බංග්ලාදේශ සිහින බොඳ කරමින් ශ්‍රී ලංකාව පළමු එක්දින සටන ජය ගනී


බංග්ලාදේශය හා ශ්‍රී ලංකාව අතර පැවැත්වුණු පළමු එක්දින ක්‍රිකට් තරඟයේ ජය හිමිකර ගැනීමට ශ්‍රී ලංකා ක්‍රිකට් කණ්ඩායම සමත් වී තිබේ.ප්‍රථමයෙන් පන්දුවට පහරදුන් ශ්‍රී ලංකා කණ්ඩායම සියලු පිතිකරුවන් දැවී ලකුණු 180ක් ලබා ගැනීමට සමත් විය.

ඒ අනුව ලකුණු 180 සීමාව හබා ගිය බංග්ලාදේශ ක්‍රිකට් කණ්ඩායම කඩුලු සියල්ලම දැවී ලකුණු 167 ක් ලබා ගන්නා ලදී.කාසියේ වාසිය දිනාගත් බංග්ලාදේශ කණ්ඩායම ප්‍රථමයෙන් පන්දු රැකීමට තීරණය කර තිබුණි.

බංග්ලාදේශයේ මීර්පූර් ජාතික ක්‍රීඩාංගණයේ මෙම තරඟය පැවැත් වුණි.මෙය පන්දුවාර 43 ක් ලෙස අඩුකර තිබු අතර වර්ෂාවෙන් අද තරඟය ආරම්භ කිරීමද ප්‍රමාද වී තිබුණි

Facebook අපරාධ ඉහළ යයි

ෆේස්බුක් හරහා සිදුවන අපරාධ ක්‍රියා දිනෙන් දිනම ඉහළ යමින් තිබෙන නිසා අන්තර්ජාලය හා සම්බන්ධතා පවත්වන සියලුම දරුවන් ගැන දැඩි අවධානයකින් සිටින ලෙස පොලීසිය දෙමාපියන්ගෙන් ඉල්ලා සිටී.

මීට අමතරව ෆේස්බුක් ගිණුම් පවත්වාගෙන යන සියලුම වැඩිහිටියන් එය බුද්ධිමත්ව තමන්ගේ අත්‍යවශ්‍යම කටයුතු සඳහා පමණක් භාවිත කරන ලෙසත්, එහිදී පුද්ගලික තොරතුරු, ඡායාරූප ඇතුළත් කිරීමේදී විශේෂ සැලකිල්ලක් දක්වන ලෙසද පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතීඥ අජිත් රෝහණ මහතා සඳහන් කළේය.

මීට අමතරව ෆේස්බුක් හරහා වැඩිහිටි පිරිස් අතර අනියම් සම්බන්ධතා ඇතිවීම, විවිධ වංචනික පුද්ගලයන්ට හසුවීම් වාර්තාවන බවත් පසුගිය කාලයේදී මේ පිළිබඳව පොලීසියට විශාල පැමිණිලි ප්‍රමාණයක් ලැබුණු බවද පොලිස් මාධ්‍ය ප්‍රකාශකවරයා සඳහන් කළේය.ෆේස්බුක් සමාජයට අනතුරක් වී ඇතැයි ජනාධිපති මහින්ද රාජපක්ෂ මහතාද ඉකුත්දා කියා සිටියා.

මාස ගාණක් පවුල් කා දැරිය ගෙදරට ගෙනත් දැමූ පෙම්වතා අතුරුදන්

වයස අවුරුදු 15 ක් වන බාලවයස්කාර දැරියක් මව්පිය බාරකාරත්වයෙන් පැහැර ගෙන ගොස් ඇය සමග මාස කීපයක් ජීවත් වී පසුව ඇය ඇයගේ නිවසට ගෙනවිත් දමා ගිය බව කියන අයෙකු අත්අඩංගුවට ගැනීම සඳහා පරීක්ෂණ ආරම්භ කර ඇති බව පුත්තලම පොලීසිය කියයි.

පහැර ගැනීමට ලක්ව ඇත්තේ පුත්තලම - මදුරගම පදිංචිව සිටි දැරියකි.පසුගිය වසරේ සැප්තැම්බර් මස ඇය ඇයගේ පෙම්වතා විසින් මව්පිය බාරකාරත්වයෙන් පැහැර ගෙන ගොස් ඇත.එදින සිට පසුගිය 14 වැනිදා දක්වා පෙම්වතාගේ ඥාතිවරයෙකුගේ නිවසේ දෙදෙනා ගත කර තිබේ.

පෙම්වතාගේ ඥාතියෙකුගේ නිවසේ සිටි කාලය තුළ ඔහු සමග අඹු - සැමියන් ලෙස ජීවත් වූ බව දැරිය තම මව්පියන්ට පවසා ඇත.පසුව දැරියගේ මව්පියන් විසින් මේ බව පුත්තලම පොලීසියට පැමිණිලි කරමින් පවසා තිබේ.සැකකරුව මෙතෙක් අත්අඩංගුවට ගෙන නැත.පුත්තලම පොලීසිය වැඩිදුර පරීක්ෂණ කරගෙන යයි.

කෑමට බීමට පමණයි.. නල ජලය වාහන සේදීම, මල්වලට දැමීම නවතන්න

දිවයිනට බලපා ඇති දැඩි වියළි කාලගුණය නිසා ජල මූලාශ‍්‍රවල ජල මට්ටම සීඝ‍්‍ර ලෙස පහළ යමින් තිබෙන බවත්, මේ නිසා නළ ජලය භාවිත කරන සියලූම දෙනා ජලය අත්‍යවශ්‍යම කටයුතු වලට පමණක් යොදා ගන්නා ලෙස ජල සම්පාදන හා ජලාපවහන අමාත්‍යංශය මහ ජනතාවගෙන් ඉල්ලා සිටී.

දැනට අඛණ්ඩව නළජලය සපයන්නේ ඉතාමත් දුෂ්කරතාවයන්ට මුහුණ දෙමින් බවත්, දිගින් දිගටම මෙම කාලගුණ තත්ත්වය පැවතියහොත් ඉදිරියේදී ජල සැපයුම සීමා කිරීමට පවා සිදුවන බවද එම අමාත්‍යංශයේ ලේකම් අමරානන්ද අබේගුණසේකර මහතා පවසයි.

ආහාර පිසීම, බීම ඇතුළු අත්‍යවශ්‍ය කටයුතු සදහා පමණක් නළජලය භාවිත කරන ලෙසත්, පවතින කාලගුණ තත්ත්වය වෙනස්වන තුරු වාහන සේදීම, මල්පැළ වලට වතුර දැමීම වැනි විවිධ හේතු මූලික කර ගනිමින් සිදුකරන භූමියට ජලය විසිරීම සීමා කරන ලෙසටද ඔහු ඉල්ලා සිටියේය.

දේශපාලනයට සම්බන්ධ වෙනවා නම් ඡන්දේ ඉල්ලන්නේ උතුරු පළාතෙනුයි - K Sujeewa

මයික්‍රෆෝනය ඉදිරියේ සිට දෙමළ බසින් ගුවන්විදුලි හා රූපවාහිනී රසිකයන් ඇමතූ කේ. සුජීවා එළිමහන් ප්‍රසංග වේදිකාවට දැන් නැතිවම බැරි ගායිකාවක් වෙලා. නිවේදන ජීවිතයෙන් සමුගත් ඇය යළි මයික්‍රෆෝනය අතට ගන්නේ ගායිකාවක් හැටියටයි. කෙසේ වුවත් ඇයගේ හඬට සිංහල ජනතාව තුළ සුවිශාල පිළිගැනීමක් තියෙනවා.

මේ දිනවල ඇයව නිර්මාණ තුළින් දකින්න නොලැබුණත් ඇය පිළිබඳව රාවයක් පැතිරෙනවා. ඒ ඇගේ පවුල දෙකඩ වෙලා කියන රාවයයි. ඒ පිළිබඳවත් ඇගේ සංගීත ජීවිතය පිළිබඳවත් කතා කරන්න මෙවර රිවිසරසිට ඇයව සම්බන්ධ කරගත්තා. මේ ඒ ගැනයි.

සුජීවාගේ කටහඬ මේ දිනවල අහන්න ලැබෙන්නේ නැහැ. ප්‍රසංග වේදිකාවෙන් ප්‍රතික්ෂේප වෙලාද ඉන්නේ?
රූපවාහිනී හා පුවත්පත් මාධ්‍යයෙන් මාව දකින්න ලැබෙන්නේ නැති නිසා මම නිහඬවෙලා කියලා හිතනවා ඇති. ඒත් මම නිහඬ නැහැ. හැම සති අන්තයකම රට වටේ තියෙන සංගීත ප්‍රසංගවල මම ගී ගයනවා. ඒ නිසා හරිම කාර්ය බහුලයි. ඒ වගේම මගේ හඬ මගේ රටාව අදටත් හෙටටත් ප්‍රසංග වේදිකාවෙන් ප්‍රතික්ෂේප වෙන්නේ නැහැ. ඕනෑ තරම් ආරාධනා ලැබෙනවා.

video: වනාතේ සුනිල් සුදුවෑන්එකකින් පැහැරගෙන

නාගරික සංවර්ධන අධිකාරිය විසින් වනාතමුල්ල ප්‍රදේශයේ පදිංචි කරු වන් සහ ඔවුන්ගේ නිවාස, ඉතා අත්තනෝමතික ලෙස කඩා ඉවත් කිරීමට එරෙහිව කටයුතු කරමින් සිටි, වනාතමුල්ල 34 වත්තේ පදිංචි සමරවීර සුනිල් නැමැතා අද (15 ) අවිගත් පිරිසක් විසින් සුදුපැහැති වෑන්රථයකින් පැහැරගෙන ගොස් ඇතැයි සඳහන් කරමින් එම ප්‍රදේශයේ ජනතාව විරෝධතාවයක නිරත විය.

පෙරේදා (13) ආරක්ෂක අංශ නිලධාරීන් 34 වත්තට පැමිණ අතුරුදහන්වූ සමරවීර සුනිල් සොයා ඇතැයිද පැවසේ.

ඔහු දරුවන් පස් දෙනෙකුගේ පියෙකු වන අතර විරෝධතාකරුවන් අද දහවල් දෙමටගොඩ දුම්රිය ක්‍රීඩාංගණය අසළට පැමිණ එම උද්ඝෝෂණය ආරම්භ කළේය.වනාතමුල්ල නිවාස හිමිකම් සුරැකීමේ සංවිධානයේ මාධය ප්‍රකාශක සහ නිවාස අහිමිවන්නන් වෙනුවෙන් නීති ආධාර ලබාදෙන එම නිවාස සිද්ධියට අදාළ නඩුවට ප්‍රදේශවාසීන් වෙනුවෙන් පෙනී සිටින නීතිඥ සුනිල් වටගල මහතාද එහි පැමිණියේය.

ගෝඨාභය මැතිවරණ නීති කඩයි - Gotabhaya Rajapaksa

රජයේ මාණ්ඩලික මට්ටමේ නිලධාරීන්ට ප‍්‍රසිද්ධ දේශපාලන කටයුතුවල නිරතවීමට නොහැකි වුවද එය නැවත වරක් උල්ලංඝනය කරමින් නාගරික සංවර්ධන හා ආරක්ෂක අමාත්‍යාංශයේ ලේකම් ගෝඨාභය රාජපක්ෂ මහතා එක්සත් ජනතා නිදහස් සන්ධානයේ කොළඹ දිස්ත‍්‍රික් කණ්ඩායම් නායක උදය ගම්මන්පිළ මහතාගේ මැතිවරණ ව්‍යාපාරය ආරම්භ කිරීමේ උත්සවයේ ප‍්‍රධාන ආරාධිතයා වශයෙන් සහභාගි වී තිබේ.

පෙබරවාරි 13 වැනිදා පෙරවරුවේ කොළඹ ශ‍්‍රී ලංකා පදනම් ආයතනයේදී මෙම උත්සවය පැවැත්වී ඇති අතර එහිදී උදය ගම්මන්පිළ මහතාගේ මැතිවරණ ප‍්‍රතිපත්ති ප‍්‍රකාශය එළිදැක්වීම හා මැතිවරණයේ ප‍්‍රචාරණ කටයුතු නිල වශයෙන් ආරම්භ කිරීම සිදුකර තිබේ. මෙම අවස්ථාව සඳහා ශ‍්‍රී ලංකා පදනම් ආයතනයේ සභාපති ආචාර්ය රංජිත් බණ්ඩාර, නීතිඥ මනෝහරද සිල්වා, නීතිඥ ජගත් ගුණවර්ධන ආදීන්ද සහභාගි වී ඇත.

රජයේ මාණ්ඩලික මට්ටමේ ඉහළම නිලධාරියා වන අමාත්‍යාංශ ලේකම් වරයකුට මැතිවරණ ප‍්‍රචාරණ කටයුත්තකට සහභාගිවීමට හැකිදැයි රාවය මැතිවරණ කොමසාරිස් මහින්ද දේශප‍්‍රිය මහතාගෙන් කළ විමසීමකදී ඔහු ප‍්‍රකාශ කළේ එසේ කළ නොහැකි බවයි.

ඇමැති පුතා කන්ටේනර් පන්නයි

"නීති විරෝධි ද්‍රව්‍ය තිබුණේදැයි බලවත් සැකයක්‌"
ජපානයේ සිට නීති විරෝධීව මෙරටට ගෙන්වූ පාවිච්චි කරන ලද අධිශීතකරණ සහිත කන්ටේනර් 2 ක්‌ ඇමැති පුතකුගේ බලපෑම මත රේගු දෙපාර්තමේන්තුවේ ඉහළ නිලධාරියකුගේ උපදෙස්‌ අනුව කිසිදු පරීක්‍ෂාවකින් තොරව නිදහස්‌ කර ඇතැයි විශ්වාස කටයුතු ආරංචි මාර්ග සඳහන් කරයි.

මෙම කන්ටේනර් දෙක තුළ තිබූ අධි ශීතකරණ තුළ සඟවා මත්ද්‍රව්‍ය ගෙන්වා ඇත්ද යන්න පිළිබඳව මේ වන විට බරපතල සැකයක්‌ මතුවී ඇති බවද එම ආරංචි මාර්ග ප්‍රකාශ කරයි.මෙම කන්ටේනර් දෙක තුළ ඇත්තේ අධිශීතකරණ කොටස්‌ බවට ලිපි සකසන ලෙස රේගු දිගු කාමරයේ නිලධාරියකුට උපදෙස්‌ දී ඇති ඉහළ නිලධාරියා එම ලියකියවිලි සකස්‌ කිරීමෙන් අනතුරුව කන්ටේනර් අංගනයේ සිටින නිලධාරියකුට කතා කර මෙම කන්ටේනර් පරීක්‍ෂාවකින් තොරව නිදහස්‌ කරන ලෙසට උපදෙස්‌ දී තිබේ.

ඒ අනුව කන්ටේනර් දෙක කඩිනමින් රේගුවෙන් පිට කිරීම සඳහා ඇමැති පුත්‍රයාගෙන් ඉහළ නිලධාරියාට දිගින් දිගටම බලපෑම් එල්ලවී ඇත.

Gossip Lanka Hot News Previous News Archive