ක්‍රිකට් නව තේරීම් කමිටු සභාපති සනත් ජයසූරිය

ක්‍රිකට් තේරීම් කමිටු සභාපති ලෙස හිටපු ශ්‍රී ලංකා ක්‍රිකට් නායක සනත් ජයසූරිය මහතා පත් කිරීමට නියමිතයි. එක්දින ක්‍රිකට් පිටිය උඩු යටිකුරු කළ අග්‍රගණ්‍ය තුන් ඉරියව් ක්‍රීඩක සනත් ජයසූරිය මහතා අනිද්දා සිට නව තනතුරේ වැඩ භාර ගනු ඇත.

ශ්‍රී ලංකා ක්‍රිකට් විධායක සභාව ක්‍රීඩා ඇමැති මහින්දානන්ද අලුත්ගමගේ මහතා වෙත 17කගෙන් යුත් තේරීම් කමිටු සාමාජික නම් ලැයිස්තුවක් යෝජනා කොට ඇති අතර සනත් ජයසූරිය මහතා සමග කටයුතු කරන කමිටු සාමාජිකයන් සිවු‍ දෙනා සදුදා නම් කෙරේ.

ටෙස්ට් තරග 110කට හා එක්දින තරග 445කට ක්‍රීඩා කළ සනත් ජයසූරිය මහතා වසර 20ක පමණ කාලයක් ශ්‍රී ලංකා පිල නියෝජනය කෙළේය. එක්දින ක්‍රිකට් පිටියේ වේගවත්ම අර්ධ ශතකය, එක්දින තරග 400ක් ක්‍රීඩා කළ පළමු ක්‍රීඩකයා වීම ඇතුලු ලෝක වාර්තා කිහිපයකටම ඔහු හිමිකම් කියයි.

තෙවසරකින් ඉන්දු-ලංකා වෙළඳාම දෙගුණ කිරීමට යයි

ශ්‍රී ලංකාව හා ඉන්දියාව අතර විශේෂ ආර්ථික සහයෝගීතාවයක් ඇති කිරීමට ප්‍රතිපත්තිමය රාමුවක් ගොඩනැගීම සඳහා ඉන්දියාව මෙරට මුදල් අමාත්‍යංශය සමග සාකච්ඡා කිරීමට සූදානම් වනබව දෙරට විසින් ඒකාබද්ධව නිවේදනය කර තිබේ.

මෙම නිවේදනය නිකුත් කර තිබෙන්නේ දෙරටේ විදේශ අමාත්‍යවරුන්ගේ ප්‍රධානත්වයෙන් පැවති සාකච්ඡා වලින් පසුවයි.

“තවදුරටත් වෙළඳාම, සංචාරක කර්මාන්තය හා ආයෝජන සම්බන්ධතාවය පුළුල් කිරීමට පියවර කිහිපයක් ගැනීමට දෙරට එකඟ වුණා. මේ යටතේ, ඉදිරි වසර තුන තුළදී දෙරට අතර සිදුවන ද්වි පාර්ශික ආර්ථික හා වෙළඳ කටයුතු ඩොලර් බිලියන 10 ක් දක්වා දෙගුණ කිරීමට සැලසුම් කර තිබෙනවා.“ යනුවෙන් මෙම නිවේදනයේ සඳහන් වේ.

ලිංගික අතවරවලින් බේරෙන්න මුම්බායි කතුන්ට පිහිය

පිහියා ලබාගැනීමට පොරකන කතුන්

ස්තී‍්‍ර දුෂණ දිනෙන් දින ඉහළ යෑම හේතුවෙන් ඉන්දියාවේ මහාරාෂ්ට‍්‍ර ප‍්‍රාන්තයේ මුම්බායි නුවර කාන්තාවන්ට පිහියා බෙදා දීමට එරට අන්ත දක්ෂිණාංශික දැඩිමතධාරී ශිව්සේනා පක්ෂය ඊයේ (24) පියවර ගත්තේය.

පිහියා බෙදා දීම සිදුවුණේ ඉකුත් නොවැම්බරයේ එම පක්ෂයේ නායක අභාවප‍්‍රාප්ත ලාල් තැකරේගේ ජන්ම දිනය නිමිත්තෙන් පැවැති විශේෂ ගුණ සමරු උත්සවයකදීය.

ශිව්සේනා පක්ෂය වෙනුවෙන් එහි ජ්‍යෙෂ්ඨ සාමාජික අජේ චෞද්‍රි පිහියා බෙදා දෙමින් සිටියේ මහාරාෂ්ට‍්‍ර ප‍්‍රාන්තය පුරා කාන්තාවන්ට පිහියා 21,000 ක් බෙදා දීමට තම පක්ෂය සූදානම් බවය.

ලිංගික දිවියට බාධා කරන " වැජිනිස්‌මස්‌ "

පළමු ලිංගික එක්‌වීම සම්බන්ධව අප සමාජයේ බොහෝ දෙනා තුළ ඇත්තේ අනියත බියකි. විශේෂයෙන්ම මෙය කාන්තාවන් තුළ ඉතා ප්‍රබලව පවතී. තමාගේ පිවිතුරු බව ඔප්පු කර පෙන්වීම, කන්‍යා පටලය බිඳීයැම ආදී කරුණු සම්බන්ධව පවතින මතවාද වලින් සිත පුරවාගෙන සිටින ඔවුන්ට පළමු ලිංගික එක්‌වීම යනු වධකාගාරයකට වැරැදිකරුවකු හා සමානය. මෙවැනි මානසික පීඩනයෙන් සිටින කාන්තාවට තම සහකරු සමග සාර්ථකව ලිංගිකව එක්‌වීමට නොහැකි වේ.

එසේම ලිංගික අතවරයකට ලක්‌වූ කාන්තාවන් ද නැවත ලිංගිකව එක්‌ වීමේදී දැඩි ලෙස බියට පත්විය හැකිය. එවිට ඔවුනටද නිසි ලෙස ලිංගිකව එක්‌වීමකට මුහුණ දිය නොහැකි විය හැකිය.

කාටුන් "CD" එකක්‌ "නිල්" චිත්‍රපටයක්‌ වෙයි

හෙම්මාතගම ප්‍රදේශයේ එක්‌තරා විදුහලක හතරවැනි ශ්‍රේණියේ ඉගෙනුම ලබන සිසුන් දෙදෙනකු අතර හුවමාරුකරගත් කාටුන් සංයුක්‌ත තැටියක්‌ අසභ්‍ය නිල් චිත්‍රපටයක්‌ බවට පත්වීමේ සිද්ධියක්‌ හෙම්මාතගම පොලිසියට වාර්තා වී ඇත.

මෙම සිසු යහළුවන් දෙදෙනා කලෙක සිට ළමා කාටුන් චිත්‍රපට හුවමාරු කරගෙන නිවෙස්‌වලට ගෙන ගොස්‌ නැරඹීමට පුරුදුව සිට ඇති අතර මේ අනුව පෙරේදා (24 වැනිදා) දිනයේදී කාටුන් චිත්‍රපට හුවමාරු කරගෙන ඇත. ඉන් එක්‌ අයෙකු යහළුවා ගෙනවිත් දුන් කාටුන් චිත්‍රපටය අඩංගු සංයුක්‌ත තැටිය සිය නිවෙසට ගෙන ගොස්‌ ඩී. වී. ඩී. යන්ත්‍රයට දමා ක්‍රියාත්මක කිරීමේදී එය නිල් චිත්‍රපටයක්‌ බව වැඩිහිටියන් දැක ඇත.

දැන් කට අරින්නේ කන්න විතරයි -Mervin Silva

 තමා මේ දිනවල කට අරින්නේ කෑම බිම ගැනීම සදහා පමණක් බව මහජන සම්බන්ධතා ඇමැති මර්වින් සිල්වා මහතා පවසයි.මෙවැනි අර්බුද කාල වකවානුවලදී කෑමට පමණක්‌ කට අරින්න යෑයි තිස්‌සමහාරාම රජමහා විහාරාධිපති අපවත්වී වදාළ හක්‌මන පඤ්ඤාලෝක හිමියන් දුන් උපදෙස්‌ තමාට යළි සිහිවී ඇතැයි ද ඇමැතිවරයා කියයි.

ඒ නිසා කිසිම මාධ්‍යයක්‌ හෝ පුද්ගලයන් ඉදිරියේ වැඩිපුර කතා කිරීමෙන් වැළකී සිටින බවත් අපවත් වූ නායක හිමියන්ගේ උපදෙස අනුව කෑමට පමණක්‌ කට අරින බවත් ඇමැතිවරයා කියා සිටියි.කැලණිය ප්‍රාදේශීය සභාවේ මන්ත්‍රීවරයකු ඝාතනය කිරීමේ සිද්ධිය සම්බන්ධයෙන් මර්වින් සිල්වා ඇමතිවරයාට ද චෝදනා එල්ලවී තිබු අතර, ඒ අනුව ඔහුව කැලණිය ආසනයේ සංවිධායක ධුරයෙන් ද තාවකාලිකව ඉවත් කරනු ලැබිය.

කුල ඥාති පදනම් මත මර්වින් සිල්වා ඇමතිවරයාව මාතර ආසනයේ ශ්‍රී ලනිප සංවිධායකවරයා ලෙස පත් කිරීමට පක්ෂ නායකත්වයෙන් යෝජනාවී ඇතත් ඔහු එය තරයේ ප්‍රතික්ෂේප කර ඇතැයි පැවසේ.

නයි නළඟනගේ අලුත් රංගනයක් - මානසික වෛද්‍යවරයෙකු වෙත යොමු කරයි

සෞදි අරාබි ජාතිකයකුගේ පහර දීමකට ලක්ව දැනට කොළඹ ජාතික රෝහලේ ප‍්‍රතිකාර ලබන නිරෝෂා විමලරත්න නොහොත් නයි නළඟන ඊයේ මානසික රෝග පිළිබඳ වෛද්‍යවරයෙකු වෙත ඉදිරිපත් කළ බව රෝහල් ප‍්‍රකාශකයෙකු රිවිරට පැවසීය.

ඇයගේ අමුතු හැසිරීම නිසා ඇයව තව දින කිහිපයක් ප‍්‍රතිකාර සඳහා තබා ගැනීමටද කටයුතු කරන බවද එහෙත් ඇයගේ තත්ත්වය බරපතළ නොවන බවද එම රෝහල් ප‍්‍රකාශකයා පැවසීය.

එසේම ඇය තමා පිළිබඳව පෞද්ගලික තොරතුරු ලබාදීමට මැලිකමක් දක්වන බවද ඇය පවසන දේ විටින් විට වෙනස් කරන බවද මේ පිළිබඳ පරීක්ෂණ මෙහෙයවන උසස් පොලිස් නිලධාරියෙකු සඳහන් කළේය.

මේ සිද්ධිය පිළිබඳව ඇයගෙන් ප‍්‍රකාශ සටහන් කර ගැනීමේදී පවා ඇය පොලිසියට පවසා තිබුණේ මේ පහරදීම පිළිබඳ පමණක් බවද එම පොලිස් නිලධාරියා පැවසීය.

කමල් හසන්ගේ Viswaroopam ලංකාවේ ප්‍රදර්ශනය කිරීම තහනම් - Kamal Hassan's Viswaroopam Ban In Sri Lanka

ප්‍රවීණ ජනප්‍රිය දෙමළ චිත්‍රපට නළුවකු වන කමල් හසන් නිෂ්පාදනය කොට අධ්‍යක්‍ෂණය කළ 'විශ්ව රූපම්' දෙමළ චිත්‍රපටය ශ්‍රී ලංකාවේ ප්‍රදර්ශනය කිරීම තහනම් කිරීමට අමාත්‍ය මණ්ඩලය ඊයේ (24දා) තීරණය කළ බව අමාත්‍ය මණ්ඩල ප්‍රකාශක, ජනමාධ්‍ය හා ප්‍රවෘත්ති අමාත්‍ය කෙහෙළිය රඹුක්වැල්ල මහතා පැවසීය.

 අද (25දා) ඉන්දියාවේ හා ශ්‍රී ලංකාවේදී තිරගත වීමට නියමිතව තිබූ 'විශ්වරූපම්' චිත්‍රපටය චරපුරුෂ කතාවක් සහිත චිත්‍රපටයක් වන අතර තමිල්නාඩුවේ මුස්ලිම් දේශපාලන පක්‍ෂ කීපයක්ම එම චිත්‍රපටය තිරගත කිරීමට විරුද්ධව මදුරාසි අධිකරණයෙන් තහනම් නියෝගයක් දින 14කට ලබාගෙන ඇත.

 ශ්‍රී ලංකා රැඟුම් පාලක මණ්ඩලය විසින් එම චිත්‍රපටයේ මතභේදාත්මක කොටස් ඉවත් කළත් තමන් එම චිත්‍රපටය ශ්‍රී ලංකාවේ ප්‍රදර්ශනය කිරීම තාවකාලිකව නැවැත් වූ බව පැවැසූ ඇමැතිවරයා ලෝකය විශ්ව ගම්මානයක් වී ඇති නිසා 23වැනි දා එම චිත්‍රපටය චන්ද්‍රිකා තාක්‍ෂණය ඔස්සේ රුපියල් 1000ක් ගෙවා ඉන්දියාවේ බොහෝ පිරිසක් නරඹා ඇතැයිද පැවැසුවේය.