'විපක්ෂයෙන් ඉදිරිපත් වීම නිසා අපට රංගන වාරණ'

විපක්ෂයෙන් දේශපාලනයට පිවිසීම නිසා තමන් රඟපාමින් සිටි රූපවාහිනී නාට්‍යවලින් අසාධාරණ ලෙස ඉවත් කළ බවට රංගන ශිල්පීන් වන රවින්ද්‍ර යසස් සහ ජගත් බෙනරගම චෝදනා කරති.

මෙම රංගන ශිල්පීන් දෙදෙනා මෙවර බස්නාහිර පළාත් සභාවට තරඟ කරන්නේ හිටපු හමුදාපති සරත් ෆොන්සේකාගේ ප්‍රජාතන්ත්‍රවාදී පක්ෂයෙන්.

ස්වර්ණවාහිනියෙන් විකාශනය වූ 'ඇන්ඩ් කොම්පැනි' දේශපාලන ප්‍රහසන මාලාව දේශපාලන බලපෑම් මත හදිසියේ ම නවතා දැමීමට එම නාලිකාව තීරණය කර තිබෙන බවයි එම නාට්‍ය මාලාවේ ප්‍රධාන චරිතයක් රඟපෑ ප්‍රවීණ රංගන ශිල්පි රවින්ද්‍ර යසස් පවසන්නේ.

තමන් මෙවර පළාත් සභා මැතිවරණයට ඉදිරිපත් වීම මෙම වැඩසටහන අත්හිටවීමට හේතු වී ඇතැයි රවින්ද්‍ර යසස් සංදේශයට කියා සිටියේය.

ෆේස්බුක් සිද්ධියේ විදුහල්පතිට එරෙහිව පරීක්ෂණ පටන් ගනී

ෆේස්බුක් සිදුවීමක් මුල්කොට ගෙන සියදිවි නසාගත් කුරුණෑගල සර් ජෝන් කොතලාවල විදුහලේ ඉගෙනුම ලැබූ වෙනූෂා ඉමන්දි බංඩාර සිසුවියගේ මරණය පිළිබඳ ආරම්භ වන පරීක්ෂණයට බදාදා (12) දහවල් වයඹ පළාත් අධ්‍යාපන අමාත්‍යාංශයේ පෙනී සිටින ලෙස එම විදුහලේ විදුහල්පති සමන් ඉන්ද්‍රරත්න මහතාට උපදෙස් දී තිබේ. 

විදුහල්පතිවරයා විසින් අසභ්‍ය වචනයෙන් බැණ වදිමින් තමන්ට සිදුකළා යැයි කියනු ලබන හිරිහැර හේතුවෙන් සියදිවි නසා ගන්නා බවට ලිපියක් ලියා තබා එම විදුහලේ වෙනූෂා ඉමන්දි බංඩාර(15) සිසුවිය ඉකුත් 05වැනිදා සියදිවි නසා ගත්තාය.මෙම සිද්ධිය පිළිබඳ විමසීමට විදුහල්පතිවරයා සම්බන්ධ කැර ගන්නට පසුගිය දින කිහිපය තිස්සේ දැරූ උත්සාහයන් ව්‍යර්ථ විය. 

වයඹ පළාත් මහ ඇමැති දයාසිරි ජයසේකර මහතාගේ උපදෙස් මත එහි අධ්‍යාපන අමාත්‍යාංශය විදුහල්පති සමන් ඉන්ද්‍රරත්න මහතාට උපදෙස් ලබා දී ඇත්තේ සිද්ධියට අදාල සියලුම ලේඛන රැගෙන අද (12)දහවල් පැමිණෙන ලෙසටයි.

කළගුණ දන්නෝ ගව ඝාතන විරෝධී මතයට පැමිණෙත්වා..

මහනුවර ශ‍්‍රී දලදා මාලිගාවේ සිට කොළඹ ජනාධිපති මන්දිරය දක්වා ගමන් කරමින් සිටින ගව ඝාතන විරෝධී පා ගමනට ලක් වාසී සැමගෙන් සහයෝගය ලබාදෙන ලෙස හෙළ යුගය ජාතික ව්‍යාපාරය ඉල්ලා සිටී.

එම ඉල්ලීම සහිතව එම සංවිධානය විසින් නිකුත් කර ඇති නිවේදනය මෙසේය.

කළගුණ දන්නෝ ගව ඝාතන විරෝධී මතයට පැමිණෙත්වා!

ගවයා වනාහී පුරාතනයේ සිටම හෙළයේ සශ‍්‍රීකත්වය උදෙසා ප‍්‍රයෝජනයට ගත් සත්වයෙකි. හෙළ දීපයේ කෙත් වතු අස්වැද්දීම උදෙසා ගවයාගෙන් සිදුවුණු මෙහෙවර මෙතෙකැයි කියා නිමකළ නොහැකිය. අතීතයේ පටන් අද දක්වාම මිනිසාට සමීපව, මිනිසා වෙනුවෙන්ම යෝධ මෙහෙවරක නිරතවන ගවයා, සම්පතක් වශයෙන් සැළකුවේ ඒ නිසාය. පස් ගෝ රසින් මිනිස් ප‍්‍රජාව ශක්තිමත් කළ ගවයාගේ කාය බලය යොදවාගනු ලැබූයේ කෙත්වතු සරුසාර කරගැනීමටය.

පාසල් සිසූහු කොඩිකාරට හූ කියා පන්නති - Schoolchildren boo at Upali Kodikara!

පිළියන්දල කලාපයේ පාසලක්වන මොරටුව රත්මලාන කොතලාවලපුර විද්‍යාලයේ ළමයින් පාසල් වෙලාවෙන් පසුවත් පාසල තුල රඳවාගෙන සිටි උපාලි කොඩිකාර මහතා හට සිසුවන්ගෙන් හූ සංග‍්‍රහයක් ලැබී ඇති බව වාර්තාවේ.ඊයේ  (11) දහවල් සිසුන්ට පොත් හා කවකටු පෙට්ටි බෙදා දීමට පැමිණි උපාලි කොඩිකාර මහතා මෙවර තමන් ඡන්දයට ඉදිරිපත් වන බවද පවසා ඇති අතර සිසුන් පස්වරු 2.30 වනතුරුත් පාසල තුළ රඳවාගෙන සිට ඇත.

සිසුන්ගේ ප‍්‍රමාදය හේතුවෙන් දෙමව්පියන් පවා පාසලට පැමිණ තිබෙන අතර එහිදී යම් උනුසුම්කාරී තත්වයක් හටගෙන තිබේ. ඒ අවස්ථාවේ උපාලි කොඩිකාර මහතා රැස්වීම අවසන් කර ආපසු යාමට සූදානම්වූ විට සිසුන් මෙලෙස හූ තබා තිබේ.මෙවර බස්නාහිර පළාත් සභා මැතිවරණයේ කොළඹ දිස්ත‍්‍රික් අපේක්‍ෂකයකු වන උපාලි කොඩිකාර මහතා තම මැතිවරණ ව්‍යාපාරය වෙනුවෙන් පාසල් සිසුන් යොදා ගැනීම බරපතල මැතිවරණ නීති කඩ කිරීමක් බව එම පාසලේ ගුරුවරු මෙන්ම දෙමව්පියෝ පවසති.

Students of Kotelawalapura Vidyalaya in Ratmalana booed at UPFA candidate at western provincial council election Upali Kodikara today (11).The incident occurred due to the election candidate’s having kept the children waiting after school hours in order to distribute exercise books and compass boxes among them.He had got delayed to come, and parents too, had gone to the school to find out as to why their children were being kept late.As the politician was leaving, the children had booed at him.

වෑන්රිය ටිපර් රථයේ ගැටී මාන්කුලමේ දී 6ක් මියයති - 6 killed in road tragedy at Mankulam

"මිය ගිය අය අතර එකම පවුලේ පියා-සීයා-දරු දෙදෙනා"

"වෑන් රියේ රියැදුරාට නින්ද ගිහින්-ඔහුට අනතුරක් නෑ"

මාන්කුලම් ප්‍රදේශයේ දී ඊයේ (11) අලුයම සිදුවූ රිය අනතුරකින් හයදෙනෙක් මියගොස් තවත් හය දෙනෙක් බරපතළ තුවාල ලබා තිබේ.ඊයේ අලුයම 1.30ට පමණ සිදුවූ මෙම අනතුරට ලක්ව ඇත්තේ වැල්ලවත්ත ප්‍රදේශයේ පිරිසක් රැගත් වෑන් රථයක් ටිපර් රථයක ගැටීමෙන් බව පොලීසිය කියයි.

මාන්කුලම් හන්දියේ මහා මාර්ගයේ අයිනක ටිපර් රථය නවතා තිබී ඇත. අධික වේගයෙන් ගමන් ගත් මෙම වෑන් රථයේ රියැදුරාට නින්ද ගොස් පාරේ නවතා තිබූ ටිපර් රථයේ පිටුපස ගැටීමෙන් අනතුර සිදුවී තිබේ.මියගිය පිරිස අතර එකම පවුලේ පියා, සීයා සහ දරු දෙදෙනා ද වෙති. රියැදුරුට කිසිදු අනතුරක් සිදුවී නැති අතර ඔහු පොලිස් අත්අඩංගුවට ගෙන තිබේ.

තීෂ්වරන් පදුමන් (05) රුචිකරන් පේසලන්, සෝදලිංගම් සදීවන් (35), සින්නතුරේ පරමේෂ්වරන් (75) සහ සින්නතුරේ සිවනේෂන් (35) මියගිය අය වෙති. තුවාල ලැබූ පිරිස මාන්කුලම් රෝ‍හලේ ප්‍රතිකාර ලබන අතර ඉන් තිදෙනකුගේ තත්ත්වය බරපතළ බව පොලිසිය කියයි. මාන්කුලම් පොලිසිය සිද්ධිය සම්බන්ධයෙන් පරීක්ෂණ පවත්වයි.

වලිගයක් සහිත විශේෂ පුද්ගලයෙක්

චන්දරේ ඔරාඔන් ඉන්දියාවේ, බටහිර බෙංගාලයේ කුඩා ගම්මානයක් වන අලිපුර්දුආර්හි පදිංචි තේ දළු නෙළන්නෙක්. ඔහු උත්පත්තියෙන් ලැබුණු දින දින වර්ධනය වන වලිගයක් සහිත විශේෂ පුද්ගලයෙක්.අඟල් 14.5 පමණ දිගැති ඉනට පහළ පසුපස පෙදෙසින් වැවී ඇති කෙස් වැටිය නිසා චන්දරේ හනුමන්තා දෙවියන්ගේ පුනරුත්පත්තියක් බවට එම ගම්මානයේ ජනතාව විශ්වාස කරනවා.

මේ නිසාම ඔහුට විශේෂ සැළකිලි දැක්වීමටත්, ඇදහීමටත් ගම්වාසීන් උත්සුක වෙනවා. වලිගයක් ඇති චන්දරේට හනුමාන් දෙවියන් සේ සැඟවුණු බලයක් සහිත පුද්ගලයකු බවයි ගම්වාසීන්ගේ පවසන්නේ. කෙසේවෙතත් උත්පත්තියෙන්ම සිදුවූ යම් කිසි හෝර්මෝන වෙනසක්, ජාන විචල්‍යතාවක් මීට හේතුවී ඇති බවයි වෛද්‍ය මතය වී ඇත්තේ.

මේ පිළිබඳ චන්දරේ නම් පවසන්නේ මෙවන් දෙයක්.මට තියෙන වලිගය නිසා මිනිසුන්ගේ විශේෂ සැළකිල්ලක් මට ලැබෙනවා. නමුත් මම නම් මේක වලිගයක් කියලා හිතන්නේ නෑ. මේක මට දෙවියන්ගෙන් ලැබුණුතෑග්ගක්. ආශ්චර්යයක්.’

තොග වශයෙන් කුඩු ඕනෑ නම් අගමැති කාර්යාලය අමතන්න

තොග වශයෙන් කුඩු අවශ්‍ය නම් අගමැති කාර්යාලය අමතන ලෙස ජ.වි.පෙ බස්නාහිර පළාත් කණ්ඩායම් නායක ලාල් කාන්ත මහතා පවසයි. රත්මලාන ගොවිපලවත්ත හන්දියේදී පැවති ජනහමුවකට එක්වෙමින් ඒ මහතා මෙසේද කීය.

‘රටේ පිරිහීමට මේ ආණ්ඩුව වගකිව යුතුයි. අද රටේ කුඩු මුදලාලිලාට කුඩු තොග වශයෙන් ගන්න ඕන නම් දුරකතන ඇමතුමක් දෙන්න ඕනේ අගමැති කාර්යාලයට.

පාර්ලිමේන්තුව ගත්තාම ඇමතිවරුන් 105ක් ඉන්නවා. ඔය පාර්ලිමේන්තුවෙන් වැඩි හරියක් ඉන්නේ හොර කල්ලියක්.මේ හොරු දැන් මේ දේශපාලනය රාමුවෙන් පන්නා දමන්න කාලය එළඹිලා තියෙනවා.සන්ධානයේ පක්ෂ නායකයා උදය ගම්මන්පිල මහත්තයා. එයා තමයි ඒ පක්ෂයේ ඉන්න ලොකුම බොරුකාරයා.උපාධිධාරීන්ගේ ප‍්‍රශ්න වෙනුවෙන් හැමදාමත් සටන් කළේ ජනතා විමුක්ති පෙරමුණ. ඒ නිසා තමයි උපාධිධාරීන්ට මේ ආණ්ඩුවෙන් රැකියා ලබා දුන්නේ’

ජනාධිපති මන්ද බුද්ධිකයෙක්.. පොලොව ඉම්ඹේ බහිරවයෙක් නිසා

මන්ද බුද්ධික ජනාධිපතිට ආශ්චර්ය යන්න නොතේරෙන බවත්, ජනතාව සොයමින් සිටි විකල්ප බලවේගය තම පක්ෂය බවත් ප‍්‍රජාතන්ත‍්‍රවාදී පක්ෂයේ නායක සරත් ෆොන්සේකා මහතා පවසයි.මාතර වැලිගම කනන්කේ ප‍්‍රදේශයේ පැවති ජනහමුවකදී ඒ මහතා මෙසේද කීය.

‘මන්ද බුද්ධික පාලකයා ආශ්චර්ය ගැන කතා කළාට මේ රටේ එහෙම ආශ්චර්යක් නෑ. අපේ රටේ පාලකයා දන්නේ නෑ ආශ්චර්ය කියන්නේ මොකක්ද කියලා. අපි ආසියාවේ ආශ්චර්ය වෙන්නේ කොහොමද? වාර්ෂික ඒක පුද්ගල ආදායම ඩොලර් දෙදාහයි. මෝඩ පාලකයන්ට මේක තේරෙන්නේ නෑ. අපිට නම් හිතෙන්නේ මේ රටේ පාලකයා තව අවුරුදු 5ක් හිටියොත් ආසියාවේ අපාය වෙනවා. දැනුත් අපි අපායේ දොරකඩටම ගිහින් ඉන්නේ. යමරජුරුවෙක් ඉන්නවා යම පල්ලන් ඉන්නවා ජනතාව බය කරගෙන.

පහුගිය කාලයේ කටුනායක ගුවන් තොටුපළේදී ගුවන් යානයකින් බැස්ස ගමන් කාපට් එකක් දැක්කා. බිම පෙරළි පෙරළි කාපට් එක ඉම්බා. ඒක දේශපේ‍්‍රමය නෙමෙයි. අපි දන්න විදිහට මහපොළව ඉඹින්නේ බහිරවයෝ. පොළවට කෑදර අය ජනතාවත් හූරන් කන එවුන්.