රු.ලක්‍ෂයකට ටියුෂන් ගුරුවරයා මිලටගත් විද්‍යාව - 1 ප්‍රශ්න පත්‍රය !

 සැකකරුවෝ 4ක්‌ සී. අයි. ඩී. දැලේ

අධ්‍යයන පොදු සහතික පත්‍ර සාමාන්‍ය පෙළ විභාගයේ විද්‍යාව ප්‍රශ්න පත්‍රය කලින් පිට කිරීමේ සිද්ධියට සම්බන්ධ සියලු තොරතුරු අනාවරණය කරගත් අපරාධ පරීක්‍ෂණ දෙපාර්තමේන්තුව ටියුෂන් ගුරුවරයාට එම ප්‍රශ්න පත්‍රය රුපියල් ලක්‍ෂයක මුදලට විකිණූ පුද්ගලයා ඇතුළු ප්‍රධාන පෙළේ සැකකරුවන් සිව්දෙනා අත්අඩංගුවට ගෙන ඇත.ටියුෂන් ගුරුවරයා විද්‍යාව  ප්‍රශ්න පත්‍රය රුපියල් ලක්‍ෂයක මුදලකට ලබාගෙන ඇත්තේ තමන් සමඟ සමීප සබඳතා පැවැත්වූ කරණවෑමියකුගෙන් බව ද මේ වන විට අනාවරණය වී තිබේ.

කොට ගවුම් ඇදීම රජතුමා ඉදිරියේ දී පමණයි !

කාන්තාවන් ශරීරය නිරාවරණය වූ කොට ගවුම් ඇද මහමග ප‍්‍රසිද්ධියේ ගමන් කිරීම තහනම් කිරිමට ස්වාසිලන්ත රජය තීරණය කර ඇත. ස්වාසිලන්ත පොලිස් ප‍්‍රකාශිකා වෙන්ඩි හලේටා පවසන පරිදි ස්වාසිලන්ත කාන්තාවන් පමණට වඩා ශරිරයේ අංගෝපාංග නිරාවරණය වන ඇදුම් ඇදීමෙන් ලිංගික අතවරයන්ට ලක්වීමේ වැඩි ප‍්‍රවණතාවයක් තිබෙන හෙයින් 1988 වසරේදී අත්හිටුවා තිබූ මෙම නීතිය නැවත බලාත්මක කර ඇත.

රිදී රැයක් 10 - Ridee Rayak 10 Photo Album

SLT රිදී රැයක් 2012 අතිඋත්කර්ෂවත් අයුරින් පැවත්වෙයි.

සිනමා තාරකාවන් රැසක් දායකත්වය සැපයූ S L T රිදී රැයක් 2012 ප්‍රසංගය පසුගිය 22 වැනිදා කොලඹ නෙළුම් පොකුණ රඟහලේදී අති උත්කර්ෂවත් අයුරින් පැවැත්වින. 10 වැනි වරටත් පවත්වනු ලැබූ එම ප්‍රසංගයේ ප්‍රධාන අනුග්‍රාහකයා වූයේ ශ්‍රී ලංකා ටෙලිකොම් ආයතනය යි. නර්තන රචනය චන්න විජේවර්ධන අතින් සිදු විය. සිනෙස්ටාර් පදනම වාර්ෂිකව සංවිධානය කරන මෙම ප්‍රසංගයෙහි ප්‍රධාන අරමුණ සිනමා අංශයේ ප්‍රගමනය මෙන්ම සිනමා වෘත්තිකයින්ගේ සුබසාධනය සැලසීමයි. රිදී රැයක් 10 නමින් පටිගත කළ ප්‍රසංගය ජාතික රූපවාහිනියෙන් විකාශයවීමට නියමිතව ඇත්තේ ලබන 31 වනදා රාත්‍රියේය .

සියලූ ඡායාරූප පහත පළවෙනවා.
 (ඡයාරූප අනුග්‍රහය - සාගර ලක්මාල් ද මෙල්)

වසරේ කායවර්ධන ශූරයා නාවික හමුදාවේ සුභාෂ්. Navy’s Subash wins Mr Sri Lanka title

මෙම වසරේ ජාතික කායවර්ධන ශූරයා ලෙස ශී‍්‍ර ලංකා නාවික හමුදාවේ සුභාෂ් සිරිවර්ධන ඊයේ (23) සම්මාන දිනා ගත්තා. ශී‍්‍ර ලංකා කායවර්ධන සම්මේලනය සංවිධාන කළ 2012 ජාතික කායවර්ධන ශූරතාවලිය පැවැත්වුණේ කොළඹ බණ්ඩාරණායක සම්මන්ත‍්‍රණ ශාලාවේදීයි. එහිදී විවිධ බර පන්ති 07 ක් සඳහා තරග වැදුණු තරඟකරුවන් 65 දෙනෙකු පරාජයට පත්කරමිනුයි සුභාෂ් සිරිවර්ධන වසරේ ජාතික කායවර්ධන ශූරයා ලෙස තේරී පත්වුණේ.

ජාතිවාදය, ආගම්වාදය ඉස්මතුවීම රටට විශාල අනතුරක් - JVP Leader Somawansa Amarasinghe

ජාතිවාදී හෝ ආගම්වාදී ගැටුම්වලට ඉඩ නොදී සියලු ජනතාව අතර සමගිය වර්ධනය කිරීම සඳහා ජනතාව දැනුම්වත් කිරීමේ අරමුණින් අත්පත්‍රිකා බෙදාහැරීමේ වැඩසටහනක් අද ‍(24) පෙරවරුවේ කොළඹ කොටුව දුම්රිය ස්ථානයේදී පැවැත්විණ. ඒ ජනතා විමුක්ති පෙරමුණේ නායක සෝමවංශ අමරසිංහ මහතාගේ ප්‍රධානත්වයෙනි. ‍

එහිදී සෝමවංශ අමරසිංහ මහතා පැවසු අදහස් ජවිපේ මාධ්‍ය ඒකකය නිකුත් කළ නිවේදනයක මෙසේද දැ‍ක්වෙයි..

අමල් පෙරේරා ගුටිකා රෝහලේ

ජනප්‍රිය ගායන ශිල්පී අමල් පෙරේරා මහතා ප්‍රහාරයකට ලක්වීමෙන් කොළඹ ජාතික රෝහලට ඇතුලත් කර ඇතැයි වාර්තාවේ.

ඔහු මේ වන විට 79 වැනි වාට්ටුවේ ප‍්‍රතිකාර ලබමින් සිටියි.

ඔහු මෙම ප්‍රහාරයට ලක්ව ඇත්තේ පෙරේදා (22) අළුයම් කාලයේදී කොළඹ කාමර් නමැති රාත්‍රී සමාජ ශාලාවේදීය.

පෙරේදා රාත්‍රියේ වැලිසර නවලෝක ක්‍රීඩාංගණයේදී පැවති 'හිරු නාලිකාව' විසින් සංවිධානය කල හිරු මෙගා බ්ලාස්ට් ප්‍රංසගයට සහභාගීවූ අමල් පෙරේරා, නැසී ගිය ගායන ශිල්පී මිල්ටන් පෙරේරා ගේ පුත් චලක චමුපති හා හිරු රූපවාහිනී නාලිකාවේ විරාජ් වැලිවත්ත යන අයද සමගින් එම සමාජශාලාව වෙත ගොස් ඇති අතර එහිදී ඇතිකරගත් ආරවුල් තත්ත්වයක් හේතුවෙන් තරුණයින් පිරිසකගෙන් හා සමාජ ශාලාවේම ආරක්ෂකයින්ගෙන් මෙසේ පහරකෑමට ලක්ව ඇති බව වාර්තාවේ.

බත්තරමුල්ල වෝටර්ස්එජ් හි නව පාවෙන අවන්හලක් - Floating Restaurant in Battaramulla Water's Edge

බත්තරමුල්ල වෝටර්ස්එජ් හි නව පාවෙන අවන්හලක් (Floating Restaurant) පෙරේදා (22) සන්ධ්‍යාවේ රාජ්‍ය ආරක්ෂක සහ නාගරික සංවර්ධන අමාත්‍යාංශයේ ලේකම් ගෝඨාභය රාජපක්ෂ මහතා අතින් විවෘත විය.

මෙම අවස්ථාව සඳහා රාජ්‍ය ආරක්ෂක අමාත්‍යාංශයේ සේවාවනිත ඒකකයේ සභාපතිනි අයෝමා රාජපක්ෂ මහත්මිය, ආරක්ෂක මාණ්ඩලික ප්‍රධානි එයාර් මාෂල් රොෂාන් ගුණතිලක මහතා සහ ගුණතිලක මහත්මිය, හිටපු නාවික හමුදාපති අද්මිරාල් (විශ්‍රාමික) සෝමතිලක දිසානායක, නාවික හමුදාපති වයිස් අද්මිරාල් ජයනාත් කොළඹගේ මහතා, ඉඩම් ගොඩකිරීමේ සහ සංවර්ධනය කිරීමේ සංස්ථාවේ සභාපති හර්ෂණ ද සිල්වා මහතා සහ එම මහත්මිය ඇතුළු නාවික හමුදාවේ ජ්‍යෙෂ්ඨ නිලධාරින් හා වෝටර්ස්එජ් හෝටල් සමාගමේ ජ්‍යෙෂ්ඨ නිලධාරීන් සහභාග වී සිටියහ.

පස් වසරකට පසු පාකිස්ථාන ක්‍රිකට් පිල ඉන්දියාවට යයි.

පාකිස්ථාන ක්‍රිකට් කණ්ඩායම වසර 5කට පසුව තරගාවලියක් සදහා ඉන්දියාවට පැමිණියේය.

2007 මුම්බායි ත්‍රස්ත ප්‍රහාරයෙන් අනතුරුව ඉන්දියාව සහ පාකිස්ථානය අතර ක්‍රිකට් තරගාවලියක් නොපැවැත්විණි.
ඊයේ ඉන්දියාවට පැමිණි පාකිස්ථාන කණ්ඩායමට ශහිඩ් අෆ්රිඩි, උමාර් ගුල්, කම්රන් අක්මාල්, ශොහිබ් මලික් සහ සහීඩ් අජ්මාල්ද ඇතුලත්ය.

දෙරට අතර ක්‍රිකට් තරගාවලිය පන්දුවාර 20යි 20 තරග දෙකකින් සහ එක්දින ජාත්‍යන්ර තරග තුනකින් සමන්විත වේ.