Facebook එන පොට හොඳ නෑ - ජනපති ‍ෆේස්බුක් ගැන කතා කරයි

ෆේස්බුක් එන පොට හොඳ නැති බව තමන් හැමදාමත්, මීට වසර තුන හතරකට උඩදීත් කතා කළේ යැයිද, දෙමවුපියන් මේ ගැන වැඩි සැලකිල්ලක් දක්වනවා මෙන්ම, දරුවන් මේ පිළිබඳ අවබෝධයක් ලබාගත යුතු බවද, ජනාධිපති මහින්ද රාජපක්ෂ මහතා පවසා සිටියේය.

ජනාධිපතිවරයා මෙසේ අදහස් දක්වා සිටියේ ඊයේ (22දා) දැයට කිරුළ ජාතික සංවර්ධන ප්‍රදර්ශනයට සමගාමීව හෙට්ටිපොල මහ විදුහලේ මහින්දෝදය තාක්ෂණ විද්‍යාගාරය සිසු අයිතියට පත් කිරීමේ අවස්ථාවට එක්වෙමිනි.

“මේ දෙමවුපියෝ, අපි ඔක්කොම මොන දේවල් කළත් අවසානයේ මේ රටේ අනාගතය භාරගෙන සිටින දරුවාව අපි වැරදි මාර්ගයක යැව්වොත්, අයාලේ යන්න ඉඩ හැරියොත්, මේ රටට සෙතක් වෙන්නෙ නැහැ කියා මා හිතනවා. මම හැමදාම කියන එකක්, මම අවුරුදු දැන් තුන හතරකට උඩදි කිව්වෙත්, මේ ෆේස්බුක් කතාව. මේක එන පොට හොඳ නැහැ. දෙමව්පියෝ මේ ගැන වැඩියෙන් සැලකිලිමත් වෙන්න ඕනෙ. දරුවන් මේ පිළිබඳ අවබෝධයක් ලබාගන්න ඕනෙ. ඒ නිසා මේවා පිළිබඳව, මෙහි තියෙන හොඳ නරක දෙකම අපි හඳුනාගත යුතුයි. ඒක හඳුනගෙන තමයි, හොඳ දේ විතරක් අරගෙන, නරක දේ පැත්තකට කරන්න අපි පුරුදු වෙන්න ඕනෙ.” යනුවෙන් ජනාධිපතිවරයා පවසා සිටියේය.

පෙනුම සරාගී නැත්නම් වැඩක් නෑ - Ruwangi Rathnayake

දවසින් දවස රංගන ක්‍ෂේත්‍රයට අලුත් මුහුණු එකතු වෙනවා. එහෙම බලනකොට නළුවන්, නිළියන් වීම හිතන තරම් අපහසු නෑ... ඒත් ආකර්ෂණීය නළුවෙක්, නිළියක් වීම නම් ලේසි පහසු කටයුත්තක් නෙවෙයි...

 ඒ නිසාම අපි හිතුවා ආකර්ෂණය දිනාගත් නිළියන්ගෙන් ආකර්ෂණය දිනා ගැනීමේ රහස් එයාලගෙන්ම අහන්න. හා හා පුරා කියලා මුලින්ම අපි තෝරාගත්තේ රුවංගි රත්නායක.

Makeup නැතුවත් මම ආකර්ෂණීයයි

චරිතයක් වෙනුවෙන් අපි මේකප් කරනවා. ඒත් සාමාන්‍ය ජීවිතේදී ෂොපින් යන්න, මාකට් යන්න, යාළුවෙක්ගෙ ගෙදර යන්න මේකප් කරන්න අවශ්‍ය නෑනේ... මට නම් හිතෙන්නේ මම මේකප් කරලා ඉන්නවට වඩා මේකප් නැතුව ඉන්නකොට ලස්සනයි. ආකර්ෂණීයයි. මම විතරක් නෙවෙයි මඟතොටේදි හමුවෙන මගේ රසිකයොත් ඒ බව කියනවා. ඒ නිසා විශේෂ අවස්ථාවකට ඇරෙන්න අනෙක් වෙලාවට ලිප්ස්ටික් ටිකක් ගානවා ඇරෙන්න මම මේකප් කරන්නෙ නෑ...

නදිනිට පුතෙක්, අභිෂේකාට දුවෙක් - Nadini Premadasa & Abhisheka Wimalaweera

ඔන්න නදිනි පුංචි පුතෙක්ගෙ මවක් උනා කියලා තමයි ආරංචි වෙන්නෙ. පසුගිය පෙබරවාරි හත්වැනිදා තමයි නදිනි කුලුඳුලේ අම්මා කෙනෙක් වුණේ. පුංචි පුතාගෙ මූණ දැක්කම නදිනිටත් මධුරටත් කියාගන්න බැරි සතුටක් දැනුණලු.

"පළමුවැනි දරුවා නිසා දුවෙක් වුණත් පුතෙක් වුණත් ප්‍රශ්නයක් තිබුණෙම නෑ... කවුරු වුණත් ඒ අපිට ලැබුණු පළමුවැනි දරුවානේ... චූටි පුතාගෙ මූණ දැක්කම අපිට දැනුණු සතුට කියාගන්න බැරි වුණා..."

මේ දවස්වල නදිනිත්, මධුරත් පුතු පැටියට ලස්සන නමක් හොයනවලු. ඒ විතරක් නෙවෙයි අප්‍රේල් පළමුවැනිදා ඉඳන් ආපහු පුරුදු පරිදි වැඩ පටන් ගන්නත් නදිනි සූදානම් වෙනවා.

"මට උදවු කරන්න හුඟාක් අය ඉන්නවා. අම්මලාත් ළඟමනේ ඉන්නේ. ඉස්සර තරම් හුඟක් කාර්යබහුල වෙන්නෙ නෑ. ඒත් හෙමීට වැඩ පටන් ගන්නවා."

ෆේස්‌ බුක්‌ තහනම් කරනවා ඇමති කියයි Will block Facebook - Minister

ෆේස්‌ බුක්‌ සහ අන්තර් ජාලය වැරදි ආකාරයෙන් භාවිත කිරීම හේතුවෙන් සිදුවන හානිකර තත්ත්වයන්ගෙන් ශ්‍රී ලාංකික දරු පරපුර රැකගැනීම උදෙසා එය වහාම අවහිර කිරීමට පියවර ගන්නා බව ළමා සංවර්ධන හා කාන්තා කටයුතු ඇමැති තිස්‌ස කරල්ලියද්ද මහතා 'දිවයින ඉරිදා' පුවත්පතට පවසා ඇත.

අසභ්‍ය වෙබ් අඩවි තහනම් කිරීම සඳහා මීට පෙර විදුලි සංදේශ නියාමන කොමිෂන් සභාවෙන් ඉල්ලීමක්‌ කර ඇති බවත්, ඒවා තහනම් කරන බවට එම කොමිෂන් සභාව දැනුම් දී ඇති බවත් ඇමැතිවරයා පවසයි.පසුගිය දිනවල ෆේස්‌ බුක්‌ භවිතයෙන් දරුවන් දිවි නසාගැනීමේ සිද්ධිය හා ඊට පෙර සිදු වූ එවැනි තවත් සිදුවීම් විමර්ශනය කරමින් ෆේස්‌ බුක්‌ භාවිතය අවහිර කිරීම පිළිබඳව දැනටමත් සාකච්ඡා ආරම්භ කර ඇතැයි ද ඇමැතිවරයා සඳහන් කරයි.

රජය දැනුම් දුන්නොත් අවහිර කරනවා -අනුෂ

රජය විසින් ප්‍රතිපත්තිමය තීරණයක්‌ ගෙන තමන්ට දැනුම් දුන්නොත් ෆේස්‌ බුක්‌ භාවිතය වැළැක්‌වීම සඳහා වන ක්‍රියාමාර්ගයක්‌ පිළිබඳ සලකා බැලිය හැකි බව විදුලි සංදේශ නියාමන කොමිසමේ අධ්‍යක්‍ෂ ජනරාල් අනුෂ පැල්පිට මහතා ප්‍රකාශ කළේය.

බංග්ලාදේශයට එරෙහි එක්දින තරඟාවලියේ ජය ශ්‍රී ලංකාවටයි - Sri Lanka wins 3rd ODI by 6 wickets.

ජ්‍යෙෂ්ඨ පිතිකරුවන් නොමැති ශී‍්‍ර ලංකා පිල වෙනුවෙන් බර කරට ගත් කුසල් පෙරේරා (106) සහ දිනේෂ් චන්දිමාල් (64) තුන්වැනි කඩුල්ල වෙනුවෙන් ගොඩනැංවූ ලකුණු 138 ක සම්බන්ධතාව නිසා මීර්පූර්හි, ශ්රේ බංග්ලා ජාතික ක‍්‍රීඩාංගණයේදී අද (22 වැනිදා) පැවැති තුන්වැනි එක්දින තරගයේදී ශී‍්‍ර ලංකා කණ්ඩායම කඩුලූ හයක පහසු ජයක් අත්කරගත්තේය. මෙම ජයත් සමගින් ශී‍්‍ර ලංකා කණ්ඩායම තරග 3-0 ක් ලෙසින් එක්දින තරගාවලියද ජයගත් අතර බංග්ලාදේශ සංචාරයේ ටෙස්ට් (1-0) සහ විස්සයි20 තරගාවලියද (2-0) ජයගත්තේය.

ලකුණු 241 ක ඉලක්කයක් කරා ගිය ශී‍්‍ර ලංකා පිල ඕවර 2.3 ක් ඉතිරිව තිබියදී තරගයෙන් ජයගත් ඇන්ජලෝ මැතිව්ස් ගැසූ දැවැන්ත හයේ පහරකිනි.සුපුරුදු ප‍්‍රහාරාත්මක පිතිහරඹය අමතක කළ කුසල් පෙරේරා සහ දිනේෂ් චන්දිමාල් එක්ව ඉතාමත් වගකීම් සහගත පිතිහරඹයක නිරත වෙමින් ශී‍්‍ර ලංකා පිල ඉදිරියට තල්ලූකරගෙන ගියහ.

ලකුණු 241 ක් කරා යාමේදී ප‍්‍රහාරාත්මක ඕවර 10 අවසන් වී යවන ලද පළමු පන්දුවේදීම ළහිරු තිරිමාන්න දවාගත් බංග්ලාදේශ පන්දු යවන්නන් පීඩනය වැඩි කරමින් නැවතත් තරගයට අවතීර්ණ වූ නමුත් ප‍්‍රවේසමෙන් පිත්ත හැසිරවූ මෙම පිතිකරුවන් දෙදෙනාම අවස්ථාව ලද සැණෙකින් අත දිගහැර පහර දීමටත් පසුබට නොවූ හෙයින් බංග්ලාදේශ පන්දු යවන්නන්ට පීඩනය පවත්වාගෙන යාම අසීරු විය.

යතුරුපැදියෙ සාරිය පැටලී වැටී ටිපර් එකට බිලි - Video: A teacher dies after run over by a tipper

පාසලට යන බස් රථයට යැම සඳහා සිය සැමියා සමග යතුරු පැදියෙන් යමින් සිටි පාසල් ගුරුවරියකගේ සාරිපොට යතුරුපැදියේ පිටුපස රෝදයේ පැටලීමෙන් ඇය මහ මගට ඇදවැටී පිටුපස පැමිණෙමින් තිබූ ටිපර් රථයකට යටවී බරපතළ තුවාල ලබා මියගොස් ඇතැයි ගොකරැුල්ල පොලිසිය පවසයි.

ඉබ්බාගමුව යකල්ල මංසන්ධියේදී ඊයේ (21 දා* උදෑසන 6.10 ට මෙම අනතුර සිදුවී ඇත. අනතුරින් මියගොස් ඇත්තේ ඉබ්බාගමුව දැදුරුඔය පදිංචි මාතලේ සහිරා විද්‍යාලයේ ඉංග‍්‍රීසි ගුරුවරියක ලෙස සේවය කරන පුන්‍යා චතුරානි හිඳගොල්ල (28* නමැති එක්දරු මවකි. මියගිය පාසල් ගුරුවරියගේ හදිසි මරණ පරීක්ෂණය ඉබ්බාගමුව හදිසි මරණ පරීක්ෂක ඞී. එම්. එස්.කේ. දහනක මහතාගේ මූලිකත්වයෙන් ගොකරැුල්ල දිසා රෝහලේදී පැවැත්විණි.

අනතුර සිදු කළ ටිපර් රථ රියෑදුරු රථය නොනවත්තාම ධාවනය කොට ප‍්‍රදේශයෙන් පලාගොස් ඇති අතර ඔහු අත්අඩංගුවට ගැනීමට පුළුල් මෙහෙයුමක් ගොකරැුල්ල පොලිසියෙන් අරඹා ඇත.

ශී‍්‍ර ලංකා මුදල් නෝට්ටු මුද්‍රණාලයෙන් මුදල් සොරා ගනී (Video) - Counterfeit currency racket in Biyagama

ශී‍්‍ර ලංකාවේ වලංගු මුදල් සහ විදේශවල වලංගු මුදල්ද මුද්‍රණය කරන බියගම පිහිටි මුද්‍රණාලයකින් රුපියල් පන්සියයේ මුදල් නෝට්ටු තොගයක් සොරකම් කළ පුද්ගලයෙකු කොළඹ අපරාධ කොට්ඨාසය ඊයේ (21) අත්අඩංගුවට ගත්තා. ආරක්ෂිත කැමරා 125 ක් තිබියදී මුද්‍රණාලයේ සේවකයෙකු තනිවම මෙම සොරකම සිදුකර ඇති අතර, මෙය නියම මුදල් නෝට්ටු මුද්‍රණයේදී ශී‍්‍ර ලංකාවේදී සිදුකළ පළමු සොරකම ලෙසයි සැලකෙන්නේ.

මෙම මුද්‍රණාලයේ පොදු රාජ්‍ය මණ්ඩලීය රාජ්‍ය නායක සමුළුව අනුස්මරණය සඳහා රුපියල් පන්සියේ නෝට්ටු මිලියන 05 ක් සහ සාමාන්‍ය පන්සීයේ නෝට්ටු මිලියන 45 ක් මුද්‍රණය කරන අවස්ථාවේදී අදාළ සොරකම සිදුව තිබෙනවා. එංගලන්තයෙන් ගෙන්වන විශේෂ කඩදාසී පත‍්‍රවල මෙවැනි මුදල් නෝට්ටු 45 ක් එකවර මුද්‍රණය කෙරෙනවා. මාස ගණනාවක සිට මෙම සොරකම සිදුව ඇත්තේ මුද්‍රණ කි‍්‍රයාවලියේ අවසාන අදියරේදීයි. එහිදී මුද්‍රණය නොවී ඇත්තේ මුදල් නෝට්ටුවේ අංකය පමණයි.

මෙවැනි පොදු රාජ්‍ය මණ්ඩල අනුස්මරණ පන්සීයේ නෝට්ටු මුද්‍රණ කඩදාසි 24 ක් සහ සාමාන්‍ය පන්සීයේ නෝට්ටු මුද්‍රණ කඩදාසි 39 ක් අවස්ථා දෙකකදී අතුරුදන් වී ඇති බව අදාළ මුද්‍රණ සමාගම අනාවරණ කර ගත්තා. එහෙත් දැන් හෙළි වී ඇත්තේ මාස ගණනාවක සිට හසු නොවී මෙම සොරකම විටින් විට සිදුකර ඇති බවයි. සැකකරු සිදුකර ඇත්තේ එම පත‍්‍ර ගෙන ගොස් විශේෂිත මුද්‍රා දෙකක් සකසා අදාළ මුදල් නෝට්ටුවල අංකය මුද්‍රණය කර බෙදාහැරීමයි.

ගම්මන්පිලට රුපියල් 100 ඒවා ගොඩක් ලැබෙයි - Udaya Prabhath Gammanpila

මැතිවරණ ව්‍යාපාරයේ වියදම් පියවා ගැනීම සඳහා රුපියල් 100 බැගින් ලබා දෙන්නැයි මහජනතාවගෙන් කළ ඉල්ලීමට අනුව ගිය සතියේ අඟහරුවාදා වෙන විට රුපියල් ලක්ෂ 19 ක මුදලක් තමන්ට ලැබී තිබුණු බව බස්නාහිර පළාත් හිටපු ඇමැති නීතිඥ උදය ගම්මන්පිල මහතා කීය.

මැතිවරණ කටයුතුවලට ව්‍යාපාරිකයන්ගේ මුදල් ලබා නොගනිමින් පෝස්ටර්, මත්ද්‍රව්‍ය සහ රතිඤ්ඤාවලින් තොර මැතිවරණ ව්‍යාපාරයක් සඳහාත් යහපාලනය පිළිබඳ නැවුම් සංකල්පයක් ඉදිරිපත් කිරීම සඳහාත් රුපියල් සියය බැගින් තම මැතිවරණ ව්‍යාපාරය වෙනුවෙන් ලබා දෙන ලෙස කළ ඉල්ලීමට ජනතාවගෙන් ලැබුණු ප්‍රතිචාරයට ගෞරව කරන බවද හිටපු ඇමැතිවරයා කීවේය.

ඒ අනුව කොළඹ දිසාවේ ජනතාවගෙන් 190,000 කට ආසන්න පිරිසක් තමන්ට රුපියල් සියය බැගින් ලබා දී තිබෙන බවත් ගම්මන්පිල මහතා කීය. තම මැතිවරණ ව්‍යාපාරයේ අත් පත්‍රිකා සහ රූපවාහිනී සහ ගුවන්විදුලි දැන්වීම් සඳහා තවදුරටත් ජනතාවගෙන් රුපියල් සියයක සහයෝගය අපේක්ෂා කරන බවත් මැතිවරණ අවසානයේ සියලු වියදම් පිළිබඳ අය වැයක් ඉදිරිපත් කරන බවත් හිටපු ඇමැතිවරයා කීය. කොළඹ දිස්ත්‍රික්කයෙන් එ.ජ.නි.ස යටතේ ජාතික හෙළ උරුමයේ අපේක්ෂකයකු ලෙස හෙතෙම මෙවර බස්නාහිර පළාත් සභාවට තරග වදී.