මාධ්‍යවේදිනියගේ ඝාතක සැකකරු අල්ලයි - Suspect arrested over the murder of journo

ඊයේ ඉරිදා උදෑසන බත්තරමුල්ලේ ගැමුණු මාවතේ නිවසක මුළුතැන්ගෙයිහිදී ගෙල කපා මරාදමා තිබුණ මෙල් ගුණසේකර මාධ්‍යවේදිනියගේ මිනීමරුවා පැය 24 ක් යන්නට මත්තෙන් ඊයේ රාත්‍රී 8 ට පමණ දොම්පේ ප්‍රදේශයේදී අත්අඩංගුවට ගන්නට මිරිහාන විශේෂ පොලිස් විමර්ශන ඒකකයේ නිලධාරීන් සමත්ව තිඛෙනවා.

පොලිස් වාර්තා අනාවරණය කරන ආකාරයට 40 හැවිරිදි අවිවාහක මාධ්‍යවේදිනිය මරාදමා ඇත්තේ සොරකමේ ආ පුද්ගලයෙකු සොරකම වැරදීමෙන් පසුය.පොලිසිය හසුකරගත් මිනීමරුවා තමන් මෙල් මෙනෙවිය මැරූ බවට පාපොච්චාරණය කර තිඛෙනවා. ඔහු මෙම නිවසේ තීන්ත ආලේප කිරීම සඳහා මින් ඉහත සති ගණනාවක් තිස්සේ නිවසට පැමිණි පින්තාරු බාසුන්නැහේ කෙනෙකි.

බත්තරමුල්ල සුභූතිපුර ප්‍රදේශයේ දෙමහල් සුඛෝපභෝගී නිවසක් වන මෙහි තීන්ත අලේප කිරීම සඳහා කාලයක් තිස්සේ කුලී වැඩට ආ මෙම බාස් උන්නැහේ නිවසේ උදවිය අනිවාර්යයෙන්ම ඉරිදාට පල්ලි යන බව දැන සිටි අතර ඒ අවස්ථාවේ නිවසේ කිසිවෙකු නැති නිසා සොරකමක් සිදු කරන්නට හොඳම වේලාව එය බව සිතා ඉරිදා මෙම සොරකම සිදු කරන්නට සැලසුම් කර තිඛෙනවා.

පබා ආයෙත් මෙගා වලට යයි - Paba in another mega

ජනතා නියෝජිතවරියක වීමට ප්‍රථම ස්වාධීන රූපවාහිනියේ විකාශය වූ "පබා" ටෙලි නාට්‍යය ඔස්සේ ජනප්‍රියත්වයට පත් උපේක්ෂා ස්වාරණමාලි ඉන් පසුව මෙගා නිර්මාණ වලට සහභාගී වුයේ නැත.

නමුත් ඇය ජනතා නියෝජිතවරියක වීමෙන් පසුවද මේ වනවිට මෙගා ටෙලි නාට්‍යයකට දායකත්වය සැපයීමට ඉදිරිපත්වී ඇති අතර ඇමති ධුරයක් ලැබුනහොත් පමණක් රඟපෑමෙන් ඉවත්වීමට සූදානම් බව පසුගියදා පුවත්පතකට ප්‍රකාශකොට තිබුණි.කෙසේ නමුත් මෙසේ දීර්ඝ නාට්‍යය රූගත කිරීම් වලට සහභාගිවන අතරතුර ජනතාවගේ ගැටළු ගැන සොයාබැලීමට අවශ්‍යය කාලය වෙන්කරගන්නේ කෙසේද යන්න ගැටලුවකි.

පියවරු දෙදෙනෙකු වසර විස්සකට පෙර සිය දියණිය හා පුතා විවාහ කිරීමට ගිවිස ගැනීමේ සිද්ධියකින් 20 වසරකට පසුව සිදුවන සිද්ධීන් අලලා මෙම ටෙලි නාට්‍යය අධ්‍යක්ෂණය කර ඇත්තේ කැලුම් පාලිත මහීරත්න විසිනි.එහි ප්‍රධාන නිළිය උපේක්ෂා ස්නේහා ලෙසත්, ප්‍රධාන නළුවා උද්ධික, ආදිත්‍ය ලෙසත් රංගනයෙන් දායක වනු ලබයි.

පාතාල නායක 'මිනුවන්ගොඩ ජීවන්' STF වෙඩි පහරින් මරුට ' Minuwangoda Jeewan' shot dead

ත්‍රිත්ව ඝාතනයක් ඇතුළු ඝාතන සිද්ධීන් හතකට සහ කොල්ලකෑම්, ස්ත්‍රී දූෂණ ගණනාවක් ගැන පොලිසිය සොයමින් සිටි 'මිනුවන්ගොඩ ජීවන්' නමින් හැඳින්වූ පාතාල නායකයකු හා සැක කටයුතු ත්‍රිරෝද රථයේ රියැදුරු පොලිස් විශේෂ කාර්ය බළකායේ බුද්ධි අංශයට අයත් විශේෂ පොලිස් කණ්ඩායමක් විසින් දික්වැල්ල ප්‍රදේශයේදී එල්ල කළ වෙඩි ප්‍රහාරයකින් මරණයට පත්ව තිබේ. මොහු හමුදාවෙන් පලාගිය සෙබළකු බව පැවැසේ.

මෙසේ මියගොස් ඇත්තේ දික්වැල්ල නිල්වැල්ල ප්‍රදේශයේ පදිංචි කේ. එච්. නලින්ද ප්‍රදීප් සහ කොළඹ මිනුවන්ගොඩ ප්‍රදේශයේ පදිංචි ජීවන් සුනිමල් රාජපක්‍ෂ නමැති අවුරුදු 30-35ක තරුණයන් දෙදෙනෙකි.

විශේෂ කාර්ය බළකා බුද්ධි අංශ නිලධාරීන්ට ලැබුණු තොරතුරකට අනුව දික්වැල්ල රත්මලේ ප්‍රදේශයේ මාර්ග බාධක යොදා වාහන පරීක්‍ෂා කරමින් සිටින අතරතුර අධික වේගයෙන් පැමිණි ත්‍රිරෝද රථයකට නතර කිරීමට නියෝග කර ඇති අතර ත්‍රිරෝද රථය පාලනය කරගත නොහැකිව කානුවට වැටී ඇත. එහි පැමිණි අය පොලිස් නිලධාරීන්ට වෙඩි තබා පලා යෑමට උත්සාහ දරා ඇති අතර එම නිලධාරීන් පෙරළා වෙඩි තැබීමේදී ඔවුන් දෙදෙනා තුවාල ලබා ඇත. පසුව දික්වැල්ල රෝහලට ඇතුළත් කිරීමෙන් පසු දෙදෙනා මියගොස් ඇත.

එක්‌දරු මව දස හැවිරිදි දියණිය සමග ළිඳට පැන දිවි නසා ගනී

අනුරාධපුර, ශ්‍රාවස්‌තිපුර, ශාන්ති වී මෝල පාරේ පාළුවට ගිය නිවසක ගෙවත්තේ ළිඳක්‌ තුළ මිය ගොස්‌ සිටියදී හමුවූ දස හැවිරිදි දියණියගේ සහ ඇගේ මවගේ මරණ එම ළිඳට පැන දිවි හානිකර ගැනීමෙන් සිදුවී ඇති බව පෙරේදා (01 දා) අනුරාධපුර ශික්‌ෂණ රෝහලේ අධිකරණ වෛද්‍ය නිලධාරී එච්. ඒ. කරුණාතිලක මහතා විසින් පැවැත්වූ පශ්චාත් මරණ පරීක්‍ෂණයේදී අනාවරණය විය.

එම මරණ පිළිබඳ පශ්චාත් මරණ පරීක්‍ෂණ අනුරාධපුර අතිරේක මහෙස්‌ත්‍රාත් යුරේෂා ද සිල්වා මහත්මියගේ නියෝගයකට අනුව අනුරාධපුර ශික්‌ෂණ රෝහලේදී පවත්වනු ලැබිණි.මෙලෙස මියගොස්‌ ඇත්තේ අනුරාධපුර ශ්‍රාවස්‌තිපුර, සුදර්ශන මාවතේ නිවසක කුලියට පදිංචිව සිටි අලහකෝන් මුදියන්සේලාගේ නිරෝෂණී පතිරාජ මැණිකේ (43) සහ ඇගේ එකම දියණිය සමාධි භද්‍රdංජලී (10) යන දෙදෙනායි.

මියගිය දියණිය අනුරාධපුර පොතානේගම මහා විද්‍යාලයේ ඉගෙනුම ලබමින් සිට ඇති අතර ඇය මෙවර පහ වසර ශිෂ්‍යත්ව විභාගයට පෙනී සිටීමට නියමිතව සිටියාය.

මැරෙන තුරු හෝ මරා දමන තුරා විප්ලවවාදියකු ලෙස වැඩ කරන්න සූදානම්

 Somawansa Amarasinghe
විප්ලවවාදීන්ට විශ්‍රාම යෑමට කිසිවිටෙක හැකියාවක් නොමැති බැවින් විප්ලවවාදියකු හැටියට තමා ඉදිරියේදීත් මැරෙන තුරු හෝ මරා දමන තෙක් ඕනෑම තැනක වැඩකිරීමට සූදානමින් සිටින බව ජනතා විමුක්ති පෙරමුණේ හිටපු නායක සෝමවංශ අමරසිංහ මහතා පැවැසීය. ජනතා විමුක්ති පෙරමුණට බැඳුණු කිසිදු සාමාජිකයෙක් නායකත්වය ඉල්ලා නොපැමිණි බව හෙතෙම සඳහන් කෙළේය.

නිවැරැදි දිශාව බලා දේශපාලන ප්‍රතිපත්ති, මූලධර්ම හා පක්ෂයේ විනය ආරක්ෂා කරමින් ලංකාව වෙනස් කොට රටේ නවීන සමාජවාදයක් ගොඩනැඟීමට කටයුතු කරන බවද හෙතෙම කීය.

සෝමවංශ මහතා මෙම අදහස් ප්‍රකාශ කළේ සුගතදාස ගෘහස්ථ ක්‍රීඩාංගණයේදී ඊයේ පැවැති ජනතා විමුක්ති පෙරමුණේ 7 වැනි ජාතික මහ සමුළුවට සහභාගි වෙමින් පැමිණ සිටි දහස් ගණනකින් යුතු තම පාක්ෂිකයන් අමතමින්ය.

එහිදී වැඩිදුරටත් අදහස් දක්වමින් ඔහු මෙසේද කීය.

JVP නායකත්වය අනුරට - Anura Kumara Dissanayake is The new JVP leader

ජනතා විමුක්ති පෙරමුණේ නව නායකයා ලෙස අනුර කුමාර දිසානායක මහතා තේරී පත්කරගෙන තිබේ. ජනතා විමුක්ති පෙරමුණේ 07 වැනි ජාතික මහා සමුළුව පැවැති සුගතදාස ක්‍රීඩාංගනයට පැමිණ දහස් ගණනක සාමාජිකත්වය මේ තීරණය ගෙන තිබේ. හිටපු පක්ෂ නායක සෝමවංශ අමරසිංහ මහතාගේප්‍රධානත්වයෙන් මෙය පැවැති අතර රට පුරා පක්ෂය නියෝජනය කරමින් දහස්සංඛ්‍යාත පාක්ෂිකයෝ ඊට එක්ව සිටියහ.

Janatha Vimukthi Peramuna (JVP) MP Anura Kumara Dissanayake was appointed as the new leader of the party at its seventh convention today. He took the baton from Mr. Somawansa Amarasinghe who held the leadership nearly 20 years.

In fact, Mr. Amarasinghe proposed the name of Mr. Dissanayake for the leadership post at the convention. It was unanimously approved by the party members. Since its inception in 1965, the JVP has mainly been ruled by two leaders –Rohana Wijeweera and Somawansa Amarasinghe barring the brief leadership of Saman Piyasiri soon after the assassination of Mr. Wijeweera during the insurrection.

ඡන්දෙට එන නිළියෝ ගැන ප්‍රවීණයෝ කියන කතා

නළු නිළියෝ දේශපාලනයට එන්නේ වළ ඉහගෙන කන්න - ධර්මසිරි බණ්ඩාරනායක

ඉස්සර නළු නිළියෝ කිව්වම හිටියේ දක්‍ෂතාව ඇති ආත්ම ගරුත්වයක් ඇති, සිනමාවට වේවා වේදිකාවට වේවා කැපවුණු, අවබෝධයක් ඇති, ඒ විෂය පිළිබඳ අධ්‍යයනයක යෙදුණු පිරිසක්. අද ඉන්න වැඩි දෙනෙක් මේ රූපවාහිනිය ඇතුළේ ස්ටාර්ස්ලා වෙච්ච අය. ඒ ගොල්ලො හිතන්නේ 'මුළුරටම අපිව දන්නවා' කියලා. මේ නළු නිළියො මෙහෙම හිතන්න පටන් ගත්තේ මේ දේශපාලනය තුළ ඇති වුණ විනාශයේ ප්‍රමාණය නිසා.

ඒකට උගත්කම ඕන නෑ. මිනිහකුට ගැහුවොත් චණ්ඩිකමක් කළොත් ඒක තමයි දේශපාලනයට තියෙන සුදුසුකම. ආපහු හැරිල බැලුවොත් පනස් ගණන්වල ලංකාවේ සම සමාජ ව්‍යාපාරය, කොමියුනිස්ට් ව්‍යාපාරය ඒ වගේම ඒ හිටිය බුද්ධිමතුන් උගතුන් වගේ අය අතේ තියෙන තමන්ගේ වස්තුව නැති කරගෙනයි දේශපාලනය කළේ. අද අය හිතන්නේ දේශපාලනය කරලා සියලුම දේවල් ලබා ගන්න පුළුවන් කියලා. නැති බලයක් ලබා ගන්න පුළුවන්. නැති ජනප්‍රියතාවක් ලබා ගන්න පුළුවන්. ඒ වගේම වැඩිම මිනිස්සු සංඛ්‍යාවක් තමන්ගේ තුරුලට ගන්න පුළුවන්. මේ වගේ බංකොලොත් තැනකට දේශපාලනය ඇදගෙන වැටුණා.

ජාතික නිදහස් උලෙළ කෑගල්ලේ දී

ලබන අඟහරුවාදාට (4) යෙදෙන ශ්‍රී ලංකාවේ හැටහය වැනි ජාතික නිදහස් දින සැමරුම් උත්සවය ‘එකමුතුව ගොඩනඟමු ලොව දිනන දේශයක්’ යන තේමාව යටතේ මහින්ද රාජපක්ෂ ජනාධිපතිතුමාගේ ප්‍රධානත්වයෙන් කෑගල්ල නගරයේදී අභිමානවත් ලෙසින් පැවැත්වෙයි.මේ සඳහා අවශ්‍ය සියලු විධි විධාන යොදා අවසාන බව රාජ්‍ය පරිපාලන සහ ස්වදේශ කටයුතු පිළිබඳ ඇමැති ඩබ්ලිව්. ඩී. ජේ. සෙනෙවිරත්න මහතා සිළුමිණට පැවැසීය.

මහින්ද රාජපක්ෂ ජනාධිපතිතුමා මෙදින ජාතිය ඇමැතීමට නියමිතව ඇත්තේ පෙරවරු 9.15 ටය. එතුමාගේ ජාතිය ඇමැතීමෙන් අනතුරුව යුද හමුදාවේ 1400 ක්ද, නාවුක ගුවන් හමුදා සහ ශ්‍රී ලංකා පොලීසිය, සිවිල් ආරක්ෂක බළකාය යන අංශවල 1000 ක්ද ජාතික ශිෂ්‍යභට බළකායේ 325 ක් සහ යොවුන් සේනාංකයේ 300 යෞවන යෞවනියන් පිරිසක් ද ආචාර පෙළපාළියේ ගමන් කරනු ඇත.

නිදහස් සැමරුම් උත්සවයේ ඊළඟ වැදගත් අංශය වනුයේ සංස්කෘතික සංදර්ශනයයි. මේ සංදර්ශනයට පාසල් හා සංස්කෘතික මධ්‍යස්ථානවල සිසුහු සහභාගි වෙති. විවිධ අංශ 16 කින් සමන්විත මේ සංස්කෘතික සංදර්ශනය සමන්විත වෙයි.