ආසියානු සත් සාමාජික රග්බි කණ්ඩායම් අතරේ ලංකාට තුන්වැනි ස්ථානය

ඉන්දියාවේ මුම්බායි නුවරදී පැවැති ආසියානු සත් සාමාජික රග්බි තරගාවලියේදී මලයාසියානු කණ්ඩායම ලකුණු 31 - 12 කින් පරාජය කිරීමත් සමග ආසියානු සත් සාමාජික රග්බි කණ්ඩායම් අතරේ තුන්වැනි ස්ථානය ස්ථාවර කරගැනීමට ශී‍්‍ර ලංකා කණ්ඩායම සමත් විය. 

අවසන් පූර්ව වටයේදී හොං කොං පිල හමුවේ ලකුණු 33 - 19 කින් පරාජය වූ ශී‍්‍ර ලංකා පිල තුන්වැනි ස්ථානය සඳහා පැවැති තරගයේදී මලයාසියානු කණ්ඩායම පහසුවෙන්ම පරාජය කරන ලදි.මෙම තරගාවලිය ඊයේ සහ අද (12 සහ 13) ඉන්දියාවේ මුම්බායි නුවර, ජිම්කානා කී‍්‍රඩා සමාජයේදී පැවැත්විණ. 

මුම්බායිහිදී ඊයේ (12 වැනිදා) පැවැති පළමු තරගයේදී එක්සත් අරාබි එමීර් රාජ්‍යය පරදවා ලකුණු 55-07 ක දැවැන්ත ජයක් ලබාගත් ශී‍්‍ර ලංකා කණ්ඩායම දෙවැනි තරගයේදී තායිලන්ත කණ්ඩායම පරදවා ලකුණු 28-05 ක පහසු ජයක් ලබාගත්තේය. 

හදිසියේම ඕස්ට්‍රේලියාවේ කැසිනෝ රජා ලංකාවට

ඕස්ට්‍රේලියාවේ ක්‍රවුන් කැසිනෝ අධිපති ජේම්ස් ෆැකර් මහතා පසුගිය බ්‍රහස්‌පතින්දා (10 ) හදිසියේම ශ්‍රී ලංකාවට පැමිණ ආයෝජන ප්‍රවර්ධන ඇමැති ලක්ෂ්මන් යාපා අබේවර්ධන මහතා මුණගැසුණේය. 

ඔහු ඇමැතිවරයාට අමතරව මුදල් අමාත්‍යාංශය ප්‍රධානියකුද හමුවී සිකුරාදා (11 ) නැවත පිටව ගොස්‌ ඇත. 

ඩී. ආර්. විජයවර්ධන මාවතේ රුපියල් මිලියන 350 ක වියදමින් කැසිනෝ හලක්‌ සමග කාමර 400 ක හෝටලයක්‌ (ක්‍රවුන් ඩිවලොෆ්මන්ට්‌) ඉදි කරන්නේ ඡේම්ස්‌ ෆැකර් මහතා විසිනි. 

 ඡේම්ස්‌ පැකර් සිය රටට යාමට පෙර මෙරටදී පැවැත්වෙන පොදුරාජ්‍ය මණ්‌ඩල සමුළුව සඳහා පැමිණෙන බව පවසා ඇතැයිද දැනගන්නට ඇත. 

තෙරපී හැටහතරක් මරුට - ඉන්දියාව

ඉන්දියාවේ මධ්‍යම ප්‍රදේශයේ හින්දු ආගමික උත්සවයකට සහභාගී වෙමින් සිටි පිරිසක් තෙරපීමට සහ පෑගීමට ලක් වීමෙන්, 64 දෙනෙකු මියගොස් 100කට අධික පිරිසක් තුවාල ලබා ඇතැයි විදෙස් වාර්තාවල දැක්වේ. 

වන්දනා කරුවන් දහස් ගණනක් පටු පාලමක් හරහා ගමන් කරමින් සිටිය දී මෙය සිදුවී ඇති අතර කලබල වූ සමහරෙක් ගඟට වැටීමෙන් ද මිය ගොස් ඇති බවද පැවසේ. 

පිරිස පාලනය කිරීම සඳහා පොලිසිය බැටන් ප්‍රහාර එල්ල කිරීම නිසා මෙම කලබලය ඇතිවූ බවට ද රාවයක් පැතිර තිබේ. 

කෙසේවවුද පොලිසිය කියා සිටියේ පාලම කඩා වැටෙමින් ඇති බවට පැතිරී ගිය කට කතාවක් නිසා පිරිස කලබලයට ලක්වී ඇති බවට තොරතුරු ලැබී ඇති බවයි.

ජනපතිවරයාගේ අත්සන නොමැතිව දිනෙන් දින කල් යන - Cargills Bank

මහ බැංකුවේ ලිඛිත අවසරය හිමිව තිබෙන කාර්ගිල්ස් කෘෂිකාර්මික හා වානිජ බැංකුව විවෘත කිරීම දිනෙන් දිනම කල් යන්නේ ජනපතිවරයාගේ අත්සන නොමැතිවීමෙන් බව  වාර්තා වේ. බැංකු පනතේ ප්‍රකාරව මෙම බැංකුවට ව්‍යාපාර කටයුතු ආරම්භ කිරිමට මුදල් විෂය භාර අමාත්‍යාවරයා ලෙස ජනපති මහින්ද රාජපක්ෂ මහතාගේ අනුමැතිය අවශ්‍ය වේ. 

ජනපතිවරයා මෙසේ සිය අත්සන යෙදීම ප්‍රමාද කරනු ලබන්නේ සුපිරි වෙළෙද සැල් (සුපර් මාර්කට්) ක්‍රියාදාමය සිදු වන ආකාරය පිළිබඳ යම් මතභේදකාරි තත්ත්වයක් පැන නැගී තිබීම හේතුවෙන් බව මුදල් අමාත්‍යාංශ ජ්‍යෙෂ්ඨ නිළධාරියෙකු හෙළි කළේය. විශේෂයෙන් ඒවායේ සැපයුම්කරුවන්ට පනවා ඇති මාස 06 ක ණය පදනම නිසා සිල්ලර වෙළෙදසැල්වලට තර්ජනයක් වීම මෙම තත්ත්වය උස්සන්න වීමට හේතුවක් යැයිද ඔහු කියා සිටියේය. 

මේ අතර මහ බැංකු නියෝජ්‍ය අධිපති ආනන්ද සිල්වා මහතා මාධ්‍යට හෙළිකර තිබුණේ අදාළ බලපත්‍රය ළඟදීම ලැබෙනු ඇති බවට තමාට විශ්වාශය පළ කළ හැකි බවයි. දිවයිනේ සියළු පළාත් ආවරණය වන පරිදි තොරා ගත් ස්ථාන 10 ක සිය ශාඛා පිහිටුවා ඇති බව එම බැංකුවේ අධ්‍යක්ෂවරයෙක් හෙළි කළේය. මේ සදහා අවශ්‍ය සියළු පහසුකම් ගොඩ නගා අවසන් බවත්, සේවකයින්ද බදවාගෙන ඇතැයි ඔහු පැවසීය. 

සමලිංගිකයන්ට ඇතුළුවීම තහනම් - කුවේට් රාජ්‍යය

තම රටට සහ ගල්ෆ් කලාපයේ රටලටට ඇතුළුවන පුද්ගලයන් වෛද්‍ය පරීක්ෂණයකට ලක් කර ඔවුන් සමලිංගිකයන්ද යයි සොයා බැලීම සඳහා වැඩපිළිවෙලක් ක‍්‍රියාත්මක කිරීම කෙරෙහි කුවේට් රජයේ අවධානය ලක්වී ඇතැයි වාර්තා වේ. 

එයින් සමලිංගිකයන් බව නිගමනය කෙරෙන පුද්ගලයන්ට කුවේට් රාජ්‍යය හෝ ගල්ෆ් කලාපයේ ඕනෑම රටකට ඇතුළුවීම තහනම් කෙරෙනු ඇත. මෙම යෝජනාව පිටුවහල් කිරීම පිළිබඳ තීරණ ගැනීමේ බලය සහිත කමිටුවක් විසින් නොවැම්බර් 11වනදා සලකා බැලීමට නියමිතය.

නිශ්චිත කාලයකට වරක් මෙම වෛද්‍ය පරීක්ෂණ වලට සහබාගී විය යුතු යයි යෝජනා වී තිබුණද එම පරීක්ෂණයන් කවර ආකාරයක් ගන්නේද යන්න යෝජනාව තුළ පැහැදිලි කර නැතැයි වාර්තා වේ. කුවේට් රාජ්‍යය තුළ සමලිංගික ක‍්‍රියාවන් තහනම් කර ඇති අතර අවුරුදු 21ට අඩු පුද්ගලයන් සම්බන්ධ වේ නම් උපරිම සිර දඬුවම වසර 10කි.

සචින් තෙන්ඩුල්කාර් ක්‍රීඩාවෙන් සමු ගැනීමට සූදානම්

ඉන්දීය සුපිරි පිතිකරු සචින් තෙන්ඩුල්කාර් සිය දෙසිය වැනි ටෙස්ට් ක්‍රිකට් තරඟයෙන් අනතුරුව ක්‍රීඩාවෙන් සමු ගැනීමට සූදානම් වන බව ඉන්දීය මාධ්‍ය වාර්තාකර තිබේ. 

ඉන්දීය කි‍්‍රකට් පාලක මණ්ඩලය මගින් ප‍්‍රසිද්ධ කෙරුණු ඔහුගේ ලිපික් උපුටා දක්වමින් මේබව වාර්තා කර ඇත. මේ තරගය පැවැත්වීමට නියමිතව ඇත්තේ ලබන මාසයේ දී බවද පැවසේ. 

ක්‍රීඩා දිවියෙන් සමු ගැනීමේ පුවත නිවේදනය කරමින් ඔහු පවසන්නේ, ගෙවුන වසර විස්ස පුරා ඉන්දියාව වෙනුවෙන් ක්‍රීඩා කිරීමේ සිහිනය තුළ තමා ජීවත් වුන බවයි. වයස අවුරුදු එකොළහේ පටන් ක්‍රිකට් තුළ ජීවත් වූ තමාට ක්‍රිකට්වලින් තොර ජීවිතයක් සිතා ගැනීමත් නොහැකි බවද ඔහු කියා සිටී. 

ටෙස්ට් සහ එක්දින ජාත්‍යන්තර තරඟවලදී ලොව වැඩිම ලකුණු සංඛ්‍යාවක් රැස් කර ගෙන ඇති තෙන්ඩුල්කාර් ටෙස්ට් තරඟ 198 කදී ලකුණු 15,837 ක් සහ එක්දින තරඟ 463 කදී ලකුණු 18,426 ක් රැස් කරගෙන තිබේ. 

මට ගොඩක් සමලිංගික මිතුරන් ඉන්නවා - Jacqueline Fernandez

බොලිවුඩ්පුරයේ සිය අණසක පතුරුවන් සිටින ශ්‍රී ලාංකීය රූ රැජින ජැකලීන් ෆර්ඩිනැන්ඩ්ස් පහුගිය දවසක ඉන්දීයානු වෙබ් අඩවියකට තරමක්,මතභේදාත්මක අකාරයේ සම්මුඛ සාකච්ඡාවක් ලබා දී තිබුණා. 

ටයිම්ස් ඔෆ් ඉන්ඩියා හට ඇය පවසා තිබුණේ තමා විවාහ වී හෝ නොවී ළමයෙකු ලැබීමට ආසාවෙන් පසුවන බවයි.දික්කසාදය වැඩිපුර සිදුවන පරිසරයක දැන් ජීවත් වීමට සිදුව ඇති නිසා විවාහ පිළිබද පැහැදිලි ආකල්පයක් ඇය තුළ නැති බවටයි ඇය වැඩිදුරටත් අදහස් දක්වමින් පවසා සිටියේ.

මේ වන විට තමන්ගේ මවත් පියාත් විවාහ වී වසර තිහක් පමණ කාලයක් සතුටින් ජීවත් වන අයුරින් තමාත් ජීවත් වීමට කැමති බවත් විවාහ වී හෝ නොවී ළමයෙකු නම් හදන බවටයි ඇය තරයේ ප්‍රකාශ කර තිබුණේ.

කාන්තාවක් කෙරෙහි ඇය තුළ කුමන අයුරකින් හෝ ඇල්මක් ඇතී වි ඇත්ද යන වග ඇගෙන් විමසා සිටිය විට ඇය එකහෙළාම පවසා සිටිවේ දැනටනම් නැත යන්නයි.ප්‍රශ්ණය ඇසු සැනින්ම එවැන්නක් පැවසු ඇය නැවතත් එම ප්‍රශ්ණයට මේ අයුරින්ද පිළිතුරු ලබා දී තිබුණා. 

තිලකරත්න ඩිල්ෂාන් ටෙස්ට් කි‍්‍රකට් පිටියෙන් සමුගනී

ශී‍්‍ර ලංකා කි‍්‍රකට් කණ්ඩායමේ ආරම්භක පිතිකරු තිලකරත්න ඩිල්ෂාන් ටෙස්ට් කි‍්‍රකට් පිටියෙන් සමුගැනීමට තීරණය කර තිබේ. තමන්ගේ සමුගැනීම සම්බන්ධයෙන්  (10 වැනිදා) ඩිල්ෂාන් විශේෂ ප‍්‍රකාශයක් කරන බව ශී‍්‍ර ලංකා කි‍්‍රකට් ආයතනය නිවේදනය කරයි. 

කෙසේ වෙතත් එක්දින සීමිත ඕවර සහ විස්සයි/20 කි‍්‍රකට් තරග සඳහා තවදුරටත් කී‍්‍රඩා කිරීමට ඩිල්ෂාන් සූදානමින් සිටී. මේ වන විට 36 හැවිරිදි තිලකරත්න ඩිල්ෂාන් ශී‍්‍ර ලංකා කණ්ඩාමේ හිටපු නායකයකුද වන අතර ශී‍්‍ර ලංකා කණ්ඩායමක් දකුණු අපි‍්‍රකාවේදී ලබාගත් එකම ටෙස්ට් ජයග‍්‍රහණයේදී ශී‍්‍ර ලංකා පිල මෙහෙයවූයේද ඩිල්ෂාන් විසිනි. 

ටෙස්ට් තරග 87 කදී ලකුණු 5492 ක් ලබා සිටින ඩිල්ෂාන් ටෙස්ට් ශතක 16 ක හිමිකරුවෙකි. ”මා මේ තීරණය ගත්තේ ශී‍්‍ර ලංකාවේ සිටින නැගී එන කී‍්‍රඩකයන්ට අවස්ථාව දීමටයි” ”සිම්බාබ්වේ සංචාරයෙන් පස්සේ මගේ මෙම තීරණය ප‍්‍රකාශයට පත්කරන්නයි මම හිතාගෙන හිටියේ.