ආසියාවේ වයස්‌ගතම අම්මා අවුරුදු 117 ක්‌ ආයුවිඳ මියයයි

ආසියාවේ වියපත්ව මාතාව ලෙස නම්කර සිටි මාවනැල්ල හෙම්මාතගම, බලත්ගමුව පදිංචිව සිටි උක්‌කු අම්මා මාතාව අවුරුදු 117 ක්‌ ආයු වළ¹ ඊයේ (07 වැනිදා) මියගියාය.

1897 ඔක්‌තෝබර් 22 දින ඇය උපත ලැබුවාය. ඈ දුවා දරුවන් 07 ක්‌ බිහිකර ඇත. ඇගේ දරු මුණුබුරන් සංඛ්‍යාව 98 කි.

මුළු ප්‍රදේශයේම ගෞරවාදරය දිනාගත් උක්‌කු අම්මා මාතාවගේ ස්‌වාමිපුරුෂයා වූ බණ්‌ඩියා උපාසක මහතා ද අවු. 111 ක්‌ ජීවත්ව මීට වසර කිහිපයකට පෙර මියගොස්‌ ඇත.ඇගේ දේහය පිළිබඳ අවසන් කටයුතු හෙට (08 දා) බලත්ගමුවේදී සිදු කෙරේ. 

පැටියා බේර ගන්න වළට පැන්න ඇතින්න පැටියත් සමඟම මිය යයි

මවු සෙනෙහසින් දෑසින් කඳුළු රූරා වැටෙද්දී ඇගේ දෙතනින් කිරි කඳුළු වෑස්සිණි. අවසානයේ දරු දුකින් අෑ නැඟූ විලාපය ඇහැටුවැව ඇතිනිමලේ මී ඔය ඉස්මත්තෙන් ගිගුම් දෙන්නට විය.ඇගේ විලාපයෙන් පළාත දෙවනත් විය.නිරන්තර අලි ගම් වැදීම ඇහැටුවැව, ඇතිනිමලේ ප්‍රදේශවාසීන්ට සාමාන්‍ය සිදුවීමක් වුවත් ඒ විලාපයේ අනතුරක සේයාවක් ඇති බව වටහාගත් ගම්වාසීහු මී ඔය ඉස්මතට දිව ගියේ කුමක්දැයි දැනගැනීමේ අපේක්‍ෂාවෙනි.

ගම්වැසියන් කළ දැනුම්දීමෙන් පසුව එතැනට ගල්ගමුව වනජීවී අඩවි ආරක්‍ෂණ අංශයෙන් හා ගල්ගමුව පොලිස් ස්ථානයෙන්ද නිලධාරීහු පැමිණියහ.එහෙත් ඔවුනට දැකගත හැකි වූවේ වගා ළිඳ තුළ මියගොස් සිටින අලි පැටවා සහ මවු ඇතින්නය.රාත්‍රියේ වගා ළිඳට ඇද වැටුණු තම පැටවා බේරා ගැනීමට මහත් පරිශ්‍රමයක් දැරූ මවු ඇතින්න අවසානයේ කිරි කඳුළු හා මවු සෙනෙහසද කැටිව එම වගා ළිඳ තුළටම වැටී පැටවාත් සමඟම මියගිය මෙම ශෝකජනක පුවත වාර්තා වූයේ ඇහැටුවැව, ඇතිනිමලේ ප්‍රදේශයෙනි.

අඩි හතක් පමණ උස වයස අවුරුදු විස්සක් පමණ වූ මවු ඇතින්න, අඩි තුනක් පමණ උස, වයස අවුරුදු තුනහමාරක් පමණ වූ අලි පැටවාගේ සිරුර මතට වැටීමෙන් ඇති වූ තෙරපීමෙන් හා සිරවීමෙන් දෙදෙනාම අඩි විසිඅටක් පමණ ගැඹුරැති ජලය බිඳකුදු නොතිබූ වගා ළිඳ තුළ අවාසනාවන්ත ලෙස මරුමුවට පත්වී සිටි බව ගල්ගමුව වනජීවී අඩවි ආරක්‍ෂක අයි.එම්.ජී. සෙනෙවිරත්න මහතා පැවැසීය.

නදීෂා හේමමාලි කුරුඳු පොලු හමුදාවට එකතු වෙයි - Nadeesha Hemamali

පසුගියදා මාතරින් නාම යෝජනා ලැබුණු ජනප්‍රිය ටෙලි නාට්‍යය නිලි නදීෂා හේමමාලි ඊයේ දිනයේ මාතරින් දේශපාලන අත්පොත් තබා ඇත.

එහිදී ඇයගේ පළමු ජනතා හමුව ඇමතු ඇය ප්‍රකාශකොට තිබුනේ මාතර කුරුඳු පොලු හමුදාවට තමන්ද එකතුවන බවයි.

මේ අතර නදීෂා හේමමාලිට නාම යෝජනා නොලැබෙන බව දිගින් දිගට ප්‍රකාශ කල මව්බිම පුවත්පත, නදීෂාට නාමයෝජනා ලැබීමත් සමග අපහසුතාවයට පත්ව ඇත. ඒ අනුව පක්ෂයේ පැරණි සාමාජිකයන්ට නාමයෝජනා ලබා නොදී නදීෂාට ලබාදීම මව්බිම පුවත්පත මගින් අද දින විවේචනයට ලක්කොට තිබුණි. 

බස්නාහිර-දකුණ සටනට මන්ත්‍රීධුර 155කට 3794ක් තරග වදිති - Polls on March 29

ඡන්දය මාර්තු 29 දා
බස්නාහිර හා දකුණු පළාත් සභා මැතිවරණයේ මන්ත්‍රීධුර 155ක් සඳහා පිළිගත් දේශපාලන පක්ෂ 81ක් ස්වාධීන කණ්ඩායම් 42ක් යටතේ අපේක්ෂකයන් 3794 දෙනකු තරග කිරීමට සුදුසුකම් ලබා තිබේ. මාර්තු මස 29දා පැවැත්වෙන මැතිවරණයෙන් ජයග්‍රහණය කරන පක්ෂයට පළාත් දෙකෙන් මන්ත්‍රීධුර දෙක බැගින් හිමි වීමට නියමිතයි.

ඊ‍ෙය් (6) දහවල් 12ට නිමා වූ නාමයෝජනා භාර ගැනීමේ කාල සීමාවේ පිළිගත් දේශපාලන පක්ෂ හා ස්වාධීන කණ්ඩායම් පළාත් දෙක සඳහා නාමයෝජනා භාර දී තිබූ අතර ඉන් නාමයෝජනා 6ක් දිස්ත්‍රික් තේරීම්භාර නිලධාරීන් විසින් ප්‍රතික්ෂේප කර ඇත.කොළඹ දිස්ත්‍රික්කය සඳහා නාමයෝජනා ඉදිරිපත් කළ ස්වාධීන කණ්ඩායම් හතරක් හා කළුතර දිස්ත්‍රික්කය වෙනුවෙන් නාමයෝජනා භාර දුන් ස්වාධීන කණ්ඩායමක හා අකිල ඉලංගෙයි මහජන කොන්ග්‍රසයේ නාමයෝජනා ප්‍රතික්ෂේප විය.

වැඩිම නාමයෝජනා සංඛ්‍යාවක් ලැබී ඇත්තේ බස්නාහිර පළාතේ කොළඹ දිස්ත්‍රික්කයේ වන අතර පක්ෂ හා ස්වාධීන කණ්ඩායම් 33ක් නාමයෝජනා භාර දී තිබේ. අඩුම නාමයෝජනා සංඛ්‍යාවක් ලැබී ඇත්තේ දකුණු පළාතේ හම්බන්තොට දිස්ත්‍රික්කයෙන් වන අතර එම පක්ෂ නවයකින් හා ස්වාධීන කණ්ඩායම් හතරකින් නාමයෝජනා භාර දී ඇත. බස්නාහිර පළාතේ කොළඹ දිස්ත්‍රික්කයෙන් මන්ත්‍රිධුර 40ක් සඳහා එජනිස සන්ධානය, එජාපය ඇතුළු ප්‍රධාන පක්ෂ හා ස්වාධීන කණ්ඩායම් 33 යටතේ අපේක්ෂකයන් 1247 දෙනෙක් තරග කරති. ගම්පහ දිස්ත්‍රික්කයෙන් මන්ත්‍රිධුර 40ක් සඳහා අපේක්ෂකයන් 946 දෙනෙක් දේශපාලන පක්ෂ හා කණ්ඩායම් 22ක් යටතේ තරග කිරීමට නියමිතය.

ආයිමත් මං පෙම්වතියක් - Udari Warnakulasooriya

කොහොමද ඔබ සිංගප්පූරුවේ ගතකළ ජීවිතය?

ගොඩාක් හොඳයි. සතුටින් සැමියා සමඟ කාලය ගතකළා. මා ගතකරපු සුන්දර කාලය කියලා මට දැනෙන්නේ.

ඔබේ සැමියා සුජිත් ඔහුගෙන් ඔබට ලැබුණු සහාය කොහොමද?

ඔහුගෙන් ලැබෙන සහාය මට එය කියා නිම කරන්න බැහැ. ඔහු සැමියෙක්, පියෙක්. එවැනි සැමියෙක්ගේ බිරියක් වීමට ලැබීම මා භාග්‍යවන්තයි. ඒ වගේම මගේ දුව පින්වන්තයි එවැනි සෙනෙහෙබර පියෙක් ලැබීම නිසා.

බොඳ මීදුම් ටෙලිනාට්‍යයෙන් සංසලාට ලැබුණු ප්‍රතිචාර?

අති විශිෂ්ටයි, අභිමානයි, අනන්තයි සංසලා චරිතය මගේ කලා දිවියට ලොකු වෙනසක් කළා. 2011 සුමති ටෙලි සම්මාන උළලෙදි වසරේ ජනප්‍රියම නිළිය ලෙසට සම්මානය මට හිමිවුණා.

නොදුන් හේතුව දන්නේ තෝරපු අය - Ruwanthi Mangala

බස්නාහිර පළාත් සභා මැතිවරණයට එක්සත් ජනතා නිදහස් සන්ධානයෙන් තරග කිරීම වෙනුවෙන් නාම යෝජනා ලබාදීමට පාර්ලිමේන්තු මන්ත්‍රි දුමින්ද සිල්වා තමන්ට පොරොන්දු වූ බවත්, නාම යෝජනා නොලැබී යෑම නිසා ඔහු දුන් පොරොන්දුව කඩ කිරීම සම්බන්ධයෙන් කතා කිරීමට තමන් අකැමැති බවත් රංගන ශිල්පිනී රුවන්ති මංගලා මහත්මිය පැවැසුවාය.

සන්ධානයෙන් පළාත් සභා මැතිවරණයට නාම යෝජනා නොලැබීම සම්බන්ධයෙන් තමන් තුළ දුකක් හෝ කනගාටුවක් නොමැති බව කී මංගලා මහත්මිය තමන් මැතිවරණයට තරග කිරීමට සූදානම් වූයේ ජනතාවට සේවය කිරීමට වන බවත්, නාම යෝජනා නොලැබුණද ඉදිරියේදී තමන් ජනතාවට සේවය කරන බවත් අවධාරණය කළාය.

නාම යෝජනා ලබා නොදීම සම්බන්ධයෙන් දන්නේ නාම යෝජනා තේරීම පිළිබඳව භාරව කටයුතු කළ පුද්ගලයන් වීම හේතුවෙන් ඊට වඩා යමක් දීර්ඝව ප්‍රකාශ කිරීමට තමන් නොදන්නා බවද වැඩිදුරටත් ඇය කීවාය.

වයස 33 ක මවක් පොඩි කොල්ලෙක් පැරගෙන ගොස් දුෂණය කරලා !

තිස් තුන් හැවිරිදි දෙරු මවක විසින් බාල වයස්කාර පිරිමි ළමයෙකු බලෙන් රැුගෙන ගොස් අඹු සැමියන් ලෙස හැසිරුණේ යැයි බද්දේගම පොලීසිය මගින් අත්අඩංගුවට ගෙන අධිකරණයට ඉදිරිපත් කිරීමෙන් පසුව රුපියල් ලක්ෂයක ශරීර ඇප මත මුදා හැර ඇත.

මීමැදුම් ප‍්‍රදේශයේ පදිංචිකරුවෙකු වන චූදිත කාන්තාව අසල්වැසි පහළොස් හැවිරිදි පිරිමි ළමයෙකු සමග අනියම් සම්බන්ධයක් පවත්වා ඇත. ඒ බැව් දිනක් මෙම පිරිමි ළමයාගේ පියාගේ අතටම හසුවී තිබේ. පිරිමි ළමයාගේ පියා මේ සම්බන්ධයෙන් සිය පුත‍්‍රයාට සහ අසල්වැසි කාන්තාවට තරයේ අවවාද කර ඇත.

සිද්ධියෙන් දින කිහිපයකට පසු සිය දරුවා සහ අසල්වැසි කාන්තාව අතුරුදහන් වී ඇති බවත් ඔවුන් කතරගම ප‍්‍රදේශයේ ලැගුම්හලක සිටින බවට තොරතුරු ලැබී තිබෙන බවත් බාලවයස්කාර පිරිමි ළමයාගේ පියා බද්දේගම පොලීසියට පැමිණිලි කර තිබේ.බද්දේගම පොලීසිය දරුවාගේ පියා සමග කතරගම අදාළ ලැගුම්හලට ගොස් දෙදෙනාම අත්අඩංගුවට ගෙන ඇත.

පරිප්පු අඩුවෙද්දී අල වැඩිවේ...

අර්තාපල් ආනයනය කිරීමේදී කිලෝග්‍රෑම් 1ක් සඳහා අය කරන ලද බදු මුදල රුපියල් 15 න් ඉහළ දමා ඇති බව මුදල් අමාත්‍යංශය පවසයි.

ඒ අනුව අර්තාපල් ආනයනය කිරීමේදී අය කරන ලද රුපියල් 10ක බදු මුදල රුපියල් 25 ක් දක්වා ඉහළ යන බව එම අමාත්‍යංශය සඳහන් කරයි.

මේ අතර ඊයේ(05) දිනයේදී ආනයනය කරන ලද පරිප්පු කිලෝග්‍රෑම් 1ක් සඳහා අය කරන ලද බදු මුදල රුපියල් 17 කින් පහළ දමන ලදී.