එ. ජා. ප.යේ දැනට ඉන්න හාල්පාරුවන්ට වඩා නදීෂා හේමමාලි නිළිය මැතිවරණයට තරග කිරීම හොඳ නමුත් ඇය තරග කිරීම සඳහා තෝරාගෙන ඇති පක්ෂය ගැන නම් තමන් අනුමත නොකරන බැව් ඛෙන්තර ඇල්පිටිය ආසනයේ ශ්රී ල.නි.ප.යේ සංවිධායිකා ගීතා කුමාරසිංහ මහත්මිය සඳහන් කළාය.
ටෙලි නාට්ය නිළි නදීෂා හේමමාලි මෙනවිය මෙවර දකුණු පළාත් සභා මැතිවරණය සඳහා එ.ජා.ප.යෙන් තරග කිරීම සම්බන්ධව අප කළ විමසුමකදී ඇය මේ බව සඳහන් කළාය.ගීතා කුමාරසිංහ මහත්මිය මේ පිළිබඳ තවදුරටත් අදහස් දක්වමින් මෙසේද කීවාය.
නදීෂා හේමමාලි මගේ සහෝදර නිළියක්. ඇයට මා සුබපතනවා. නමුත් ඇය මැතිවරණයට තරග කිරීමට තෝරාගෙන ඇත්තේ වැරැදි පක්ෂයක්. මා මේ මැතිවරණයට තරග කරන්නේ ඛෙන්තර ඇල්පිටිය ආසනයේ ශ්රී ල.නි.ප. සංවිධායකවරිය වශයෙන් දකුණු පළාතේ ප්රධාන ඇමැති ධුරය සඳහායි.
