමුවට පත් වී තිබෙනවා. 

මිය යාමට හේතුව වී ඇත්තේ ඔහුගමන් ගත Porsche වර්ගයේ රථය පාලනය කරගත නොහැකිව ඔහු ගමන් ගත මාර්ගය අසල තිබු ගසක වැදී රථය ගිනි ගැනීම හේතුවෙනි. 

ඔහු රිය අනතුරට ලක්ව තිබුනේ සුබසාධන කටයුත්තක් සඳහා සහභාගිවීමට යන අතරත්රේ වන අතර මෝටර් රථය පදවා තිබුනේ ඔහුගේ රියදුරා විසිනි. මෙම මෝටර් රථ අනතුරෙන් මෝටර් රථයේ ගමන් කල තවත් අයෙකු මියගොස් ඇත. 

මෙම රිය අනතුර වාර්තාවීමත් සමග බොහෝ රසිකයන් එය විශ්වාස නොකළ අතර පසුව ඔහුගේ නිල ෆේස්බුක් ගිණුමෙන් හා ට්විටර් ගිණුමේ කල නිවේදනයන්ට අනුව එය සත්‍යයක් බවට පිළිගැනීමට සිදුවී තිබෙනවා. මිය යන විට 40 හැවිරිදි වියේ පසු වූ ඔහු දක්‍ෂ රංගන ශිල්පියෙකි. 

ජාත්‍යන්තර විමර්ශන අවශ්‍ය නෑ - සනත් ජයසූරිය

ශ්‍රී ලංකාවේ අවසන් යුද සමයේදී සිදූ බවට එල්ල වන යුද අපරාධ චෝදනා සම්බන්ධයෙන් ජාත්‍යන්තර විමර්ශනක් අවශ්‍ය නොවන බව හිටපු ක්‍රිකට් නායක හා නියෝජ්‍ය අමාත්‍ය සනත් ජයසූරිය පවසයි. ඔහු මේ බව පවසා ඇත්තේ ඉන්දියාවේ කේරළ ප්‍රාන්තයේ අගනුවර වන තිරුවානන්තපූරම් හි මාධ්‍යවේදීන් වෙත අදහස් දක්වමිනි. 

අද (30) පෙරවරුවේ තිරුවානන්තපූරම් වෙත ගමන් කර ඇති ජයසූරිය නියෝජ්‍ය අමාත්‍යවරයා, තිරුවානන්තපූරම් මාධ්‍ය සංගමය (Thiruvananthapuram Press Club) විසින් සංවිධානය කරන ලද ක්‍රිකට් තරගාවලියක ප්‍රධාන අමුත්තා ලෙස සහභාගී වීමට නියමිත බව ඉන්දීය මාධ්‍ය වාර්තා කර සිටියි. "වාර්තමානයේදී ක්‍රියාත්මක වෙන අපේ ම නීති පද්ධතියක් අපිට තියෙන නිසා ජාත්‍යන්තර විමර්ශනක් අවශ්‍ය වෙන්නෑ. 

අප ජනාධිපති මහින්ද රාජපක්ෂ මහතා විශිෂ්ට සේවාවක් සිදුකර ති‍යෙනවා.රට තුළ සමස්ථ ලෙස සංවර්ධනයක් ඇති කිරීමට අවශ්‍ය සියළු දේ කරනවා. දශත තුනක් පුරා යුද්ධයක් තිබුන නිසා බොහෝ දේවල් හරියට නෑ. ඒ දේ කරන්න ලේසි නෑ," යැයි ඔහු මාධ්‍යවේදීන් ට පවසා සිටි බව ඉන්දීය මාධ්‍යවල වැඩිදුරටත් දැක්වේ. "ඕනෑම කෙනෙකුට පරීක්ෂණයක් ඉල්ලා සිටින්න පුළුවන්. 

මහ ඇමති සටනට - අනෝමා ෆොන්සේකා

එළැඹෙන බස්නාහිර පළාත් සභා මැතිවරණය සඳහා සරත් ෆොන්සේකා මහතාගේ නායකත්වයෙන් යුත් ප්‍රජාතන්ත්‍රවාදී පක්ෂයේ මහ ඇමති අපේක‍ෂිකාව ලෙස අනෝමා ෆොන්සේකා මහත්මිය ඉදිරිපත් වනු ඇතැයි ආරංචි මාර්ග සඳහන් කරයි. 

පක්ෂය හෝ තමන් මේ සම්බන්ධයෙන් අවසන් තීරණයක් ගෙන නැති වුවද ජනතාව අතරින් එවැනි තීරණයක් එන්නේ නම් ඒ පිළිබඳ සලකා බැලීමට තමන් සූදානම් බව මේ සම්බන්ධයෙන් කල විමසීමකදී අදහස් දක්වමින් අනෝමා ෆොන්සේකා මහත්මිය සඳහන් කලාය. 

මැද කොළඹ ප්‍රදේශයේ උපන් කාන්තාවක ලෙස තමන් කෙරෙහි කොළඹ දිස්ත්‍රික්කයේ ජනතාව වැඩි ආකර්ක‍ෂණයක් පවතින බවද ඇය වැඩිදුරටත් කීවාය.