අවසන් තරඟයෙ ජය ශ‍්‍රී ලංකා පිලට - Sri Lanka won by 2 wickets (with 2 balls remaining)

 ශ‍්‍රී ලංකාව සහ පාකිස්තානය අතර තරග පහකින් සමන්විත එක්දින ක‍්‍රිකට් තරගාවලියේ පස්වැනි සහ අවසන් තරගයෙන් (දිවා/රාත‍්‍රී) ශ‍්‍රී ලංකා පිල කඩුලූ 2 ජයක් ලැබීමට සමත් විය. මෙම තරගය අබුඩාබිහි ෂේක් සයිඞ් ජාත්‍යන්තර ක‍්‍රිකට් ක‍්‍රීඩාංගණයේදී (27 වැනිදා) පැවැත්විණ.

මෙම තරගයෙන් ශ‍්‍රී ලංකාව ජය ලැබුව ද පාකිස්තානය 3-2 ක් ලෙස තරගාවලියේ ජය හිමිකර ගත්තේය. ශ‍්‍රී ලංකා පිතිකරුවෝ ලකුණු 233 ක ජයග‍්‍රාහි ඉලක්කය ඕවර 49.4 කදී කඩුලූ 8 ක් දැවී සම්පූර්ණ කිරීමට සමත් වූහ.

දිනේෂ් චන්දිමාල් ජයග‍්‍රහණයේ දැවැන්ත කොටස්කරුවකු බවට පත්වෙමින් පන්දු 70 කදී හතරේ පහරක් සහ හයේ පහරක් සමගින් නොදැවී ලකුණු 64 ක් රැස් කළේය. චන්දිමාල්ට හොඳ සහයෝගයක් දුන් අජන්ත මෙන්ඩිස් 49 වැනි ඕවරයේ තෙවැනි පන්දුවට ගැසූ හයේ පහරින් ශ‍්‍රී ලංකාව මත පැටවී තිබූ පීඩනය තුරන් විය.අජන්ත පන්දු 14 හතරේ පහර 2 ක් සහ හයේ පහරක් සමගින් නොදැවී ලකුණු 19 රැස් කිරීමට සමත් විය. අවසන් ඕවරයට ලකුණු 3 ක් ලබා ගැනීමට තිබූ අතර එය සාර්ථක කර ගැනීමට චන්දිමාල් සහ අජන්ත සමත් වූහ.

Crimes OIC arrested over sexual bribe !

මහව අපරාධ අංශ ස්‌ථානාධිපති  ලිංගික අල්ලස්‌  ඉල්ලා කොටු වේ ! 

"කාන්තාවකගෙන් ලිංගික අල්ලස්‌ ඉල්ලා හෝටලයකදී අත් අඩංගුවට"

මහව පොලිසියේ සුළු පැමිණිලි අංශය මගින් විභාග කළ යුතු පැමිණිල්ලක්‌ වාසි සහගත ලෙස විභාග කිරීමට කාන්තාවකගෙන් ලිංගික අල්ලසක්‌ ඉල්ලා එය ලබා ගැනීමට තැත් කළ මහව පොලිසියේ අපරාධ අංශයේ ස්‌ථානාධිපති පොලිස්‌ පරීක්‍ෂක අල්ලස්‌ හෝ දුෂණ චෝදනා විමර්ශන කොමිසම මගින් ඊයේ (26 වැනිදා) අත්අඩංගුවට ගෙන ඇත.

කාන්තාවගෙන් ලිංගික අල්ලස්‌ ලබා ගැනීමට ක්‍රියා කළ මහව අපරාධ අංශයේ ස්‌ථානාධිපති පොලිස්‌ පරීක්‍ෂක එම්. අලහකෝන් අත්අඩංගුවට පත්ව ඇත්තේ කුරුණෑගල ප්‍රදේශයේ හෝටලයකදීය.පැමිණිලිකාරිය මහව ප්‍රදේශයේ පදිංචිකාරියක්‌ වේ. ඇයගේ දරුවා වෙනත් පුද්ගලයකුට හදාවඩා ගැනීමට ලබාදී සිටියදී ඔහු විසින් දරුවා පාසලකට ඇතුළත් කිරීමට උත්සාහ දරා ඇත.

ශේෂාද්‍රි ප්‍රියසාද් යුග දිවියට - Sheshadri Priyasad's Wedding Day

එකවගේ කෙල්ලො තුන්දෙනෙක් දිනේෂ් ප‍්‍රියශාද් නම් සිනමා අධ්‍යක්‍ෂවරයාට සිටියි. මේ තුන්දෙනාගෙන් වැඩිමල් වූයේ දිනක්‍ෂිය.ශේෂාද්‍රි මුළින්ම සිනමාවට ප‍්‍රවිශ්ට වූයේ උදයකාන්තගේ සිනමා නිර්මාණයක් වූ 'චැලේන්ජර්' හි රංගනයට එක්වෙමිනි. මේ වනවිට මේ පවුලේ කෙල්ලන් තිදෙනාම රංගනයට ප‍්‍රවිශ්ටව ජනප‍්‍රිය වී සිටිති.

පවුලේ මද්දුමී කළින්ම විවාහ වන්නට තීරණය ගෙන තිබිණ. ජනප‍්‍රිය ටෙලි නාට්‍ය අධක්‍ෂවරයෙකු වූ රන්ජන් ද සිල්වාගේ පුත‍්‍රයා ශේෂාද්‍රිගේ අතගත් මනාලයා විය.දෙදෙනාගේ විවාහ මංගල්ලය දෙසැම්බර් මස 26වන දින ගංගාරාම විහාරයේදී හෙළ කුළ සිරිතට සිදුවිය. මෙය පවුලේ සමීපතයන් පමණක් සහභාගී වූ මංගල්ලයක් විය.

මේ ශේශිද්‍රිගේ මංගල උළෙල අවස්ථාවේ ජායාරූපය මෙතනින්

ජායාරූප අනුග‍්‍රහය- තිරිමාන්න සේයා ස්ටුඩියෝ වෙනි
Sheshadri Priyasad's Wedding @ Gangarama Vihara 26.12.2013

ගංජා අල්ලන්න ගිය පොලිසියට අම්මා නිරුවත පෙන්වද්දී දුව උඩුකය පෙන්නලා !

අම්බලන්තොට වලේවත්ත ප්‍රදේශයේ කාන්තාවක් විසින් පවත්වාගෙන යනු ලබන සිල්ලර කඩයක ගංජා විකුණන බවට අම්බලන්තොට පොලිස් ස්ථානය වෙත ලැබුණු තොරතුරක් මත නිලධාරීන් එම කඩය සෝදිසි කිරීමට ගිය අවස්ථාවේදී අවුරුදු 57ක් පමණ වයසැති කඩ හිමි කාන්තාව තම ඇඳුම් සියල්ල ගලවා නිර්වස්ත්‍රව හිඳ පුළුවන්නම් තමන්ව අත්අඩංගුවට ගන්නා ලෙස කෑ ගසමින් පොලිස් නිලධාරීන්ට බාධා කර ඇත.

අනතුරුව එම කාන්තාවගේ දියණිය මේ ස්ථානයට පැමිණ උඩුකය නිරුවත් කර පොලිස් නිලධාරීන් තම මවට කරදර කරන බවට පවසා කෑ ගසා තිබේ. අම්බලන්තොට පොලිස් ස්ථානයේ රථවාහන අංශයේ උ.පො.ප. ඩී.එම්.වී.ජේ. සමන්ජිත් මහතාගේ උපදෙස් මත පොලිස් කාන්තාවන් කිහිපදෙනකු මඟින් නිර්වස්ත්‍රව සිටි සැකකාර කාන්තාව රෙද්දකින් ආවරණය කර අත්අඩංගුවට ගෙන තිබේ.

කඩය සෝදිසි කිරීමේදී සොයාගන්නා ලද ගංජා මිලිග්‍රෑම් 500ක් සමඟ සැකකාර කාන්තාව හම්බන්තොට මහෙස්ත්‍රාත් අධිකරණය වෙත ඉදිරිපත් කිරීමෙන් අනතුරුව ඇය රක්ෂිත බන්ධනාගාර ගතකරන ලෙස මහෙස්ත්‍රාත්වරයා නියෝග කර තිබේ.ම්බලන්තොට පොලිස් ස්ථානාධිපති ඩබ්ලිව්.ටී. විජේරත්න මහතාගේ උපදෙස් මත රථවාහන අංශයේ ස්ථානාධිපති උ.පො.ප. සමන්ජිත් මහතා ඇතුළු නිලධාරීන් මේ සෝදිසි කිරීම සිදුකොට තිබේ.

හොර නෝට්‌ටු නිෂ්පාදනාගාරයක්‌ මාට්‌ටු - Police discover forged currency in Kalutara

වාද්දුව මොල්ලිගොඩ ප්‍රදේශයේ නිවසක ව්‍යාජ මුදල් නෝට්‌ටු නිෂ්පාදනය කරමින් රුපියල් 5000 සිට රුපියල් 500 දක්‌වා මුදල් නෝට්‌ටු අච්චු ගැසූ 27 හැවිරිදි තරුණයා ඊයේ වැඩිදුර පරීක්‍ෂණ සඳහා අපරාධ පරීක්‍ෂණ දෙපාර්තමේන්තුවට භාරදෙන බව උසස්‌ පොලිස්‌ නිලධාරියෙක්‌ පැවැසීය.

කළුතර හෝලික්‍රොස්‌ හන්දියේදී ජංගම කිරි අලෙවි රථයකින් රුපියල් 500 ක මුදල් නෝට්‌ටුවක්‌ දී පැණි බෝතල් කාලක්‌ මිලදී ගැනීමට තැත් කිරීමේදී දකුණු කළුතර පොලිසියේ සැරයන් (3464) අජිත් හා සැරයන් (18236) ලංකාතිලක යන මහත්වරු සැකකරු අත්අඩංගුවට ගෙන පරීක්‍ෂා කිරීමේදී රුපියල් 500 ව්‍යාජ මුදල් නෝට්‌ටු 24 (රුපියල් දොළොස්‌ දහසක්‌) සමඟ සැකකරු අත්අඩංගුවට ගෙන ඇත.

පසුව කළුතර කොට්‌ඨාස භාර පොලිස්‌ අධිකාරි රොෂාන් සිල්වා, සහකාර පොලිස්‌ අධිකාරි සුගත් ගලගමගේ, කළුතර මූලස්‌ථාන ප්‍රධාන පොලිස්‌ පරීක්‍ෂක සමන්ත වෙදගේ යන මහත්වරුන් සැකකරුගේ ප්‍රකාශ මත ඔහුගේ මොල්ලිගොඩ නිවස පරීක්‍ෂා කර ව්‍යාජ රුපියල් 500 නෝට්‌ටු 137 ක්‌ද , 1000 නෝට්‌ටු 5 ක්‌ ද, රුපියල් 5000 නෝට්‌ටු 2 ක්‌ ද මුදල් නිෂ්පාදනය කිරීමට ගත් කඩදාසි, පරිගණක යන්ත්‍ර ද අත්අඩංගුවට ගෙන ඇත.

රට පුරා දැඩි කිරි පිටි හිඟයක් !

රටපුරා සෑම ප්‍රදේශයකම දැඩි කිරිපිටි හිඟයක් මතුව ඇති බව මහජනතාව මැසිවිලි නඟමින් සිටී. සෑම වෙළෙඳසලකම හා සුපිරි වෙළෙඳසල්වල කිරිපිටි රාක්ක හිස්ව ඇතැයි ජනතාව පවසති.

ඒ හේතුවෙන් විශේෂයෙන්ම මවුකිරි වැරූ දරුවන්ට පිටිකිරි සපයා ගැනීමේ ගැටලුවකට මවුපියන් රැසක් මුහුණදී තිබේ. ඒ සම්බන්ධයෙන් පාරිභෝගික අධිකාරියේ සභාපති රූමි මර්ෂුක් මහතාගෙන් කළ විමසුමකදී ඒ මහතා පැවැසුවේ කිරිපිටි මිල වැඩිකරන ලෙසට බලකරමින් කිරිපිටි සමාගම් ඉදිරිපත් කරන යෝජනාවලට සුබවාදී ප්‍රතිචාර නොදැක්වීම හේතුවෙන් එම සමාගම් තම කිරිපිටි තොග වෙළෙඳපොළට නිකුත් නොකර සඟවා ඇති බවයි.

කිරිපිටි සමාගම් යෝජනා කරන මිල ගණන් අසාධාරණ මිල ගණන් බව පැවැසූ රූමි මර්ෂුක් මහතා කිරිපිටි තොග සඟවමින් කිරිපිටි සමාගම් අනුගමනය කරන පිළිවෙතද නීතිවිරෝධී යැයි කීය.එසේ කිරිපිටි තොග සඟවා ඇති ගබඩා පරීක්‍ෂා කර ඒවා වෙළෙඳපොළට නිකුත් කිරීමටත්, කිරිපිටි සඟවා ඇති සමාගම්වලට එරෙහිව නීතිය ක්‍රියාත්මක කිරීමටත් පාරිභෝගික අධිකාරියේ නිලධාරීන් කැපවී ඇතැයි පැවැසූ ඒ මහතා එවැනි ගබඩා සම්බන්ධයෙන් තොරතුරු ඇතොත් 0771088922 දුරකතන අංකයට දැනුම් දෙන ලෙස මහජනතාවගෙන් ඉල්ලා සිටියි.

නත්තල් දා පකිස්ථානයෙන් ශ්‍රී ලංකාවට අමතක නොවන තෑග්ගක්

ශ්‍රී ලංකාව සමග පැවැත්වෙන එක්දින ක්‍රිකට් තරගාවලිය ජය ගැනීමට පකිස්ථානය ඊයේ සමත් විය.

ඒ ශ්‍රී ලංකාවට එරෙහි හතරවන එක්දින තරගයත් කඩුලු 8කින් ජයග්‍රහණය කිරීමත් සමගිනි.තරග 5කින් සමන්විත එක්දින තරගාවලිය තරග 3 – 1 ක් ජයගෙන පකිස්ථානය ඉදිරියෙන් සිටී.අශාන් ප්‍රියන්ජන සහ කිත්රුවන් විතානගේ ශ්‍රී ලංකාව වෙනුවෙන් එක්දින ජාත්‍යන්තර වරම් දිනා ගත්තේය.අබුඩාබිහි පැවති තරගයේ කාසියේ වාසිය දිනු ශ්‍රී ලංකාව ප්‍රථමයෙන් පන්දුවට පහරදීමට තීරණය කළේය.

ඒ අනුව ශ්‍රී ලංකාවට පන්දුවාර 48යි පන්දු 5ක් අවසානයේදි සියලුදෙනා දැවී ලබාගත හැකි වූයේ ලකුණු 225ක් පමණි.පිළිතුරු ඉනිම ක්‍රීඩා කළ පකිස්ථානය පන්දුවාර 41යි පන්දු 1කදී කඩුලු 2ක් පමණක් දැවී තිබියදී ජයග්‍රාහී ඉලක්කය පසු කිරීමට සමත් විය.කුමාර් සංගක්කාර සහ අශාන් ප්‍රියන්ජන එක්ව හතරවන කඩුල්ල වෙනුවෙන් ලකුණු 89 ක සබඳතාවක් ගොඩනැංවීමට සමත් විය.

සංගක්කාර ලකුණු 51කට දුවද්දී දැවි ගියේය.සිය මංගල එක්දින ජාත්‍යන්තර ක්‍රිකට් තරගයේදීම අශාන් ප්‍රියන්ජන මංගල අර්ධ ශතකය ලබා ගැනීම විශේෂත්වයකි.අශාන් ලකුණු 74ක් ලබා ගත් අතර ඊට හතරේ පහර 10ක් ඇතුලත් විය.තම මංගල එක්දින ජාත්‍යන්තර තරගයට ක්‍රීඩා කළ කිත්රුවන් විතානගේ ද පන්දු 26කදී ලකුණු 27ක් ලබා ගත්තේය.

රටේ ජාවාරම්කාරයන්ගේ නායකයන් ටික දැන් ඉන්නේ පාර්ලිමේන්තුවේ, K D Lalkantha

රටේ ජාවාරම්කාරයන්ගේ නායකයන් ටික දැන් ඉන්නේ පාර්ලිමේන්තුවේ බවත් මහජන ඡන්දයෙන් පාර්ලිමේන්තුවට පත්වූවන් අතර ගණිකාවන්, කුඩු ජාවාරම්කාරැවන් බූරු කාරයන්, සූදු කාරයන්, එතනෝල් ජාවාරම්කාරයන් සිටින බවත් ජනතා විමුක්ති පෙරමුණ හිටපු පාර්ලිමේන්තු මන්ත‍්‍රී කේ.ඞී. ලාල් කාන්ත මහතා පවසයි.

ජවිපෙ ප‍්‍රචාරක රැස්වීමක් කොස්ගමදී අමතමින් ඒ මහතා මේ අදහස් පල කලේය.

‘දැන් පාර්ලිමේන්තුව ඇතුළේ ඉන්නවා ගණිකාවෝ. කුඩු ජාවාරම්කාරයෝ බූරු කාරයෝ සූදු කාරයෝ එතනෝල් ජාවාරම්කාරයෝ ඔක්කොම ටික දැන් පාර්ලිමේන්තුවට ගෙනල්ලා තියෙන්නේ. ජනතාව ඡන්දෙන් තමයි ගෙනාවෙ

රටේ ජාවාරම්කාරයින්ගේ නායකයෝ ටික දැන් ඉන්නේ පාර්ලි‍මේන්තුව ඇතුළේ, දේශපාලනඥයා අපරාධ කාරයෙක් වෙලා. කාටුන් ශිල්පියා දේශපාලඥයා අඳින්නෙ මගෝඩිස් තුමාට. මගෝඩියාට.දේශපාලඥයගෙ චරිතෙ කෙලෙසිලා. ජාවාරම්කාරයෙක් හොරෙක් තක්කඩියෙක් අපරාධ කාරයෙක් කියන රූපය තමයි මැවෙන්නේ දේශපාලනඥයා කියලා කියද්දි’